عرض للطباعة
السلام عليكم .. اولا: أنا سجلت بهذا المنتدى وأتمنى أني أكون بين أخواني وأحبابي ... :rolleyes:
ثانيا أنا عندي أكورد 2006 وهي ماشيه تقريبا 2300 كلم(ماشاء الله)<<<<<< لاتلومونه خايف على موتره... ويطلع فيها بعض الأحيان موب دايم صوت إذا لفيت الدركسون أو ضغطت الفرامل وصراحه ذا الصوت مضيق صدري مره و أرجو منكم الأفاده وشكرا
الله يحييك بين اخوانك
الدركسون مادري عنه لاكن الفرامل اضن انه عادي وموجود في اغلب السيارات واعتقد انه
من مانع الانزلاق وانصحك بان تروح للوكاله باسرع وقت حتى تتاكد من المشكله تمام هل هي طبيعيه
ولا عيب من المصنع وحتى لاتتكاثر عليك المشاكل لان كل مشكله تجر وراها مشاكل
واخيرا تقبل مروري وارجو اني افدتك
مشكور أخوي مجنون هوندا على مرورك .. ولاكن أنا ملاحض أن الصوت هذا ما طلع إلا بعد ما شيكت ال 1000 كلم ...واعذروني على الأطاله
السلام عليكم ورحمة الله وبركاته
أخي الكريم حياك الله في المنتدى
مبارك عليك السيارة والله يعطيك خيرها ويكفيك شرها
وخير ما اخترت ما شاء الله تبارك الله
بخصوص الصوت بالسيارة فهذا الأمر يختلف في معياره من شخص لآخر
لقد مررت بمواقف كثيرة مشابهه خصوصاً مع أقرباء كانت أول سيارة لهم
وبحكم أنها سيارة جديدة ومتعوب عليها، فالشاب يقود السيارة بقمة التركيز ويتابع أقل الأصوات، فمرات يسمع صوت غريب أحياناً من المساعدات والباب والكراسي .. وما شاء الله المطبات في الشوارع حدّث ولا حرج..
وهذا الموضوع حصل معي بسيارتي، أكون مع أحد الأصدقاء وأقوله ما سمعت الصوت بالكرسي الخلفي ؟ وطبعاً ما يكون في صوت عادةً، ولكن بحكم التدقيق في كل همسه.
ومرة أخذت سيارة أحد الأقرباء أكورد 2006 مواصفات كاملة حيث يقول انه المساعدات فيها صوت وخصوصاً مع المطبات، ولكن في الحقيقة وعندما أخذتها منه وقطعت ذلك المشوار الطويل إلى الوكالة، لم أسمع أي صوت فيها!، وعندما وصلت وطلع المهندس في السيارة، قال فين الصوت ؟؟ قلتله ما أدري صاحبها يقول ..
ولما أرجع السيارة لصاحبها ويجربها يقول تمام راح الصوت ! :) وهو في الحقيقة غير موجود من الأساس أو كان صوت عابر سمعه من كثر ما يركز.
أتمنى انك تتقبل ردي، وهذا ما يمنع انك تتحقق من الموضوع وتعرضها على مهندسي الصيانة المتخصص في وكالة هوندا من باب التأكيد على سلامة كل شيء في السيارة. وكلامي السابق ما يمنع انه أي سيارة من سيارات هوندا يمكن يكون فيها خلل فنّي غير مقصود. مع أن هذا نادر.
وبالتوفيق إن شاء الله
مشكور أخوي golden lion على المرور ولاكن الصوت واضح ومب أنا بس اللي سامعه حتى أثنين من أخوياي سامعينه
وشكرا
حياك الله اخوي غياض .
شوف اخوي غياض دام سيارتك توها جديدة (ماشاء الله تبارك الله ) وعلى الضمان . انصحك تروح الوكالة وتخلي مهندس الصيانة يكشفلك على السيارة اذا كان فيها شي لاقدر الله بيصلحونة لك وعلى الضمان يعني ماحتدفع ولا ريال .
ياليت لارحت للصيانة حق الوكالة تعلمنا وش صار معاك .
وما تشوف شر اخوي وانشاء الله تكون مشكلتك بسيطة جدآ .
وسامحني على التقصير اخوي .
حياك الله اخوي غياض والشباب مـــــاقصرو كفو ووفو
وننتضر جديدك ومشاركاتك;)
أشكر أخوي( اتش) على النصيحه وبروح للوكاله أن شاءالله ...
وأشكر أخوي( اكورد الجنوب) وفعلا الشباب كفو ووفو
الفرامل لاغسلت السياره عند مغسله يطلع صوت لفتره واظنه بسبب الماء
اما المشاكل اللي معك والله مدري بالضبط لكن بالتوفيق اذا قالولك شي الوكاله عطنا خبر عشان نستفيد وانا اخوك
المشاكل البسيطة هذي موجودة حتى في 2005 :) ...
في صوت .... لكن صوت ايش الله اعلم .... :d
هلابك اخوي
وحياك الله في نادي محبين هوندا
والله عزيزي المشكله الاولى عاديه جداً بالنسبه للفرامل
وفيه معلومه تطمن كثير من الشباب
لو استبدلت فحماتك بتجاريه ماطلعت صوت وعلى ضمانتي انا
مثال
في اللاندكروزر لما تجي تركب له فحمات تجاري مافيه صوت
لكن لما تركب اصليه تطلع صوت حك او صوت تصفير بمعنى اصح
واتوقع هذي المشكله مو قويه اوعيب مصنعي خطير بالنضام
وبالنسبه للمشكله الثانيه
مافهمتها ابداً ابداً
ابيك تشرح لي اكثر كيف الصوت الى يطلع زي صوت حك الحديد ببعض
او صوت زنه اذا لفيت ؟
وتعطيني جمبع ملاحضاتك يعني متى يطلع اذا كانت السياره بارده او حاره واقفه او حتى في حالة السير زي كذا
انتضر ردك حبيبي
اتمنى اكون افدتك
اخوك
عزوز ورشه
مشكور أخوي (الأخطبوط) و (blk) وبالنسبه لأخوي (باتريوت هوندا) الصوت ما يطلع دايم يعني يقعد من 10 إلى 15 يوم ثم يطلع مره ثانيه ويطلع لما السياره تكون ماشيه وعادة تكون حرارة السياره على النص والصوت زي الونه وآخر مره حسيت به في الدركسون .... ومشكور على العموم