الحقوني الحقوني مشكله في نظام vtec

السلام عليكم

ياجماعه انا معي اكورد 2004 قير عادي

اول ماشريتها كان الفتك عندي شغال وكنت كنق نفسي يوم كان الفتك شغال :aa_7aded:

عقب فتره صار تخمه مره يفتح ومره لا

وهاللحين ماعاد صار يفتح ابد ولا يحسسني بصوت
فقدت الصوت والخنه الواثقه اللي تقول دوس وخلك متوكل على الله سبحانه ثم علي دام انك معاي مش حيقدر حد يهوب ناحيتك تراك بتغسل اللي جنبك :d

تعرف وش معناه هوندا بدون فتك يعني زي ماتقول طير بدون جنحان هههههه حلو المثال :d

نبدا بالجد

بحثت في النت في منتديات اجنبيه اللي يقول انه احتمال يصير من حساس الزيت اللي بالصدر اللي هو هذا
http://i121.photobucket.com/albums/o...11_cr_rs32.jpg

وناس قالو انه من الحساس حق الفتك نفسه اللي بالخلف اللي هو هذا

http://i121.photobucket.com/albums/o...09_cr_rs33.jpg

وناس قالو اشتر الشخالات اللي تجي واحد يجي في حساس الفتك واللي هو هذا وشريته ممن الوكاله اثنينهم والثاني اللي هو تحت قاعده علبه الدركسون
http://ww2.justanswer.com/uploads/ho...tec_switch.jpg


والثاني اللي اقصده اللي يجي تحت قاعده علبه الدركسون هذا اللي تحت قاعده العلبه نظفت مكانه واشوفه يهرب قلت لا ياولد اصبر قبل لا اغيرهن خل اتاكد وين الخراب منه


اخاف اغير الشخالات ولا يشتغل وثمين اكتشف انه من حساس الفتك اللي بالخلف ويضيع علي الوجهه الجديد اللي شاريه وابضطر اركب واحد ثاني واشتريه من الوكاله وطلبيه وقروشه


جربت فصلت البطاريه ونظفت الثلاجه الين صارت بيضاء من داخل تلق لق ونضفت البخاخات بطريقه الضغط بطرمبه البنزين خارجيه ومنضف ودينا وصار نظيفات مرررره

طبعا انا ادري الثلاجه والبخاخات مالهن دخل بس شي نفسي عن قوله وطبعا كل هذا بيدي انا مشتغله ماهوب ورشه واثق من شغلي كلش سليم

غيرت حساس الاكسجين كان منسكر ومولعه اللمبه المكينه عندي قلت يمقن يشتغل اذا غيرته ولا اشتغل الفتك فحصت كمبيوتر عند البلاد ولا استفدت شي الكمبيوتر يقول سليم

قلت ياولد يمكن من حساسات التيمن اللي تجي بالخلف الاثنين بس قلت اصبر اتاكد من اخواني بمنتديات هوندا هل فيه احد قد صارت له مشكله ان الفتك تعطل عنده


تكفون انجدوني تراي انا صاير مثل راعي الدخان اللي له سنه مادخن وصاكه راسه :d


انا زيه لي اربع شهور ماشتغل عندي ومنقهر


طبعا انا معي اكورد 2010 اوتو ومغير موسع صدري بصوت الفتك فيها بس ماااااااااش مامثل خنته في القير العادي


انجدوني اللي صارت له هالمشكله لا يبخل علي

وش الفتك .؟
ووين يتركب ؟
وهو يجي من الوكاله ولا انا اركبه ؟ :d

هههههههههههه قل قسم

سؤال انت معك هوندا ولا لا

اقتباس:

---

المشاركة الأصلية كتبت بواسطة ..sky..

هههههههههههه قل قسم

سؤال انت معك هوندا ولا لا

---

يا ذيبان وشهو ذا الفتك .. شكلك صارف لك اسم من راسك وعايش الجووو هههههههههههههه .. المهم لا تتغلى علينا وعلمنا وش فايدته ذا الفتك

أخوي SKY





مواضيع مثل كذا مستحيل أي واحد يفيدك من شرحك للمشكلة بس ،، لازم توديها ورشة و يشيك لك ويطلع لك الخراب من ايش بالضبط
احسن من تروح تغير ولا تستفيد شي


انا نصيحتي لك وديها الوكالة مرة وحده و راح تعرف الخراب من ايش أحسن من الورش وكل واحد يقولك كلام ،، خصوصا نظام الفتك مو اي واحد راح يعرف له ،، خبرك اكثر الورش شغل كامري وجاي :d


إلا انت شلون عرفت أن نظام الفتك عندك فيه مشكلة !!! من الصوت بس ؟

اقتباس:

---

المشاركة الأصلية كتبت بواسطة ..sky..

