عاجل : صيانة هوندا تغير الزيت المستخدم إلى بترومين الترا 7 15w40 + استفسار ات هامة

بسم الله الرحمن الرحيم


عملت صيانة 15 الاف في الوكالة بقيمة 135 ريال .. حيث لاحظت وجود اسم زيت بترومين الترا 7 15W40 في الفاتورة ..


السؤال / هو زيت بترومين الترا 7 15W40 هو الزيت المستخدم في هوندا منذ سنوات ام الوكالة غيرت الزيت خلال هذه السنة من زيت هوندا إلى بترومين التر 7 ؟؟

لاني احس زيت الترا 7 مدري احس صوت المكينة مزعج نوعا ما !!!:eek:

+

ماهو افضل زيت للاكورد في الصيف ؟؟ + افضل زيت في الشتاء ؟؟

المقصود في افضل زيت يعطي إلى 5000 الاف كيلو + صوت المكينة اخف وانشط للسيارة ؟؟


+

ما رأيكم في مراكز صيانة بترومين ( ارتاح وسلمنا المفتاح ) هل هي ممتازة وإذا ممتازة هل استمر مع بترومين الترا 7 في مراكز بترومين او الوكالة او اغيره الزيت بنوع ثاني

+

العيار كم علبة بالضبط للاكورد 4 سلندر 2012 ... ناس تقول 4 علب مع سيفون جديد وناس تقول 4.2 علبة مع سيفون جديد

ما نستغني عن نصائحكم يا اهل الخبرة في الزيوت

أخوي هوندانا طاب صباحك ................
بالنسبة لزيت السيارة والله إني أشوف فيه مبالغات يعني فيه تحسس من الموضوع بدون فائدة .. كل واحد فينا كان معاه موتر قبل الاكورد ويغير من الزيوت على كيفه ,كل تغييره نوع ومع ذلك سياراتنا زي العسل !!

بالنسبة للعيار والله يوهق حيل من واقع تجربة لأني حطيت أقل من أربعة علب بدون سيفون وكان المعيار تمام وأحيانا تحط أربعة ويكون المعيار تمام !!

صيانات الشركة لا تحرص عليها إلا إذا عندك مشكلة أو التغييرات الـ 40000 أو الـ 60000 أو الـ 80000 أو الـ 100000
لأنه حرام تدفع مبلغ بصيانة العشرات 475 ريال في شغلات كلها كلام فاضي !!!
أنا غير منتظم بالصيانة لأني أشوف الشغلة كلها ضحك في ضحك وما فيه فرق بينها وبين صيانة الخمسات غير إنه يصنفر القماش ويبدل الكفرات فقط فقط !!!!!!!!

صيانة بترومين تراهم عليمية لا يغركم تطقيمة العمال ونظافة المكان وإن كنت أنا أغير عندهم أضمن من أبو يمن ! لازم تكون على روسهم وتعاير معاهم !
أهم شيء إذا بتغير برا خذ لك فلترين من الوكالة ومتى ما احتجت تغير عند محلات الزيوت اللي ترتاح لها ..

آسف على عدم الرد لبعض الاسئلة لجهلي بها .

اقتباس:

---

المشاركة الأصلية كتبت بواسطة أنيس

أخوي هوندانا طاب صباحك ................
بالنسبة لزيت السيارة والله إني أشوف فيه مبالغات يعني فيه تحسس من الموضوع بدون فائدة .. كل واحد فينا كان معاه موتر قبل الاكورد ويغير من الزيوت على كيفه ,كل تغييره نوع ومع ذلك سياراتنا زي العسل !!

بالنسبة للعيار والله يوهق حيل من واقع تجربة لأني حطيت أقل من أربعة علب بدون سيفون وكان المعيار تمام وأحيانا تحط أربعة ويكون المعيار تمام !!

صيانات الشركة لا تحرص عليها إلا إذا عندك مشكلة أو التغييرات الـ 40000 أو الـ 60000 أو الـ 80000 أو الـ 100000
لأنه حرام تدفع مبلغ بصيانة العشرات 475 ريال في شغلات كلها كلام فاضي !!!
أنا غير منتظم بالصيانة لأني أشوف الشغلة كلها ضحك في ضحك وما فيه فرق بينها وبين صيانة الخمسات غير إنه يصنفر القماش ويبدل الكفرات فقط فقط !!!!!!!!

صيانة بترومين تراهم عليمية لا يغركم تطقيمة العمال ونظافة المكان وإن كنت أنا أغير عندهم أضمن من أبو يمن ! لازم تكون على روسهم وتعاير معاهم !
أهم شيء إذا بتغير برا خذ لك فلترين من الوكالة ومتى ما احتجت تغير عند محلات الزيوت اللي ترتاح لها ..

