الفحص المجاني .. نتايج الفحص طلعت , راسب !!

السلام عليكم .. صباح / مساء الخير

عملت فحص للسياره هالإسبوع و قالولي عندك مشكله ..

لازم تغير مسامير عمود التوازن الامامي و الخلفي ..

و سعرها الامامي 497 ريال و الخلفي 600 ريال ..
يعني تقريبا 1100 ريال ..

الزبده اني ما ألاحظ أي خلل بالسياره بس وسوست من كلامهم و قلت اللي قد صار معاه هالخلل يفيدنا و أيش اللي يظهر ع السياره عشان أعرف كلامهم صدق أو لا ؟؟

و اللي أكتشفته منهم إنه هالفحص المجاني نصب في نصب بس عشان العالم توسوس و تطلب القطع اللي يقولوا للعالم لازم تغيرها .. و أنا اللي شفت بأم عيني مبيعات قطع الغيار عال العال و شغالين هالأسبوع و زحمه ع القطع و الطلبيات .. أسلووووب أبو هاشم و عرف يصيد العالم ..

هي حركة تجارية بحته ... يعني هالدعاية المقصد فيها سحب أكبر كمية أموال من الناس .... فنسبة المبيعات عال العال ...
ونسبة الصيانة عال العال ... فمن الشيء الطبيعي إنه لازم يسوي هالحركة علشان تكون النتيجة كالتالي : -

1 - نسبة أعمال الصيانة ليست عال العال ... وبعد هالدعاية راح تكون عال العال .
2 - نسبة مبيعات قطع الغيار كذلك ليست عال العال .... وبعد هالدعاية راح تكون عال العال .
3 - نسبة المبيعات بعد هالخدعــة عفواً الخدمة ... راح تكون عال العال ... لأن الناس راح يلتفتون لهالزحمة ويقولون شركة عال العال .

الخلاصة والزبدة من الموضوع ... اللي موتره ما فيه شيء لا يوسوس ... ترا والله الحركات ذي ما تمشي ولا على مغفل فيه نقص نمو في الدماغ ... الناس صاروا فاهمين ومثقفين و واعين .

واللبيب بالإشـــــــــارة يفهم ... وسلامتكم .

روح ورشة وخليه يشيك عليهم وتاكد

السنة اللي راحت سويت فحص طلعو لي ورقه وش طولها انواع المشاكل :d


والله ياحبيبي خذيت الورقة وحطيتها بالدرج :d

والى يومك هذا الحمدالله السيارة تمام فقط اغير القطع الاستهلاكية :d

فحص السنه الي مضت طبعو لي برنت بغيت اقولهم اصبرو اجيب متر وارجع هههههههههههه

استبدل استبدل استبدل استبدل استبدل استبدل .... الخ :d

وتقدرت التكلفه بـ 11000 الف ريال :eek: وبالا خير رست على 7000 ريال :p ولاهم من هاذا كله بعد ماطلعت من عندهم قلت خلني امر ورشه متعامل معاها (ورشه 20 ) وقابلت تحسين وقلت عن اغلب الاشياء الي با البرنت وشيكـ قالي مافيه شي !! ;)


الي حبيت اقوله بعد ها الديباجه الطويلة ان هاذي الازعاج وفحص ورسائل مجرد تسويق لقطع الغيار

لا مصادقيه بالفحص ولا هم يحزنون هم وها الكشاف السحري :d


الي حاب يضيع وقت يروح

موفقين يارب

اقتباس:

---

المشاركة الأصلية كتبت بواسطة D.H.o.O.o.M

فحص السنه الي مضت طبعو لي برنت بغيت اقولهم اصبرو اجيب متر وارجع هههههههههههه

استبدل استبدل استبدل استبدل استبدل استبدل .... الخ :d

وتقدرت التكلفه بـ 11000 الف ريال :eek: وبالا خير رست على 7000 ريال :p ولاهم من هاذا كله بعد ماطلعت من عندهم قلت خلني امر ورشه متعامل معاها (ورشه 20 ) وقابلت تحسين وقلت عن اغلب الاشياء الي با البرنت وشيكـ قالي مافيه شي !! ;)


الي حبيت اقوله بعد ها الديباجه الطويلة ان هاذي الازعاج وفحص ورسائل مجرد تسويق لقطع الغيار

لا مصادقيه بالفحص ولا هم يحزنون هم وها الكشاف السحري :d


الي حاب يضيع وقت يروح

موفقين يارب

---

الله يهديك ... نسيت حاجة مهمة جداً وهي تهم الشركة وفي قائمة أهم شيء عندهم

اللي حاب يضيع وقت + فلوس يروح لهم

موفقين يا رب

ولاعمري دخلت سيارتي الوكالة والحمدللة مافيها الا العافية واذا ماتحس بشي بالسيارة لاتغير ترى يكذبون اذا شافو شي ماعجبهم ولاربل بس حس انه ناشف قالك غيره