من يفيدنا بالاكورد 2007 v4

السلام عليكم كيف حالكم انشالله طيبين


انا سالفتي طويله والله عندي مشاكل وابي اعرفها وابي الحل لها انشالله ان فيكم من بيساعدني


سلمكم الله السياره فيها حنه احس ان السياره ثقيله كاني حاطها ب دي 2 بس هي بالاول ولي الدركسون يهرب وكل شوي ازيدها وانا ما احطيت الموضوع الا اني بزين السياره من اولها ل خرها وعندي اذا جيت اوقف السياره اسمع صوت طقطه واذا حطيت بالريوس وحطيته ب n وعشقت دي بعد انتظار تنتع السياره مع اني ماسك فرامل بقوه وفيه مره كنت طالع فيها الدمام وحول البحر فيه زي الرمل وحطيت القير على 1 دعست على السياره شوي عشان ماتغرز ومشيت مسافه وانا داعس لها بالرمل يوم طلعت اذا وقفت وقومت السياره يطلع لي صوت طقه وديتها للورش قالو كرسي مكينه وبعد فتره تختفى الصوت:eek: وقبل من زمان والى الحين اذا قومت السياره تحس ان فيه واحد يسحبني وتمشي السياره بس على اخف شوي << وش يقول ذا :eek:ههههههه


وربي عارف اني طوت وناس بتشوف الموضوع بتقراه طويل وبعطيني احلى سيفون:d


بس والله قبل لا احط الموضوع فريت قسم الصيانه موضوع موضوع ادور اشياء زي المشاكل اللي صارت لي ولا لقيت كنت ماودي اثقل عليكم < مسوي اخلاق الولد :p

المهم تكفون ياشباب ابي احد يفيدني وله دعوه بظهر الغيب


ايه صح دكرت <<لحول وش ذا القلق :o


ابيكم تنصحوني باحسن محل قطع غيار وورشه للهوندا شغغل مظبوط وسعر اظبط ;) موقعي الرياض

بالنسبه لتهريب لي الدركسون غيرت اللي على الضمان ؟؟ لانه في عيب مصنعي

بس اهم شي راح يجبرونك تفحص السيارة حتى يغيرون لك (العيب المصنعي) عيني عينك سرقه ادخل في عينهم ولا تدفع ريال واحد