استفسار بخصوص الكفرات ضروري

بعد التحية وش افضل نوع للكفرات وبكم السعر ووين الوكيل من سكان العاصمة

ب تويو اذا تبي كفرات ناعمه

شوف لازم تحدد وش تبغى بالضبط من الكفرات :

رساوة عالية ، ناعمة على المطبات ، عازله لصوت الارض مرره ، نص رياضية ، ثابته ، تتحمل 2 سنة ما تقول اح ، تتحمل الحرارة والاجواء السيئة ، صناعة درجة اولى ، + كم ميزانيتك في الكفر الواحد ( عشان تعرف الكفر المناسب للميزانية والخصائص المتوفرة ) لكن عموما احرص ان يكون الكفر

يتحمل الحرارة = a

التراكشن = تحمل الاحتكاك وتحمل السرعات العالية مثلا v = 240 خلك من v وطالع

( نصيحة : ابعد عن ميشلان التايلندي حق الوكالة ابو جنط 17 ما انصحك فيه صح يتحمل لكن مو راسي وقاسي وغالي( كفرات ميشلان لها حوالي 7 صناعات خلك في الفرنسي والامريكي اذا ودك به )

كفرات تويو ناعمة لكن رساوة متوسطة وحقه سنه وتغييره ، برجستون بوتنزا ( ادرينالين ) تحصله في شركة الطلائع ممتاز حسب ما يقولونه كبار الاعضاء في المنتدى هو قاسي شوي لكن يتحمل وراسي مره ونقشته حلوة

هانكوك تقريبا زي تويو

جوديير جيد لكن شوف الصناعة

(( لا تركب كفرات رخيصه وسيئة ومجهولة المصدر ولا تركب سوموتومو الحين حر وصيف والحرارة توصل 50 ))

واهم شيء تاريخ الكفر وطريقة التخزين وصناعة الكفر ( انتبه من التجاري الي يجي من الامارات بعضها تخزينها سيء)

ميشلان برمسي فرنسيه وبس ثبات ورساوه ولينه ماشالله ولاتركبها الى عند ميشلان اوكيل الجفالي