::.. تــقــريـر تــجـمـع جدة الأول ..::

السلام عليكم ورحمة الله وبركاتة ...

كيف الشباب إنشاء الله بخير

:a_chelsea: بحول الله وقدرته تم تجمع جدة الأول يوم الجمعة تاريخ 14/10/1428هـ بعدد طيب وحضرو شباب ماشاء الله عليهم واللي جاب معاه يعني ماشاء الله الشباب ماقصروا المهم في البداية حضرت أنا بالسيفيك وصليت المغرب وأتصل عليا وقتها civic vip وقلي اروح اغسل سيارتي وجاي قلناله طيب وقتها كنت خايف مافي احد يجي غيره بس طيب وصلينا وبعد كذا اتصل عليا
link love وقلي فينكم قلتله دحين متجهين للممشى ونفس الطريقة اتصل عليا
Honda boy وقعدت اوصفله على المكان لين تقابلنا في مكان وصفطنا على اليمين حلوة صفطنا صح:d تصدقو كانت في سيفيك على اليمين مركونة قلنا يالله نجنب معاها عشان يكثر العدد :d بعد كذا جانا link love وجنب معانا طبعاً اول ماجنبنا شغلنا افلشرات عشان اي واحد جاي يعرفنا شافنا link love وعرفنا وجنب صرنا اكورد وسفكتين حلوة سفكتين طيب وين الناس ياهو لسا لسا اديتهم امل في واحد رايح يغسل سيارته المهم قعدنا نتكلم وندردش عن الموقع وعن التجمع واحنا طبعاً لسا جدد تونا متعرفين كل واحد يكلم الثاني وهو مستحي :confused: وكذا حوالي 19 دقيقة و13 ثانية اشبي موقت بالضبط قلك هههههههه يجيكم sparda الي هوا c!v!c حق مطارحات خوينا وفين كبري الميناء كل يوم يشخط فيه ههههههههه جاي ماشاء الله بالسيفيك حقة وجايب معاه اعضاء جدد عن طريقة لينظمو معانا عن طريقة يعني افهموها الرجال يبغاكم تطلعوله حقه على جنب خخخخخخخخخخخخخ جاب سيفيك بيضاء اللي هوا حيسجل انشاء الله بأسم هنتر وجايب كمان اكورد كمان اللي حيسجل كمان معانا بأسم
The slayr وماشاء الله هما اللي حركو التجمع وحمسونا وشعللونا بالذات
The salye قاعد يفحط وعاملنا هيصة بالحش حقة وقاعدين نسولف وطلع بعضنا درسوا ثانوية سوا واللي شايف الثاني قبل كذا مدري فين وقاعد يقلة انا مدري فين شايفك واللي طلعو يعرفوا بعض يالله الدنيا صغيرة ياشباب صرنا كذا صرنا كذا 6 سيارات هوندا شغلنا الفلشرات كلنا عشان الناس يعرفو ان هذا تجمع هوندات قمنا حصلنا مكان فاضي جنبنا فيه كلنا سوينا صف هوندات مولعين الفلشرات ياذي الفلشرات شكلكم تقولو بهذلتكم فيها يالله مو مشكلة :d ويجيكم كافو2 ويطلع الورقة ويحضر وينقص درجات على اللي غابو طيب حتشوفو ياويلكم من كافو2 صفر في كل المواد انا اوريكم المهم كتبت اسماء الحاضرين وسياراتهم عشان ننسق بعدين وقعدو الشباب يسولفو وياكثر سواليفهم شوي ويجيكم civic vip وهو مغسل سيارته عرفته من اول مادخل السيارة نظيفة وتلمع ماشاء الله لاتخاف عين باردة حلو صرنا سبع سيارات كل سيفيك ماعدا 2 اكورد طيب شويه ويجي accord764 ومعاه اكورد ثانية جايبها معاه قعد شوي وسحب المهم واحنا نسولف الا ودبابات قاعدين يرفعوا وشغل جامد الا واحد منهم يسوي سوبلكس ويطيح هيا شوف الشباب اوووووووو ويتجمعو بس الحمدلله قام الرجال ماشاء الله زي الحصان والحمدلله على السلامة بعد كذا جاء واحد من برا راعي اكورد95 شافنا جنب معانا يجي سوينا خط طويل كله فلشرات يجي المهم بعدين صلينا العشاء وقعدنا نصور في ذاك المكان المظلم قعدو الشباب حوالي ساعة ينظمو السيارات وماطلعت الصور واضحة بس حوريكم هيا فتحتها شوي بعد كذا سحبنا على الصواري مول عشان نصور لأن هناك في أنوار طبعاً مشينا موكب وبواري ومسويين زحمة في الشارع المهم وصلنا بالسلامة قعدنا نمشط المكان في مواقف الصواري بالموكب بعدين وقفنا جميع ونظمنا السيارات وكمان وحنا جايين في الموكب الي خش معانا في الطريق انضمت لنا اكورد وسيفيك المهم حتشوفو الصور بس الصور جماعية وحنزل إنشاء الله في التجمع الجاي صور لكل سيارة وصاحبها طيب انا اللحين حدرج القائمة بالحضور اللي متواجدين عندنا هنا في الموقع وسياراتهم

