لحقوني على فريون اصلي

صباح الخير يا شباب

مبارك عليكم الشهر

مع الصيف والحر الشديد القارص صار مكيف السيااااره معفن في الظهر ما يبرد ابد حتى لو دعست عليه ما فيه فايده (وربي من الحر يجيني إسهال :p)
مع العلم ان السياره بدون فلتر مكيف :(

المهم انا من الدمام ولفيت كل محلات تعبيئة الفريون وقالو لي ما عندهم فريوون امريكي وانسى انك تحصل امريكي :mad: .... عندهم صيني وهندي

ياليت يا شباب تدلوني وين فيه محل متخصص حق تعبئة فريون امريكي اصلي لاني ما ابي احوس بالمكيف في الصيف ويخرب علي

ملاحظة صغيرة: في البحرين حصلت واحد يعبي فريون انجليزي اصلي ويقوول لي ممتاز:confused: ، حتى اشوف عند المحل زحمه... في احد جربه ؟؟!!

السلام عليكم

اول شي انتبه تركب فربون صيني لانه راح يعدم عليك الكمبروسر ويضعف ضغطه وياليت تبريده كويس

اذا ماحصلت الامريكي
ممكن انك تعبي فريون انجليزي وهذا كويس اذكر واحد من الاعضاء معبي منه ويمدحه ويقول جودته مثل الامريكي


انا كان عندي ضعف في التبريد وحتا باللليل تحس بضعفه
وزودت فريون امريكي اصلي والحمد لله ممتاز وافضل من اول ماشاء الله

تسلم لي يالغالي على الرد

طيب اذا انت من الدمام تقدر تدلني على مكان عنده فريون امريكي اصلي ؟

كم موديل موترك
وانصحك في الوكاله اضمن لك

موديلها 2003
الوكاله اذكر وديتها السنه اللي راحت اخذو فلوس على الفاضي يعني المكيف اتحسن عن اول بس بعده في الظهر مو ذاك الزود

والله انا مو من الدمام

وان شاء الله اهل الشرقيه فيهم الخير والبركه

بس اهم نقطه تأكد من ان ضغط الكمبرسر سليم عندك وقوي
وتأكد انه مافيه تهريب او تنسيم سواء من الكمبرسر او المواسير وكمان تأكد من لديتر المكيف
وغير كذا أمورك طيبه

اممم يعني لازم هالخطوات قبل ما اعبي الفريون

مشكور اخوي ما قصرت

طيب يا شباب اذا فيه احد من الدمام ياليت يدلني على محل يعبي فريون امريكي اصلي

الأخوان ما قصروا الله يعافيهم

لكن احب اضيف

انا اتوقع ان فيه غبار متجمع مكان الفلتر وفتحات المكيف

لأنك شايل فلتر المكيف

انفخها بمنفاخ هواء يمكن تضبط ;)

وشيك على رديتر المكيف ( والسياره بارده ) اذا وسخ , نظفه من الخارج فقط يعني لا تفكه

نصيحة لوجه الله لو تبي فريون اصلي لا تروح غير الوكالة نصيحة من جرب لين طفش

تعليق على موضوع الفريون


كيف تعرف الفريون ناقص بسيارتك او عندك مشكله ثانيه غير الفريون ...

تفتح الكبوت وتشيك العدسه الي بالصوره ..


http://www.hondaarabia.com/club/atta...0&d=1279826422



بتلاقي فيها سائل مثل المويه ... فريون مضغوط .. المهم عند تشغيل الكمبرسور لو لاحظت العدسه صار لونها ابيض وفيها رغوه

بشكل وواضح يعني الفريون ناقص ويحتاج اضافة ... (مايحتاج تغير الفريون لان النقص ماراح يكون كبير )

عموما ا>ا طفيت المكيف بتشوف كمية السائل داخل الدائره لو لاحظته قليل يعني الفريون ناقص وعند تشغيل الكمبرسور يكون لونه ابيض..


لو العدسه صافيه يعني الفريون مضبوط ومشكلتك مالها علاقه بالفريون ..

انا معبى فريون اصلى عند واحد هندى ومشاء الله زى الحلاوه سنتين وقبل مايركبه نظف لى اشياء واشياء كل هذا 200 ريال بس الحمد لله الان سنتين تبارك الله الدرجه 50 وزي الحلاوه بس هذا المحل بالاحساء عند صاله الشرقيه للافراح طريق الااستاذ الرياضي بس مادرى اذا الهندى لازال ولا سافر

فيه واحد عنده فريون اصلي عبيت عنده من قبل سعره غالي بصراحة يوصل 300ريال لكن انا بنفسي شفت فاتورة الشراء وهو ماخذه من عبدالله هاشم لانه يقول هذا احسن فريون بالسوق عموما موقعه بالمحطه اللي بجنب مجمع العثيم مول والله يكتب لك التوفيق .