ابي مساعدتكم شريت اكورد والفحص يقول غير هالاشياء !

السلام عليكم

قبل يومين شريت اكورد 2012 فل شاشة دي في دي مستعمل (ماشاء الله) واستلمتها اليوم
المهم
الفحص ذكر لي حاجات وانا غشيم بهالامور من ناحية الاسعار ومن ناحية شركة هوندا لان مامرت علينا سيارة هوندا
المهم الفحص ذكر:
- لي دركسون
- ميزان ذراع دركسون << الدركسون مايل شوي اظن هذا قصده
- تغيير زيت المكينة

وسألت حق الفحص كان سعودي الجنسية قال كلها رخيصه ماتكلفك بس اشوف مواضيع قديمة بالمنتدى تتكلم عن اسعار ب1000 وشوي :eek:

اللي ابيه منكم تذكرون لي وين اروح افكر بالعضيب؟؟ بس مادري احس بيسلخوني بالاسعار خصوصاً ان الكفر فيه صعرور ومابي اخسر فلوس كثير
اذكرولي الاسعار والاماكن وزيت المكينة المناسب
انا بالرياض

ومشكورين مقدماً

توقعت برجع القى آراء من كثرها بحتار واخرتها ولا رد

حسستوني اني معي تيرسل مو اكورد هاللي منتشره كثر النمل

كل واحد له رأيه بزيت المكينه بس من ناحيتي اغير ( زيت هوندا )
وزن الاذرعه سعره حول 100-120 ريال بس ما ادري وزن ذراع الدركسون هو نفس وزن الاذرعه او لأ
لي الدركسون ماعندي علم فيه ، اتصل على قطع الغيار واسألهم عن السعر لأن اسعار قطع الهوندا يوم ترتفع ويوم تنزل

وياليت تطول بالك ع الشباب لأن زي ما انت عارف فترة اختبارات و اللي يدخلو ع المنتدى قليل :)

شوف دفتر الصيانة لو كان صاحب السيارة الي قبلك مواضب على الصيانة الدورية يسوها على حساب الضمان

لي الدركسون غيرتة من موزع لقطع الغيار خذيتة اصلي بـ 700 ريال ومع التركيب 50 ريال في ورشة الجنوب .

الزيت .. عادي غير الزيت ..

اقرب محل ميزان ويضبطك ..

بما ان السيارة 2012 رح الوكالة ولا تخسر شي ..

توها على الضمان يغيرون لي الدركسون اللي غريبة خرب اصلاً .. ويسوون ميزان ...

يعني دخلها صيانة وفك عمرك :cool:

اوك غيرها ^_^

طيب ابي فروع هوندا حق الصيانة

انا غرب الرياض وش اقرب لي

هوندا مشكلتهم ماعندهم إلا فرعين رئيسيين في الرياض ( أكبر غلطة سوتها شركة عبدالله هاشم ) .. المفروض أقل شيء في الرياض بحكم كبر مساحتها يكون فيها 4 فروع رئيسية علشان تغطي خدمة عدد سيارات هوندا المتزايد ويضربون حساب للمستقبل .. مثل ما سوا ( عبداللطيف جميل ) والشهادة لله نجح في ذلك .

وأقرب فرع وهو الوحيد اللي يخدم غرب و جنوب مدينة الرياض ( فرع الخالدية ) وأنت جاي من مخرج 19 الدايري الجنوبي وجهتك جنوب كأنك رايح للصناعية القديمة يجيك على اليمين .

وبالنسبة للفحص اللي طلعت فيه :
1 - زيت المكينه ( بسيطة تغيير زيت مع سيفون ) . وصل الله وبارك .
2 - وزن أذرعة ... هالشيء تقريباً في جميع موديلات أكورد ... الا من رحم الله ،،، وشغلته وزن ، وأمره مقدور عليه .
3 - لي دركسون نذكر إن الشركة أستدعت موديلات بس قديمة شوي حول 2005 .. موترك ماشاء الله تبارك الله جديد ... كيف حكموا إنه لي دركسون ؟

يعني بالعربي موترك ما فيه شيء يذكر إلا مسألة اللي إذا كان ولا بد ... إنشب للوكالة حتى يغيرونه أو يشوفون له حل .

اليوم مريت فرع الخالدية عشان اعرف مكانه بس للاسف ماسعفني الوقت الحق عليه وصلت له 10 وربع وفعلا فروع هوندا قليلة يازين عبداللطيف منتشر بشكل !
بكره بروح اشيك ع اللوحة هو صاحبها منتظم بالصيانة او بيوهقني ويطلعني من الضمان

بصراحه غريبه انا معي 2012 مالحظت عليها شي من وزن الاذرعة او لي الدركسون حبيبي سيارتك عليها ضمان وتتطلع من عندهم غير وانت مغير هذا الاشياء بلاش سيارة دافع فيها دم قلبك واخرتها رافضين التصليح حسبي الله عليهم بس .