1- كافو2 (سيفيك92) أزرق غامق
2- link love (سيفيك 2007) أسود
3- c!v!c (سيفيك 2006-2007) أسود
4- civic vip (سيفيك 2006-2007 ) رصاصي
5- هنتر (سيفيك 2006-2007) أبيض
6- Honda Boy ( اكورد2005-2006) أبيض
7- The slayr (اكورد 91) فيراني
8- Accord 764 ( اكورد 2005-2006 ) أسود

وهذا غير اللي انظمو إلينا من برا المهم والحمدلله كان هدف هذا التجمع هو التعارف وزرع المحبة والأخوة بين الأخوان في المنتدى وخارج المنتدى ومشاء الله الشباب كلهم محترمين وأخلاق عالية ماشاء الله كسبناهم وكسبونا وحنضل انشاء الله اصدقاء على طول

عالعموم انتظرونا في التجمع القادم بحول الله عما قريب

نستودعكم الله

شكلكم تقولو اش به ذا وين الصور

اهدأو أهدأو جايكم

إلى الصور

7
7
7
7
7
7
7
7
7
هاذي اول صورة لبعض السيفكات

http://www.7ammil.com/data/visitors/...1defc9a722.jpg

وهاذي صورة لسيفكات مع السيفك92 المتواضعة صاحبة التنظيم خخخخخخخخخ

http://www.7ammil.com/data/visitors/...e32b4be968.jpg

وهنا صور جميع السيارات في بداية التجمع لسا يجيكم الشغل

http://www.7ammil.com/data/visitors/...55da8cd1a3.jpg

وهادي صور التجمع الكبير في الصواري

http://www.7ammil.com/data/visitors/...b0d0ab4a96.jpg

http://www.7ammil.com/data/visitors/...634054a433.jpg

http://www.7ammil.com/data/visitors/...a50331de76.jpg

الصور شوي مي واضحة توهقنا شوي في الكاامير وليل كمان خلوها على الله مو شوي شويا هاذي باديتنا انشاء الله في التجمع الثاني نصور في النهار وتكون في كاميرات افضل من كذا .

يالله سلمولي

كان معكم محدثكم كافو2
الجزيييييييييييييييييييييييييييييرة
موسكووووووووووووووووو
:cool:

اممم
والله التجمع حلو وعدد السيارات ,, رووووعه

الف شكر للجميع وبالاخص كاتب الموضوع ّّ!

ماشاء الله عليكم ياشباب جده

صراحه لمة هوندات حلوه
وعجبتي بقوه فكرة الصوره الثانيه والثالثه

بس في الصوره الخامسه كا لازمها شوي ترتيب للسيارات وتطلع حلوه

نراكم ان شاء الله في تجمعات ثانيه

ودمتم اصحاب هوندا

الله يعطيكم العافيه على التجمع بس حرا م ناقصكم كاميرا بس:d

العفو ياعاشق هوندا اكورد تسلملي على مرورك

هلا فيك ولد النمر من جد الصورة الثانية والثالثة حلوة
وتسلملي على ملاحظاتك

606 انشاء الله التجمعات الجاية نجيب مصورين محترفين وكاميرات عالمية
احنا ماكنا متوقعين الحضور الجيد هذا ولا كنا خربناها عالعموم يعطيك العافية اخوي

ماشاء الله شباب تجمع ولا أروع والله شي حلو صراحة انا كنت بجي والله لاكن في ضرووف عاندتني وانا كمان من الاوائل الب شجعو هذا التجمع وموضوعي يشهد شوفو فجدة بويز موضوعي كييف والمشاركات لاكن انشاله الاسبوع الجاي نوريكم قروب سيفيكات بجدة - منتدى جدة بويز-Jeddah Boys Forums


وماعجبتني سالفة انو صار تجمعين طيب مافي بينكم اتصالات مومعقولة تجمعين في الصواري وفي الممشى والله لو كانو سوى مدمجين كان الفلة تزيد والعدد اكبر والله حرام ماكنتو سوى


يالله برررب لي رجعة

والله ياشباب العذر والسموحه ماجيتكم لاكن والله سار لي حادث الساعه 4 ونص وأنا رايح لمغسله المنار
بس الحمد لله جات سليمه لكن إن شاء الله التجمع الجاي راح أجيكم بعد ما أصلح السياره
:(
دعواتكم ياشباب
والي يعرف ورشه في جده شغلها طيب في السمكره والبويه يدلني عليها الله يوفقه دنيا وأخره

ما اشاء الله تجمع ولا اروع منه

يسلموووووو ع التقرير الرائع

ماشاء الله تبارك الله ... كذا الشغل ولا بلاش ...

تجمع في جدة وفي نفس الوقت تجمع بالدمام ...

الله يجمعنا وياكم سوا في جنات النعيم ويديم الوصل بيننا ...

(( خخخخ اهنيكم على الكاميرا الكويسة .. طلعت حتى الغبار خخخخخ ))

ماشاء الله تبارك الله..

بصراحه بما انها بدايه ...

طالع التجمع اوكيييييييه...

ماشاء الله تبارك الله...

وش هذا ما يصير
تقرير جده طلع والشرقيه ما طلع ؟؟؟المشكله تجمع الشرقيه قبل بيوم كامل <<<معصب

كافو : مشكور وماقصرت على هالتقرير الرائع
وما عليك من احد
ترا اول تجمع قد صار اظن كان بس 3 او 4 سيارات
والصراحه صفتكم للسيارات تمام
ولو اني ما فهمت نص كلامك ((نجدي او على قولتكم بدوي))
بس الصراحه تصلح تسوي stand up comedy

مشالله حضور حلو

وتنضيم حلو كاء بدايه

وانشالله نشوف تجمعات قادمه

بس المشكله هي الكيمراه المستخدمه

ضعيفه ونشالله يسير تجمع لي جميع اعضاء المنتدى

ماشاءالله تجمع رائع وان شاء الله من تجمع افضل إلى افضل ويعطيك العافية يابطلللللللل .

السلام عليكم كيف حالكم شباب انشالله بخير واول كلمه اقولها اللللللللللللللله يعطيك العافيه يا ابو خلود والله ما قصرت على التجمع والصور الحلوه وانشالله يكون تجمعنا الجاي احلى واحلى والشباب الي حضرو معانا ماقصرو وبصراحه يا شباب التجمع كان صح انو نوعا ما قليل بس كان والله مره حلو والشباب الي تجمعو احلى كمان عاد وانشالله تكون التجمعات الجايه احلى واكثر عدد ودمتم سالمين اخوكم honda boy

من جد كان التجمع مره حلوووووو.......

وصراحة تشرفت بمعرفة الأعضاء وغير الأعضاء

Honda Boy انا متفائل في التجمع الجاي.......;)

حابب اشكر كل من حضر معانا التجمع وخصوصا المنظم يعطييييك الف عافية......;)

واشكرك يا ابو خلود على كتابة الموضوع

وان شاء الله التجمع الجاي راح نوريكم العجب<<<<< مصدق نفسه

والله بصراحه تجمع ولا اروع
وشباب ولا احلى ... واتشرفنا كثير بمعرفتهم وشوفتهم .. كللهم
ويسلموو ياكافو عالتقرير العسل الي نزل اسرع من حقون الشرقيه ـههههـ
مشالله عليك .. هنا دمك خفيف وهناك مستحي وهادي ـخخخـ
واهم شي الدرجات ... الي غابو اخصم عليهم ومافي استكرات لهم ـخخخخـ .. امزح


وانشالله التجمع الجاي ياريت تجيب معاك اشكال نشوفها عشان نحطها شعار للنادي
واليوم رحنا انا وهنتر لورشه ميكانيكا ((حمزه تيربو)) الي جا اعطانا كروت
وجبنا من عنده استكرات وقالنا وزعوها عالشباب ـخخخخخـ
وقالنا انه قاعد يفكر وبيحاول يسوي تجمع لشباب الهوندا في جده .. ومشالله عليه كل الهوندات يعرفوه ـهههههـ يعني لو زبط الهرجه راح يكون تجمع على مستوى عالي

وانا اليوم كنت مع هنتر وسلاير ونسيت اخد الصور من جوالاتهم
عشان اجمع كل الصور واكتب تقرير في منتديات تانيه
ومنها نجيب اعضاء جدد ينضمو لنا بعد ما يشوفو الصور ويتحمسو ـهههـ
بس انشالله بكره اكون اخدت كل الصور معايا .. وانزلها بالمنتديات التانيه


يلا سي يو شباب

ماشاء الله تجمع اكثر من رووعه وياريتني حضرت كان نورت الدنيا وقدرتو تصورو >>>مصدق نفسو خخخخخ بس والله ما امداني احضر واعتذرت قبلها وبنيت كل شي على اساس يوم الخميس لأني تلخبطت بس في التجمعات القادمة بإذن الله رح احضر :)

حسونة سيفيك :-
ممتاز جداً انك تجمع وتعمل مواضيع عشان نعمل اكبر جروب لاكن انا شايفك تقول سيفيكات احنا هنا في المنتدى عاملين جروب هوندات بصفة عامة واحنا مو مشكلة عندنا السيارات اهم شيءانه يكون الهدف سامي مو محمد خخخخخخخخ عالعموم يديك العافية على مجهودك حسونة بصراحة جهد تشكر عليه
وثاني شيء تقول اننا مسويين تجمعيين انت فاهم غلط الشباب كلهم سوا وجوالاتنا مع بعض بس احنا تجمعنا في الممشى وصورنا بعدين تجمعنا في الصواري وكمان صورنا سوا سوا مو موبايلي كنكتخخخخخخخخ .:d

أكورداوي999 :-
الحمدلله على السلامة ماتشوف شر وإنشاء الله ربي يعوضك خير ونشوفك في التجمعات الثانية
************************************************** *******************
مهستر:-
يديك العافية يامهستر وماعليا من احد ولايهمك حلوة stand up comedy يالبدوي

************************************************** *****************

Honda boy:-
الصراحة نورتو التجمع ياهوندا بوي والله يعافيك العافية وإنشاء الله نرتقي بأفضل من هيك وهذا كله الصراحة مو بمجهودي لاكن بمجهود الشباب جميعاً اللي تعاونو في نجاح هذا التجمع الرائع.

************************************************** *************
link love 2007
الف شكر على اهتمامك بالموضوع وحضورك المميز يالينك التنظيم كان من الكل وكل ماكنا متكاتفين كل ماكنا افضل وافضل .

c!v!c :-
العفو ياc!v!c انت العسل ياهووووووووووووه يديك العافية على نشرك لتجمعنا وجيبوا كل الهوندات ونكون تحت اسم نادي محبي هوندا شباب جدة
************************************************** ************
accord07:-
هلا فيك ومومشكلة خير انشاء الله الجايات اكثر ونشوفك في التجمع الثاني بحول الله

ماشاء الله ماشاء الله :cool:

اخيرا صار فيه تجمع خاص بنادي محبي هوندا بجده :a035: من زمان واحنا نتطلبكم :)

والله البدايه حلوه والمجموعه والعدد جيد جدا :aa_002: اذكر اول تجمع صار بالشرقيه كان العدد 3 سيارات :d لكن العدد اللي حضروا بجده حلو كأول تجمع :yeah:

يعطيك العافيه كافو2 على التنظيم والتقرير السريـــــــع >>> ياليت حقين الشرقيه يتعلموا :1aa:

ياليت التجمع الثاني يصير بالنهار عشان التصوير وألف شكر لك ولكل اللي حضروا:thanx2:

هلا يالأخطبوط اش اتعرف يابو الشباب عن شباب جدة ارض الرخاء والشدة
والله الحمدلله وماكنا متوقعين هذا العدد الشباب ماقصروا اللي جاب معاه واللي حالياً يحاول اكبر عدد ممكن وكلنا يد وحدة .