عرض للطباعة
السلام عليكم
مساء الخير شباب
لي فترة واحس السيارة صايرة تصرف بنزين قررت اصفر العداد وافلل
المهم عبيت فل وصفرت العداد
مشت معي 450 وولعت اللمبة حقت البنزين طبعا انا داخل الرياض مو خط سفر
سؤالي للاعضاء
- هل الصرفية صحيحة واذا ماكنت صحية وش الحل
ودمتم بود
اخوكم ابو ريان
انا 2012 اعبي بنزين 91 يمشي 600 كيلو وزيادة في المدينة والمكيف شغال وحسب الدعسة
انا اقترح عليك تشيك على هذه الاشياء والي يحتاج تغير غيره /
1/ البواجي : طبعا لها عمر محدد من 80 - 100 الف هذا الاستخدام الطبيعي اما الاستخدام الشاق فتتغير قبل 80 الف وكذالك اسلاك البواجي
2/ فلتر الهواء وفلتر المكيف نظفهم وغيرهم بجديد اذا كانت متسخة وفيها فتحات
3/ شيك على الشكان من اوله لأخره من تحت ( احتمال يكون هناك تنسيم او شرخ في الشكان فهو يدخل هواء ويعيق عملية الاحتراق بشكل صحيح
4/ غير غطاء الراديتر واذا الراديتر يحتاج تسييخ سيخه وغير ماء الراديتر للأصلي
5/ طرمبة وفلتر البنزين اذا كان يحتاجون تغير غيرهم واذا يحتاجون تنظيف نظفهم
6/ نظف الثروتل بدي عند مختص
7/ نظف البخاخات حقت السيارة
8/ التأكد من سلامة الاطارات وضغط الاطارات المناسبة للسيارة ( تحصله مكتوب في جدار باب السائق ) عادة يكون بين 32-35
9/ وهو مهم جدا جدا وهو (( حساس الاكسجين )) او ما يسمى حساس الهواء لانه مهم وهو يحدد نسبة الاكسجين اوco2 الداخلة في الاحتراق وهو من الاسباب الرئيسية لزيادة استهلاك الوقود
10/ تاكد من زنبرك دعسة البنزين احيانا لما يكون مرتخي يؤدي لزيادة صرف الوقود
11/ تأكد من ليات ومواصير البنزين وتأكد من عدم وجود هواء داخل خزان الوقود
( لما تعبي بنزين عبي دائماَ فل لكن لما تعبي بنزين وخرطوم البنزين يقول ( طق ) خلاص لا تعبي زيادة حتى لو باقي مثلا 0.70 هلله خلها تروح ولا تزيد بنزين بعد الطقة الاولى لان المحطات يعبون زيادة وهذا يؤثر على ضغط البنزين داخل الوقود ويخرب طرمبة البنزين )
وتأكد من عدم وجود تندية من احد خراطيش البنزين او البخاخات لانها تسبب زيادة في الاستهلاك
بالتوفيق
طبيعي لموديلات الجيل القديم و لا تخااف سيارتك نفس سيارتي 450 كيلو بالضبط
أما البواجي فتتغير كل 40 ألف كيلو لموديلات 2003-2007
اقتباس:
المشاركة الأصلية كتبت بواسطة alkasr777
http://www.hondaarabia.com/club/t48940/
اقرا زين هذا الموضوع
طيب وش نوع البنزين الي تستخدمونه انا استخدم 91 و سيارتي 2012
تمشي 600 بالكثير
في احد المرات عبيت من محطة باين ان بنزينهم كويس في اوقات الشتاء اعتقد مشتي حوالي 700 وشوي
كل ما مكان البنزين نقي ونظيف وكثافته عالية ودرجة الحرارة معتدلة كل ما كان البنزين كويس ويمشي السيارة اكثر
لان هنا اغلب الفلاتر حقت المحطات معطوبة و الوايتات مره يعبون بنزين 95 و مره 91 وتحصله مره يعبي ديزل واكيد يدخل عبار للتانكي
بس غريبة ان اكورد 2003 - 2007 البواجي تتغير كل 40 الف ؟؟ متأكدين انتم ؟؟
اقتباس:
المشاركة الأصلية كتبت بواسطة هوندانا
اي نعم البواجي تتغير كل 40 ألف كيلو لأنها حديد مو اريديوم زي الجيل الحالي
و سعرهم 70 ريال مو زي الجيل الحالي 400 ريال
بالنسبة للموضوع اللي حطيت رابطه
أنا غيرت البواجي و نظفت البخاخات و نفس النتيجة 450 كيلو بالقيادة العادية لكن ما وزنت البلوف و ممكن منها المشكلة مع العلم اني استخدم 91
هههههههههههههههههههههههههههههههه دامها 70 ريال معقولة الاربع ب 70 دامها ب 70 جعلها تخرب كل 30 الف عادياقتباس:
المشاركة الأصلية كتبت بواسطة alkasr777
لكن الجديدة اذكر ان واحد دافع الف وشوي على بواجي 6 سلندر قطع بس بدون تركيب !!!
لكن الميزة انها تتغير عند 100 الف عند الاستخدام العادي هههههههههههههههه يعني لاحقين خير وانا اخوك الله يحينا بعد 4 - 5 سنوات يمكن نموت ولا نغيرها
والله انا معاي اكورد 2004 كانت تمشيني 600- 650 داخل الرياض
تانكي البانزين لموديلات 2003-2007 اصغر من 2008 وطالع
وبالنسبة انه يمشيك 450 كيلو داخل المدينة اشوفه كويس
أنا 2006 ونفس الممشى
فطبيعي صرفيتك