هههههههههههه قل قسم

سؤال انت معك هوندا ولا لا

---

حمدالله قعد تهايط ع راسي وما قصرو الشباب فهموك اذا تبي تشرح شي اشرحه زي الناس يا الحبيب
هههههههههههههههههه
وانا عندي احساس انك لا تعرف وشو ولا وش وظيفته الهما احد قالك الاسم وجيت قلته :p

هذا نظام الفتك باختصار و هو نظام ميكانكي داخلي بكل مكاين الهوندا

http://www.youtube.com/watch?v=6I53liuuhc4


فايدة ،، زيادة قوة المحرك و العزم

http://www.youtube.com/watch?v=nc800...eature=relatedشرح عمل الفتك وهويعمل عن طريق الصمام الموضح solenoid

هههههههههههه كاي الردود
الي معاه هوندا وماعرف اش الفتك او الاي فتك يروح يبيعها لانو مو بكفو يسوقها

ما اظن من الي تحت علبة الدركسون بس انا سارتلي نفس المشكله تقريبا
الفتك بطل يشتغل والسياره سار الاربي ام مايطلع فوق ال5 لان المفروض الفتك مايشتغل الا فوق 4800 واذا انه خربان راح تقطع السياره معاك وما تكمل فوق 4800 راي الي علي قد فهمي البسيط في هذا الموضوع انك تتاكد من وين المشكله لاني ما اظنها من الفتك

اقتباس:

---

يا ذيبان وشهو ذا الفتك .. شكلك صارف لك اسم من راسك وعايش الجووو هههههههههههههه .. المهم لا تتغلى علينا وعلمنا وش فايدته ذا الفتك

---

لا صرفت من راسي اسم ولا غيره اذا معك هوندا اكورد من 2003 وطالع جرب الا مشيت من الاشاره ادعس لها للاخر لاحظ الاربي ام الا وصل الضغط 5 السياره بتزيد قوتها والصوت بيتغير هذا هو نظام الفتك ولو تبي تلاحظه اكثر جرب ركب فلتر ولا فك فلتر البلد وجرب

اقتباس:

---

أخوي SKY





مواضيع مثل كذا مستحيل أي واحد يفيدك من شرحك للمشكلة بس ،، لازم توديها ورشة و يشيك لك ويطلع لك الخراب من ايش بالضبط
احسن من تروح تغير ولا تستفيد شي


انا نصيحتي لك وديها الوكالة مرة وحده و راح تعرف الخراب من ايش أحسن من الورش وكل واحد يقولك كلام ،، خصوصا نظام الفتك مو اي واحد راح يعرف له ،، خبرك اكثر الورش شغل كامري وجاي :d


إلا انت شلون عرفت أن نظام الفتك عندك فيه مشكلة !!! من الصوت بس ؟

---

الورش مشكلتهم يستانسون الا جاهم واحد مايدري وين الخراب فيه يقعدون يطقطقون عليه ويسحبون من دراهم يعني عاااااادي مره مره لو يقولك جرب غير كفرات يمقن يزين الفتك معاك ههههههههههههههههه
والوكاله المشكله انا مانيب من اهل الرياض ولا القصيم انا بينهم وصعبه اخليها عندهم

عرفت انه ماعاد يشتغل معاي

اول كنت اجرب ادوس كنت الاحظ الا وصلت الارب ام 5 تزيد قوتها ويتغير الصوت وكان العزم فارق خصوصا ان اللي معي قير عادي بتحس بالفرق اكثر من الاوتو

اقتباس:

---

حمدالله قعد تهايط ع راسي وما قصرو الشباب فهموك اذا تبي تشرح شي اشرحه زي الناس يا الحبيب
هههههههههههههههههه
وانا عندي احساس انك لا تعرف وشو ولا وش وظيفته الهما احد قالك الاسم وجيت قلته

---

لا اهياط ولا شي بالعكس انا مستغرب وشلون واحد معه هوندا ماقد جرب يدوس لها ولاحظ الفرق بالعزم بعد الاربي ام 5 هذي نقطه استغرابي

واحساسك غلط يالحبيب انااشتغل بيدي هذي اولا ثانيا لو على قولتك كان دربيت راسي للوكاله وشفطوني ثمين بيعلمونك وش المشكله الا خل اعرفه انا عشان اتعلم من اخطائي

