مشكلة جننتني و طلعتلي نخل في راسي
بسم الله الرحمن الرحيم
اخواني عندي مشكله غريبة و جننتني و كل واحد يفتي على راسي
من الوكاله الى المهندسين اللي كانوا يشتغلون في الوكاله و فتحوا لهم ورش
مشكلتي في نظام VSA و لمبة المكينه
بخصوص لمبة المكينة
انا عندي لمبة المكينه شغاله من اكثر من سنه بشكل متقطع
مرة تشتغل و مرات تطفى اللمبة لحالها
و مرات تشتغل زي الفلشر تومض بعدين تطفى او تشتغل على طول
طبعا سويت فحص كمبيوتر و طلعلي الكود (P0304)
و قالولي الكويل رقم اربعه و غيرته و نفس الوضع ما تغير فطنشت الموضوع
و طبعا اللمبه و المشكله على حالها
قبل شهر تقريبا
حصلت المشكله الجديده اللي هي VSA
صارت تشتغل فجاءة و انا ماشي في الطريق فاضطر اجنب و اطفي السيارة و ارجع اشغلها تنتهي المشكله وعلى هذا الحال كل ما اشتغلة اجنب اطفي السيارة و اشغلها
لاحظة انه اذا اشتغل النظام تصير السيارة بصعوبة تتجاوز سرعة 120
و ماتتجاوب لدعسة البنزين يعني حتى لمن تدعس عشان السيارة ترجع نمرة و وتمشي بسرعه اكبر السيارة ما تستجيب و لا ترجع نمرة
طبعا رحت للوكالة و سويت فحص كمبيوتر و اخذت منهم تقرير بالحالة
و طلعت منهم بالتالي قالوا لازم نسوي تنضيف بخاخات نفكها برى و تتنضف
يعني ماينفع باستخدام الجهاز
و اذا الحل هذا مانفع نشوف حل ثاني و يمكن تكون من الكمبيوتر :mad:
قلت خلني اخذ التقرير اوديه عند متخصصين الهوندا
واحد يقول لا تلف في الورش و تدور على حل للمشكلة هذي غير في الوكالة و من شاف التقرير قال هذي من المنظم تبع VSA
و رحت لواحد ثاني يقول انه مشتبه بشكل كبير في حساس دعسة البنزين
يعني كل و احد يفتي من راسه الوكالة + المهندسين
و طبعا دام الشغله صار فيها فتاوي فلازم ما ننسى المنتدى
عشان الشباب يفتون هم كمان :d
بس ان شاء الله نطلع معاكم بالحل يمكن احد مرت عليه المشكله و طلع حلها شي تافه
وهذي صورة من تقرير الشركة
http://shrta.com/imageupload/viewimages/7cb99b65dd.jpg
في شي في التقرير نسية ما وضحته اللي هو ABS سليم ومافيه اي مشكله
لكن عشان انا غيرت الرمان بلي و الميكانيكي قلبه اشتغلت لمبة ABS
و رجع عدل الرمان و اختفت مشكلة ABS
لكن الكمبيوتر يخزن كل شي في الذاكرة عشان كذا ظهر في تقرير الشركة
