سلام عليكم شباب انا شريت هوندا اكوردا 96 فل كامل وفيه ناس يقولو مو حلوه ومشاكله واجد ابغاء رايكم هي حلوه ولا ما تستاهل مع العلم انا مجنون هوندا واحب حرف الاتش
عرض للطباعة
سلام عليكم شباب انا شريت هوندا اكوردا 96 فل كامل وفيه ناس يقولو مو حلوه ومشاكله واجد ابغاء رايكم هي حلوه ولا ما تستاهل مع العلم انا مجنون هوندا واحب حرف الاتش
حياك الله اخوي وانشاء الله تفيد وتستفيد .
والناس (الي يقولوا) خلهم يقولوا الي يقولوة اذا انت بتمشي على كلام الناس عز الله بتغير الموتر كل يوم .
ماعليك منهم دامك انت مبسوط منها . ولي مو عاجبة قلة يشرب من البحر (بس لاينسى ياخذ كاسة معاة عشان يشرب وهو مرتاح ).
وعليكم السلام ورحمة الله وبركاته
حياك الله في المنتدى ومبارك عليك السيارة :)
الله يعطيك خيرها ويكفيك شرها
الحقيقة هنا يطرح سؤال لمن يقول لك مشاكلها كثيرة ...
( من متى هوندا مشاكلها كثيرة ؟؟ )
على العكس فهوندا هي السيارة اليابانية الأولى من جميع النواحي كسيارة عملية وإعتمادية.
أما عن مشاكل سيارتك تحديداً أو أي سيارة أخرى، فهذا يعتمد على من استخدمها قبلك وعلى استخدامك لها. فهل تم الاعتناء بها ؟
أما هوندا فهي من قديم الأزل عملية وتعيش طويلاً ونادرة المشاكل ولله الحمد.
حياك الله معنا ..
والله يعطيك خير السياره ويكفيك شرها ,,
ومثل ماقالوا الشباب ماعليك من كلام الناس ,, لوتشتري أطلق سياره راح يطلعون لك عيوب لراسك ,,
الهوندا معروفه ,, والمجد الي وصلت له ماوصلت له خلال السنتين الاخيرتين أو الثلاث ,,
بل بالعكس من عام 92 وهي ماشاء الله عليها ...
قبل كم يوم شفت عندنا بالدمام أول شكل ينزل للأكورد ,,,,!!! وشرايك ؟
كيف تحملت هذي السياره ...؟؟؟؟؟ أولا لأنها هوندا وثانيا من محافظة صاحب السياره لها ..
الله يحييك
اما عن نفسي عندنا اكورد 82 ومن يد ليد ولا يومك هذا ماشفنا منها شي
وثاني شي الي يقول خراباتها كثيره من هو عشان يقول الكلام هذا
ليكون مهندس في مرسيدس ولا بي ام الناس تقول كلام وكانها
هم الي يصنعون السيارات
حياك الله "يامطنش"
ومثل ماقالو الشباب كلام الناس اسمعه مع اذن وطلعه معا الثاني
انت الي بتستخدم مو هم ونتمنى لك التوفيق
الله يسمع منكم ويجزاكم خير وعلى فكره كان معي هوندا 2001 وبعتها لحاجه
وشريتها وكاله وطوال ما انا مستخدمه ما اذكر الى اني غيرت فحمات فرامل وقالولي فلاتر قير وبس وانا 96 ما ادري عنه بس انتم طمنتوني وبلاعكس انا اقتنعت فيه
ياعبادي
انا وش قلت لك ؟
قلت لك لاتاخف من سيارتك <<خلاص عطاك ايها عزوز ورشه لاتفاصل
صدقني الموتر شكله ممتاز ومافيه اي عيوب
وانت لو حبيت تسوي له صيانه تعال عندي بالورشه <<قصدي روح اي ورشه((يبي يترزق من موترك))
ولو بغيت تسوي لها صيانه ماراح تكلفك اكثر من 1500هذا لو قلنا يبي لها مساعدات وعضلات جديده وجلب وشغلات خرط
اما شغلت فلاتر وتشيك وليات واشياء بسيطه ماتكلف عليك 350 ريال ان كثرت
شهادتي بالموتر مجروحه حتى لو اني ماشفته ولاجربته لكن الهوندا ممتازه وعلى حسب خبرتك ضني ماتختار الى الزين ياعبادي
تقبل تحياتي حبيبي عبادي
اخوك
عزوز ورشه
والله تسلموووووووووووووووووووووووون صدق انك فله حبيتك بس ابيك تعذروني على القصور في المشاركات لني مشغول وفرص النت عندي صراحه بس صدقوني ما راح انقطع عنكم دامني اقدر اسوق هوندا
حياك الله بالمنتدى
انا كانت عندي اكورد 96 ولازالت موجوده والان طقيتلي 2006 الحمد لله
الصراحة كنت كارف السياره كرف الويل وكل اسبوعين اسفر للرياض الدمام اربعاء وخميس
ولا قالت اي شي ماشاء الله
اهم شي العكوس شحمها
ولاتنسى تغير سير الماكينه اذا معديه 100 الف كيلو تراه رخيص
بس انا ماغيرته وانقطعت سنونه لانه بلاستيك وكسر علي بلوف الماكينه 16بلف وكلفتني حول 2500ريال
يارجال ماعليك من كلام الناس والناس ماوراهم إلا التعب وعوار الراس ما سمعت المثل اللي يقول
من راقب الناس مات هما .