السلام عليكم وحمة الله
كل عام وانتم بخير
اخواني انا قررت اشتري اكورد 6 سلندر موديل 2008 وفوق تنصحوني فيها وش عيوبها و مميزاتها مع العلم ان كان معي 2008 4 سلندر.
عرض للطباعة
السلام عليكم وحمة الله
كل عام وانتم بخير
اخواني انا قررت اشتري اكورد 6 سلندر موديل 2008 وفوق تنصحوني فيها وش عيوبها و مميزاتها مع العلم ان كان معي 2008 4 سلندر.
والله يالغالي انا ما قد جربتها بس سمعت الشباب اكثر من مره يقولون ان v6 خرابات مكينتها كثير
واذا انت تبي موتر مكينه ودعس نصيحتي خذ مكسيما
هلا والله غلا ..
انا كان معي 2008 v4 فل كامل مخمل .. راحت تشليح ..
بعدين شريت 2010 v6 فل كامل جلد .. الحمدلله
من ناحية القيادة اووووووووووووف فرق شاسع قصدي من ناحية المكينة والعزم ..
مافي اي حنه وفيها نظام حلو زي الالماني .. السته سلندر ماتشتغل معك الا بعد 160 كلم عشان صرفية البنزين ..
وانا عن نفسي مدمن هوندا .. اششوف انها افضل موتر ياباني من ناحية القوة والرساوة وفخامة ..
وبخصوص فرق السعر في 2011 عشان الشاشة جايه شد بلد
مو مثل الشركات الثانية تجي بدون شاشة وهو يركبها اذا وصلت هنا ولا بعد صيني ويلعب على هالعالم ..والحمدلله الحين ماشيه حول 40.000 كلم .. ماقد اشتكيت من شي .. الا الفحمات غيرتها في 25.000 كلم بس .. والحين ماشي زي الفل ..... واهم شي مواضب على التشييييك
ولك الخيار وانت لاتسمع للعالم كل واحد يقول رايه ..خذ شي انت مقتنع فيه ..
وعليكم السلام ورحمة الله وبركاته
كل سنه وانت طيب
سيارتي 6 سلندر 2008 ماشيه حتى الان 140 الف تقريبا
كل اسبوعين اقطع 600 كيلو على سرعات عاليه
الحمدلله ماعمري اشتكيت من شيء باستثناء العيوب المصنعية المشتركة مع كل سيارات هوندا من فرامل الى اصوات ديكور وعلبة دركسون
:)
تسلمون وبيض الله وجيهكم
طيب الخليجه يقولون موزينه تفرق عن عبدالله هاشم وش رايكم؟؟
السلام عليكم ورحمة الله وبركاته
شهر رمضان مبارك لكم جميعا...
اخي الفاضل ... انا معي اكورد 2010 v6 وبصراحه مع نهاية رمضان هذا تكمل سنتين معي ماشيه الان حدود 95 الف..
وطبعا ان مقر عملي بالظهران والعايله في الرياض يعني كل شهر مره او مرتين الى الرياض طبعا غير السفريات الى الجنوب من نجران - ابها - جيزان - الباحه - جده - المدينه وايضا الامارات وقطر والكويت وان شاء الله السنه هذا لاجازه في الاردن ماعلينا ...
المهم السياره بصراحه ممتازه وعزمها حلو ورساوه وصرفيه البنزين ممتازه يعني من الظهران الى الرياض ثلثين التانكي او اقل بشوي والسرعه 160-210 تقريبا ...
القطع اللي غيرتها في السياره هي :
- الفحمات مرتين
- فلتر البنزين
- فلتر الهواء 3مرات
- البوري
- زيت القير مره واحده
- فلتر المكيف مره واحده
- الكفرات مرتين
والزيت المكينه والفلتر كل 7 الى 10 الاف كيلو حسب نوع الزيت
مع العلم اني ما التزمت بالصيانه من بعد صيانة 50 الف
سواقتي للسياره خايسه لدرجة اني بعض الاحيان انقد على نفسي من السرعه او التخييط... ولله الحمد والمنه السياره تفصل على 215 تقريبا لان لو فيه زياده ما عندي مشكله
يعيب السياره ويمكن انت تعرف الشي هذا العزل العزل العزل و نصب صيانة الوكاله فقط لا غيير تقريبا..
والسياره الى الان معي ولم تشكو من شئ وع العلم اني اضفت لها
- شاشة رودروفر
- زينون فليبس ومحولات دينسو على العالي
- لمبات ضباب مكان الاسطب الخلفي زي السيارات الاوربيه.
طبعا الى الان لا توجد مشاكل في طرمبة الدركسون والسوالف هذي ...
خل عنك كلام الناس اللي ما جربت السياره .. لانك بتسمع كلام كثير مثل ( القير يخبط - المكينه تنقص زيت - القطع غاليه " مع العلم ان اغلب القطع نفس ال4 سلندر" و.. و ,, )
في الاخير استخر وتوكل على الله والسياره سواء خليجية او امريكيه او سعوديه ما تفرق الا في مواصفات بسيطه واسف على الاطاله وشكرن
شباب ماقصرو معك يعطيهم العافيه
والله لو يرجع بي الزمن إني لأشتري ستة سلندر ونصيحة لك خذ الستة مادام نفسك فيها ..!
مشكلتنا نسمع من ناس ماجربت مجرد سماع فقط .. يعني بفهم كيف خرابات ؟؟ والأربعة ماتخرب يعني ؟
وإذا حصلت لي ستة موديل 2011 نظييييف دلني عليها بس .
تسلمون وبيض الله وجيهكم ياحلوين.. انيس اذا تبي النظييييف رح الامارات..
الى مهجد الحاره
حبيبي نظام فصل السلندرات يشتغل لما تكون السرعه ثابته واول ماتزود السرعه يطفي النظام
يعني السته شغالين مو مثل ماقلت انهم مايشتغلو الا بعد 160
وعلى فكره بالنسبه ليا النظام اوكي بس مشكلته انو حساسا جد يعني يفصل ويشتغل كثير لازم تخلي دعستك مره ثابته عشان يكون مستمر وانا سيارتي 2008 سته سلندر
وسلامتك...............
الخليجي نفس عبدالله هاشم بس يفرق اكتسوارات وانا معي خليجي وارد الامارات ماا شاء الله الخليجي حلو ونفس سعر السعودي بس الامريكي بعد عنه
اقتباس:
المشاركة الأصلية كتبت بواسطة ABODYYIC
هذا الكلام على حسب ما قال لي مهندس الوكالة .. وانا مثلك قلت له على حسب الدعسه قال لا
السته سلندر ماتشتغل كلها كاملة الا بعد 160 حتى تبين معك في الممشى يقول .. والله اعلم ..
والله ياخوي بالمختصر لو اعطوك هوندا 4 سلندر بريال لا تاخذها الهوندا اذا ماكانت v6 هذي مو هوندا