سؤال للخبراء بعد تغيير مكينة السيارة

الاخوة الكرام بداية انا ماعندي اي معلومة حول نظام الفتك هل هو نظام ميكانيكي او الكتروني .... انا عندي هوندا سيفيك موديل 2002 ومكينتها فيها اعطال داخلية المهم رحت للتشليح ولقيت هوندا سيفيك موديل 2005 فل اوبشن ميكنتها والجيربوكس فيها تمام المهم اشتريت المكينة والجيربوكس

العامل خبرني ان المكينة فيها نظام vtec وقال اذا تبى تشغل الفتك اشتري الكومبيوتر حقها واذا تبى بعد الشكمان حقها نظيف بس فيه حساس اوكسجين من قدام ومالتي مافيها حساسات اوكسيجن قدام او تحت

المهم سؤال للخوة ::: هل يضر المكينة اذا شغلتها شغل عادي بدون فتك ام لازم يكون نظام الفتك شغال وكمان اشتري الكومبيوتر ؟؟

سؤال اخر ::: اذا كان لازم اشتري الكومبيوتر هل يلزم ايضا تغيير الشكمان لاحتواءه على حساسات اوكسجين ام ماله اي علاقة بالفتك ؟؟؟

جزاكم الله خير

حياك الله أخي الكريم

بالنسبة لنظام الفتك ، نظام الفتك نظام ميكانيكي وليس كهربائي

لكن بالنسبة لسؤالك هل إذا ركبت المكينة تقدر تشغلها بدون مايشتغل الفتك !؟

أتوقع ولا أعلم ولكن اتوقع ان كلام الميكانيكي صحيح أنه تحتاج كمبيوتر علشان ينظم حركة الصمامات و توقيتها في نظام الفتك ،،، إلا في حالة وحده أنه تقدر تركب المكينة وبدون ماتشغل نظام الفتك

لأنه أصلا نظام الفتك في الهوندا عموما مايشتغل إلا بعد 4500 لفة في الدقيقة وقبل الرقم هذا المكينة تشتغل زي أي مكينة ثانية ويكون نظام الفتك فيها لا يعمل

( 4500 لفة في الدقيقة ) = rpm الموجود في الطبلون وعادة يكون من 1 إلى 7 أو 8

أنت تأكد من الميكانيكي وشوف إذا تقدر تركب المكينة الحين وتخلي نظام الفتك مو شغال لين ما تحصل على كمبيوتر للسيارة

بالنسبة لحساسات الأوكسجين ما أتوقع لها علاقة أبدا بنظام الفتك ،، لأن وظيفتها الأساسية قياس نسبة الأوكسجين الخارج من المحرك و تغيير نسبة الأوكسجين الداخل إليه فقط لا غير

أتمنى أكون أفدتك لو بالقليل ولكن هذا مالدي :)

ياهلا ومرحبا اخوي كلاسيك ومشكور على المعلومة والمكينة شغالة معاي تمام وامشي عليها مرات بسرعات 150 و160 كيلو لكن حبيت اطمئن ان كان الصمامات مصممة لتعمل بنظام فتك ستسبب لي مشكلة ان كان النظام لا يعمل فقط لان الميكانيكي يريد يبيع لي الكومبيوتر بالف درهم وانا رفضت واسمحلي بسؤال اخر :

هل سيضيف لي نظام الفتك اي عزم اضافي بداية تحريك السيارة ام هو يعمل فقط بعد ماتتحرك السيارة بسرعة معينة ؟؟؟؟

اقتباس:

---

المشاركة الأصلية كتبت بواسطة motaim_999

ياهلا ومرحبا اخوي كلاسيك ومشكور على المعلومة والمكينة شغالة معاي تمام وامشي عليها مرات بسرعات 150 و160 كيلو لكن حبيت اطمئن ان كان الصمامات مصممة لتعمل بنظام فتك ستسبب لي مشكلة ان كان النظام لا يعمل فقط لان الميكانيكي يريد يبيع لي الكومبيوتر بالف درهم وانا رفضت واسمحلي بسؤال اخر :

هل سيضيف لي نظام الفتك اي عزم اضافي بداية تحريك السيارة ام هو يعمل فقط بعد ماتتحرك السيارة بسرعة معينة ؟؟؟؟

---

اذ نت من عشاق سرعه وتحدي سولك مشروع تزويد ركب الكمبيوتر وشغل الفتك االكابرس اس اس مايكل عيش معاك
بس اسل المكنيكي وش حجم المكينه مثل k20
عل فكره الفتك يصرف بنزيل

ماشاء الله زين المكينة شغاله تمام

اقتباس:

---

هل

---

اقتباس:

---

سيضيف لي نظام الفتك اي عزم اضافي بداية تحريك السيارة ام هو يعمل فقط بعد ماتتحرك السيارة بسرعة معينة ؟؟؟؟

---

والله بهالمعلومة ما أدري ،، لكن نظام الفتك يضيف عزم كبييير للمكينة لكن بداية تحريك السيارة على حسب !!

اوضح لك ،، لو مشيت بسرعه عادية جدا و بطريقة هادئة بحيث الـ rpm يكون تحت 4 مثلا بالحالة هذي الفتك يكون ماله أي تأثير

لك لو حبيت تجرب تسارع السيارة او تبي تجاكر احد على الخط بالحالة هذي ينفع ،، لأنه بداية تحريك السيارة يوصل الـ rpm معاك إلى 7 او حتى 8 و الفتك يكون شغال بعد الـ 4.5 علشان كذا راح يفرق اكيد

لكن اهم شي المكينة شغاله الحين وماشيه معك تمام و نظام الفتك موجود وباقي لك الكمبيوتر ،، تقدر تركبه بعدين لو حبيت وتوفرت الميزانية المناسبة أو تطلب الكمبيوتر من برا ارخص لك :cool: