لقيت بمعارض النسيم أكورد 2011 ( اسبيشل) بمبلغ 105.000 ريال ... عسى ما شر ؟؟؟

السلام عليكم ورحمة الله وبركاته

كيف حالكم يا شباب إن شاء الله طيبين


اليوم وأنا أفرفر في معارض النسيم إلا وأقز ذيك الأكورد ( اسبيشل ) سألت صاحب المعرض بكم

الأكورد وتحديداً قلت له ( 2011 اسبيشل ) قال لي بـ ( 105.000 ريال ) والله إني رجعت

للسيارة ودققت فيها وناظرتها من الداخل ... يا أبو الشباب هذا 2011 و اسبيشل مهيب فـل

قال إيه !!! سألته ليه صايرة بمبلغ الفل ؟؟؟ .. قال وبكل ثقة علشان صناعة ((( ياباني )))

طيب وإذا ياباني سعرها الاساسي 93 ألف ريال ... قال لأنها آخـر سيارة وما تلقى غيرها .

قلت بالحرف الواحد ( سلامات عسى ما شر ) ... يعني لهالدرجة صار الناس فيهم جشع

مهوب طبيعي .. والله لو إنها مقطوعه مهوب من الكره الأرضيه إلا حتى من المريخ و زحل


طيب سألته بكم الأكورد اسبيشل 2012 ... قال ( 95000 ريال ) .. إنا لله وإنا إليه راجعون

طيب في الوكالة بأقل منكم 1500 أو 2000 ريال أو أكثر بعد ... وبطاقة جمركية يعني باسمك على طول

لكن أغلب الأكوردات اللي في المعارض طالعه لها لوحات يعني بيصير اسمك الثاني إذا اشتريتها

قال لي هذا اللي عندي ... قلت الوكالة أرحم .


اللي حبيت أقوله إنه في ناس ما أدري كيف يفكرون ( سبحان الله ) يعني لو زاد 500 أو 1000 ريال قلنا معليش

لكن الزيادة صايرة 12 ألف ريال ... ما أقول الا ( الله المستعان )

وسلامتكم

اما 105 سلااااااامات مستحيل احد يشتريها بالمبلغ هاذا وهي اصفاااار ولا مستعمله

اقتباس:

---

المشاركة الأصلية كتبت بواسطة م ل ك 2008

اما 105 سلااااااامات مستحيل احد يشتريها بالمبلغ هاذا وهي اصفاااار ولا مستعمله

---

الاكورد الاسبيشل 2011 المستعمل النظيف قيمته ما بين ( 75 إلى 80 ألف ريال ) ... لكن اللي لقيتها في المعارض صحيح إنها ( أصفار ) بس طالعه لوحاتها يعني راح على ضمان الوكالة تقريباً سنتين وفوق ذلك بعد مرور سنة أو أقل تروح للفحص الدوري وتجدد استمارة السيارة .

بالله شوفوا يعني 105 آلاف ريال وبعد سنة فحص وتجديد استمارة ...

استغفر الله العلي العظيم

انا ألاحظ الشريطه قاموو برفع سعر 2011 على أنه ياباني و2012 وراد أمريكي ... مع انه الأمريكي أفضل كجووده ومواصفاات السلامه

هذي بركات الاخ هوندانا << ههههههههههههههه

شكل هالشريطية يتابعون موضوعاتي عن الاكورد الامريكية

بس سلامات 105 الاكورد الفل 4 سلندر ام شاشه اساسا حدها حدها ان كثرت 90 الف لكن الطمع من الوكيل ورفعها إلى 117 ( عشان ما يقال الاكورد ارخص من الكامري ) ولحقوه اصحاب المعارض والشريطية وكملو على 2011

فيه اكورد 2007 سبيشل عارضها صاحب معرض بـ 88 الف ،،


اتذكر سعر الاكورد عام 2007 وكالة مع هدايا و كشافات وتركيب كاسيت بـ 84 او 85 وكالة (( وفل كامل 4 سلندر بعد ))



ارزاق الدنيا

لابد الجشع انا محصل 2007سبيشل وكاله يبي فيها 88 الف وموجوده اللي الان

اقتباس:

---

المشاركة الأصلية كتبت بواسطة القايله

لابد الجشع انا محصل 2007سبيشل وكاله يبي فيها 88 الف وموجوده اللي الان

---

فيه اكورد 2007 سبيشل عارضها صاحب معرض بـ 88 الف ،،



موجودة بموقع حراج

هذي بركات عقولكم وتفكيركم الصغير ..