ومايحتاج احد يعلمني نظام الفتك بالهوندا


نظام الفتك في الهوندا اشهر من نار على علم منذو مبطي اعرفه مايحتاج احد يقولي

اقتباس:

---

هذا نظام الفتك باختصار و هو نظام ميكانكي داخلي بكل مكاين الهوندا

http://www.youtube.com/watch?v=6I53liuuhc4


فايدة ،، زيادة قوة المحرك و العزم

---

شكرا شكرا للتوضيح للاعضاء عن ماهيه نظام الفتك

اقتباس:

---

http://www.youtube.com/watch?v=nc800...eature=relatedشرح عمل الفتك وهويعمل عن طريق الصمام الموضح solenoid

---

شكرا على الافاده والتوضيح

اقتباس:

---

هههههههههههه كاي الردود
الي معاه هوندا وماعرف اش الفتك او الاي فتك يروح يبيعها لانو مو بكفو يسوقها

ما اظن من الي تحت علبة الدركسون بس انا سارتلي نفس المشكله تقريبا
الفتك بطل يشتغل والسياره سار الاربي ام مايطلع فوق ال5 لان المفروض الفتك مايشتغل الا فوق 4800 واذا انه خربان راح تقطع السياره معاك وما تكمل فوق 4800 راي الي علي قد فهمي البسيط في هذا الموضوع انك تتاكد من وين المشكله لاني ما اظنها من الفتك

---

عز الله ان الهوندا بدون فتك ماتسوى ولا بريال وان اللي معاه اكورد ولا جرب نغمته ولا الفرقيه اللي يعطيك اياها غلطان ماجربها....

لا انا قلت ممكن لئنه اشوفه يهرب مكانه قل ابشتري قازقيت لهن وابغيرهن وابجرب بس قلت مابي اخسر واخرتها يصير حساس خربان ويضيع علي الوجه الجديد


طيب دلوني على احد اروح لمه عطوني رقمه اي شي يفيدني احد سارت له المشكله

انا بحثت في النت ولقيت شرح كيف تجرب حساس الفتك والسونوسايلند هل هو شغال او لا عن طريق تفكه وتشبكه في البطاريه وتشوف هل هو يفتح او لا بس قلت ابسئل اول واشوف

اقتباس:

---

المشاركة الأصلية كتبت بواسطة ..sky..

عز الله ان الهوندا بدون فتك ماتسوى ولا بريال وان اللي معاه اكورد ولا جرب نغمته ولا الفرقيه اللي يعطيك اياها غلطان ماجربها....

لا انا قلت ممكن لئنه اشوفه يهرب مكانه قل ابشتري قازقيت لهن وابغيرهن وابجرب بس قلت مابي اخسر واخرتها يصير حساس خربان ويضيع علي الوجه الجديد


طيب دلوني على احد اروح لمه عطوني رقمه اي شي يفيدني احد سارت له المشكله

انا بحثت في النت ولقيت شرح كيف تجرب حساس الفتك والسونوسايلند هل هو شغال او لا عن طريق تفكه وتشبكه في البطاريه وتشوف هل هو يفتح او لا بس قلت ابسئل اول واشوف

---

ايوه بالضبط هذا اللي ابيك تسويه تفحص السولينويد ترا شغلته هوا بمجرد تدعس البنزين يجي ضغط الزيت على السولينويد وبعدين يفتح انت جرب تفحص كمبيوتر بالوكاله وبعدين قرر ..

اقتباس:

---

ايوه بالضبط هذا اللي ابيك تسويه تفحص السولينويد ترا شغلته هوا بمجرد تدعس البنزين يجي ضغط الزيت على السولينويد وبعدين يفتح انت جرب تفحص كمبيوتر بالوكاله وبعدين قرر ..

---

انا ان شالله ناوي افحصه في الوكاله ولا انا فحصته بيدي وابرد لكم خبر بس ودي لو اي احد يجيب لي العلم ولو من منتديات اجنبيه تراي بالانجليزي مهناش فا يمكن اني ماقدرت ابحث كويس


لكن اللي اعرفه شي واحد فقط تدري وشو

اللي يبي يعرف وشهي الهوندا

يجرب هوندا فتك قير عادي ويبلغني بالنتايج

في ورشه بالصناعيه القديمه اسمها ورشه فيصل رح لها ..بالرياض

طيب وين مكانها بالضبط

وهل لو ابروح لمه بيعرف للفتك ولا بيتطبب فيني

ليتك توصف لي مكانه ولا على الاقل منين اجيه


شكرا على الافاده