آسف على عدم الرد لبعض الاسئلة لجهلي بها .

---

فعلا كلامك صحيح بخصوص المعايرة لأني سبق وعبو لي الزيت في صيانتين 4 لتر مع سيفون جديد والزيت عند النقطة العلوية واخر صيانة كنت على راس الفني وعبء 4.2 وكان العيار على النقطة العلوية ايضا

فعلا صيانات الاكورد 10 و 20 و 30 = كلام فاضي ( تبديل الكفرات ممكن اسويه عند اي بنشري بمبلغ بسيط )

صنفرة الاقمشة ماهي مشكلة لو كل 20 - 25 اوديها لاي ورشه ويصنفرها صنفرة بسيطة بملبغ بسيط ،، وممكن اتخلى عن الصنفرة لان الفحمات حتى لو ما تصنفر هي لها فترة وعمر افتراضي بالمبلغ الي ادفع فيه 4 صنفرات ممكن اشتري طقم فحمات امامي وخلفي جديد

غير كذا انه في كل صيانة يزيد المبلغ في صيانة الـ 10 = 475 ريال في صيانة الـ 20 = 515 ريال في صيانة الـ 30 = 590 ريال

غش عيني عينك حتى فلتر مكيف ما يغيروه ولا يخرطون الهوبات ولا يوزنون الاذرعة اذا كانت تحتاج

نعم صدقت في نقطة انك لازم تكون على راسهم وتشوف وش يسوون بالضبط لكن انا ما أؤيد انهم يعبون زيت الفرامل او زيت علبة الدركسون من زيوتهم لانها ما تنفع للأكورد

فلا بد ان نتعاون لكبح جماح الاستغلال الي عايشينه مع الوكيل السيء

مشكور اخوي انيس


ننتظر باقي الاخوان ونسمع ارائكم

توهم يحسون على دمهم ويدرون إن الترا 7 هو اطلق زيت بالعالم <<<تحمس بزياده

بس الوكاله افضل وامن لك
بعض الزيوت اللى برى فيها غش
يسون لها اعاده تصنيع

والله الوكالة ضحك على الناس للأسف ...

السلام عليكم ورحمة الله وبركاته

عندي مداخلة بسيطة يا اخوي وهي في الزيت طبعا كلامي اخذته من كتلوج سيارتي 2011 المكينة تاخذ 4علب زيت مع السيفون وبدون سيفون تاخذ 3علب و800مل والعيار على النقطة العلوية بالتمام بعد المعاينة والتأكد في كلا الحالتين .

تقبل الله منا ومنكم صالح الاعمال.

انا اصلا مااستخدم الا بترومين زيت بطل وماينقص

اهم شي ابعد عن جي تي ابو كلب

انا اغير دايما الترا 7 وعال العال

شوف حبيبي انا ابقولك عن تجربتي

كنت اغير الزيت عند الوكالة وسالت حق الصيانه وش الزيت الافضل للسيارة قال لي جي تي اكس 10-30

وفعلا الى يومك وانا اغيره بزيت جي تي اكس

طبعا انا من النوع اللي كل تغييرة لازم السيفون من الوكالة مع اربع علب وربع علبة ويكون مظبوط مية بالمية وصدقني تمشي عادي الى 7000-6000 كيلو عادي

ارجوا ان اكون افدتك

الي اعرفه انهم يستعملو كاسترول ......

والله دخنا ماندري وش الافضل

تدرون ان سعر علبه زيت الهوند الجدديد العلبه 35 سابقا 15 ريال يقولون ان الزيت الجديد يطول 10000 عشر الاف
والله العالم من صحه الكلام:confused:

انا غيرت الترا 7 عند بترومين وكنت مستمر سابقا على زيت هوندا

زيت بترومين اكثر تحمل من هوندا وياخذ وقت اكثر

على ماذكر انه 20 50 وليس الرقم الي انت ذكرته

سؤال ؟
الحين زيت الي تستعمله هوندا التر7 15-40 ؟؟
كم سعره ؟؟

يا شباب بالنسبة للزوجة الزيت مهمة أم لا ؟ يعني اللي يغير بترومين 20 /50 وضعه في السليم ؟؟
والسبب الطرمبة لها زيت معين ولزوجة معينة ...
ياليت اللي عنده علم أكيد يعلمنا

السلام عليكم
يا اخوان الفرق بين البنشري ابو يمن والوكاله 10 او 20 ريال الفلتر يبعه لك دبل ومو اصلي غير بالشركه وريح راسك لهم وزنيه معينه حتى ما يستخدمون علب عنده مقياس يعاير الزيت فيه وتحياتي لكم

لااااااا لصيانة الوكالة

ههههههههههههههههههههههههههه غير زيت بس 135 مع الفلتر في الوكاله والبنشري ب110 وفلتر تجاري

موظف قطع الغيار يقول: زيت هوندا الجديد يمشيك 10000 كليو
سالت الموظف يعني هل تم إلغاء صيانة 5000 كيلو و اصبحت كل 10000 كيلو ؟؟؟ قلي ما اعرف اسال الصيانة

اتصلت على الصيانة ..... المفاجاة كانت انو زيت هوندا يمشيك 5000 كيلو و جدول الصيانة ما اتغير
!!!!!!!!!!!!!!!!!!!!!!!!!!!!

