عرض للطباعة
السلام عليكم
مثل ماهو واضح بالعنوان انا ابحث عن مفتاح سيفيك اصلي بريموت
انا عندي هوندا سيفيك 2007 وانتوا عارفين سعر المفتاح كيف غالي وناااار بالوكاله
اتمنى احصل احد عنده ويكون من سكان الشرقيه
قلت قبل لا اروح التشاليح
اطرح الموضوع هنا يمكن احصل
عند احد من الاعضاء
وياااااارب احصل
ودمتم بحفظ الرحمن
:confused:
وعليكم السلام
المفتاح السابق عندك ؟
من ناحيه غالي فهو من جد غالي ..
مفتاح الاكورد بالريموت قبل الخصم بـ 1396 تقريباً ..
تراااني بحطها فيه ..
المشكلة في النت تلقاه اصلي بـ 45 دولار = 168 ريال + الشحن للسعودية 65 ريال , المجموع 233 ريال + قص وبرمجة باقي المفاتيح 150 ريال , المجموع الكلي 383 ريال ...
التوفير 1013 ريال عن مفتاح الوكاله لحاله بدون قص ولا برمجة !!
تدري وش المشكله .. ان الريموت اللي يجي مع المفتاح الاصلي من امريكا ما يتبرمج على السيارات الخليجية مع الاسف !!
الحل ؟؟ سألك ميشو هل المفتاح القديم عندك ؟؟
اذا الجواب نعم فالحل , اشتر ابو 45 دولار الامريكي وغير الريموت اللي فيه بالريموت الجديد واستمتع :)
اذا ما عندك المفتاح ولا الريموت القديم وطفران :) .. امممممممم اشتر مفتاح وريموت تجاري مع اني ما انصح فية لأني استخدمه حالياً ..
الريموت يشتغل حسب المزاج .. اضغط جنب السيارة 4 مرات ولا يستوعب ان اضغط الا بالخامسة .. واحيان اضغط من بعيد يستوعب ..
شي يطفش .. احيان اكون شايل اغراض معي ثقيلة واطلع الريموت من جيبي بصعوبة واضغط كثير ثم يفتح :mad:
لا والله ياخوك المفتاح مو عندي القديم
هي قصة صارت لي
انا ماعندي الا مفتاح واحد الاصلي وضاع مني وانا كل يوم مواعيد مع الوكالة اللي ماخذ السياره مستخدمه منهم بنظام التأجير المنتهي بالتمليك
وعندهم السبير لكن بهدلوني مع مواعيدهم على اساس بيفتحون السياره لي واروح مع موظف الوكاله واقص مفتاح وابرمجه مفتاح عادي طبعا
وانا قلت مو مشكله
وبنفس الوقت ببحث عن مفتاح اصلي وابرمجه واخلي المفتاح العادي اسبير لي