صرتو تقيمون الدول الصناعيه على كيفكم وتنتقصون من الصناعة الأمريكية وأنتم حدكم المندي والمظبي أو ماكدونالز وهرفي . علشان كذا بتلقون من يستغلكم ويلعب عليكم مثل هالشريطي وربعه هنا في المنتدى

ياخي هذي اسعارها في كل مكان بصراحه

وين ما اروح معروف يقولوا 2011 اخر شي ياباني

وفي ناس ترغب وتحب تتملك الشي هذا وتدفع

شاكر للجميع مروركم العطر ... وبالنسبة لرد الأخ ( أبو فيصل 22 )

رجاءاً اقرأ تعليقنا و ردودنا على الموضوع راح تلقاها واضحة وتبين مستوى وحجم عقلياتنا وتصرفاتنا في هالمنتدى الطيب سواءاً أعضاء أو مشرفين

وصلت الفكرة أخوي ... وبالنسبة لأخونا ( أبو إيلان ) كلامك فيه توضيح للأخ ( أبو فيصل 22 ) ... وكل واحد راضي بعقله .

شراء سيارة أو طياره ويرضى ينضحك عليه هذا شيء ثاني ... وأنا قلت قبل كذا ( الله المستعان ) .

اسم العرض بن صحران هذا غالي مره شف المعرض اللي قدامه على طول يبيع الاكورد 2011 سبشل اصفار ب 93 هذا الكلام قبل شهرين والى الحين محد شراء منه 105 وين عايش بس يجون ناس ويشترون

الناس مو لاقيه تاكل والشريطه حسبنا الله ونعم الوكيل عليهم رافعين أسعاار السياره ... تخيلوو محصل 2007 نص فل ( سبيشل ) ماشيه 181000 ... يقووول لي سعرها بـ 55 الف ولا محصل وحده 2007 فل 6 سلندر حادها ب60 الف والسته سلندر مو مرغووب :p.. وحده ثانيه ماشيه فووق 200 الف يقووول سووم بس فوووق 50 الف .. وين عايشين

والحين طلع 2012 أمريكي قامو يستغلو موديل 2011 وتحت على انه ياباني

وعليكم السلام

بأختصار الشعب والتفكير الجميل هو السبب في رفع سعرها !

يعني بالله نفرض ان الياباني احسن من الامريكي

افرض لا قدر الله صار لك حادث وبتروح تشتري قطع غيار زي صدام والا كبوت مثلا تتوقع عنده نوع ياباني ونوع امريكي ؟ يعني سيارتك بتصير مخلوطه !!

لله لازم يكون فيه رقابه تحمي المستهلك ,,, قمة المهزله

المشكلة في الناس ثم الناس ثم الناس ليش الاجماع على الاكورد مع العيوب التي لم تعدل من 2003 حتى اليوم بتسمع الردود التاليه:

ياباني ......اقوله السوبارو ليجاسي لكزس es350 مازدازووم 6 انفنتي g35 كلهم انتاج اليابان
يتحمل ..........كل السيارت نفس التحمل اذا وفرت القطع واللي يبحث عن سيارة ماتخرب يشتري دبابة نوع امبراز جنزير ومدفع وبرج مراقبه واقتصادية تشتغل على الديزل
انيقة .........كثير اللي احسن

الدعوة وما فيها تقليد في تقليد ما احد يفكر انا الان بعد ما فكرت اقتنعت من نفسي ب مازدا الترا واخذت 2009 فل الفل ماشي 88000 ب 42000 فقط لاغير

الـــــــــــيـــــمـــــيــــــن الــــغـــــمـــــــوس
تغمس صاحبها في جهنم والعياذ بالله وذي سلاح الشريطية ويمشوا سلعهم باليمين نسأل الله السلامة

سلآمآت !