يا ريت احد يفيدنا في الموضوع

هل الزيت الجديد يمشسي 10000 كيلو ؟؟؟ و إذا كان الجواب نعم هل تغير جدول الصيانةو اصبح كل 10000 ام ما زل كل 5000 ؟؟؟

شكرا

السلام عليكم

ياخي حتى لو مشيت على السياره عشرة الاف بضر السياره مره ولا مرتين عادي لكن تمشي عليها غشرة الاف وتغير تعدم المكينه اذا كنت مضطر خذ سيفون اصلي وغير عند البنشري اذا بتسافر مكان بعيد وعادي بعدها كمل صيانتك بالشركه وتحياتي لك اخوي

بحثت عن زيت ultra7 - 15w40 ولم أجده لا عند البناشر ولا عند موزعي بترومين في حائل والقصيم , فمن يعرف موزع لديه نفس التركيبة لا يبخل علينا بالمعلومات ؛ لأنهم يقولون تركيبة جديدة ولم تنزل للأسواق , الموجود عندهم نفس التركيبة لكن لمحركات الديزل فقط . أما المنتشر عند البناشر فهو ultra7 - 20w50 لا يناسب الأكورد لأنه ثقيل على مضخة الزيت .

اقتباس:

---

المشاركة الأصلية كتبت بواسطة cord2011

السلام عليكم ورحمة الله وبركاته

عندي مداخلة بسيطة يا اخوي وهي في الزيت طبعا كلامي اخذته من كتلوج سيارتي 2011 المكينة تاخذ 4علب زيت مع السيفون وبدون سيفون تاخذ 3علب و800مل والعيار على النقطة العلوية بالتمام بعد المعاينة والتأكد في كلا الحالتين .

تقبل الله منا ومنكم صالح الاعمال.

---

كلامك ميه بالميه ومجربها وطلع العيار مضبوط

اقتباس:

---

المشاركة الأصلية كتبت بواسطة cord2011

السلام عليكم ورحمة الله وبركاته

عندي مداخلة بسيطة يا اخوي وهي في الزيت طبعا كلامي اخذته من كتلوج سيارتي 2011 المكينة تاخذ 4علب زيت مع السيفون وبدون سيفون تاخذ 3علب و800مل والعيار على النقطة العلوية بالتمام بعد المعاينة والتأكد في كلا الحالتين .

تقبل الله منا ومنكم صالح الاعمال.

---

اتفق معاك لكن اربع علب مع السيفون بيكون قبل النقطه العلويه )لاجل توضح الرؤيه لديك او 4علب و200مل مع السيفون الى النقطه العلويه وبدون سيفون اربع علب

اليوم وديت السياره صيانة 140 الف

الزيت كان بترومين ويتغير كل 5 الاف

وتقريبا استهلك 4.3 لتر وقيمة اللتر الواحد 11 ريال

وزيت الجيربوكس 3 علب فقط

+ تغيير اقمشة امامي وخلفي + تربيط اسفل السياره + تشييك عام

اجمالي الفاتوره 1300 ريال

:)

السلام عليكم عندي معلومه ودي اسدحها هنا يستفيدون الاخوان زيت هوندا نزل قرار بسحب الزيت من السوق الظاهر انه مخشوش حتى انا تفأجأت ابحثو بقوقل وشوفو للأسف بعض المحلات تصرفه والمستهلك مايدري والشيء الثاني زيت الوكاله بترومين مو مطابق مواصفات الي طالبها الزيوت على كلام الكتلوج مكتوب زيت مطابق امعهد الامريكي abl sm او احدث الى هو اخر شيء نزل مواصفات sn للأسف مومتوفر بالاسواق حتى الان ماعليكم من الوكاله اهم شيء عندها االربح الي مو فاهم كلامي يبحث بقوقل عن الكلام الي قلته ويعرف التصنيفات وكل شيء نرجع لزيت الوكاله الي هو بمواصفات sl القديم للأسف اكثر الزيوت بالمواصفات الثديمه الي لها 13 سنه اما smنزل له تقريبا 7 سنوات تقريبا اما sn له تقريبا 3 سنوات اذا معلوماتكم ضئيله عن الزيوت انا انصحكم تبحثون بقوقل وتتثقفون عشان يكون عندكم خلفيه اسف على الاطاله