عرض للطباعة
السلام عليكم ورحمه الله وبركاًته ، كيف حالكم يا اخوان عساكم بخير ، كل عام وانتم بخير وصياما مقبولا ، وإفطار شهيـّـا إن شاء الله
انا عندي استفسار ابي كورد 2012 " سياحي " وموظف وراتبي 3500 ومعي دفعه مقدمه 20000 ريال ومعي كفيل راتبه عالي وحكومي
وابي تنصحوني وش افضل شركات التمويل من ناحيه تاجير منتهي بالتمليك او التقسيط وماهي شروطهم وابي طريقه الاجراءات كيف يعني كمستندات واوراق لأن ماعندي اي خبره
الله لايهينكم في إنتظااركم
تبي نصيحة لوجه الله تعالى انا ما اعرفك ولا تعرفني لكن بنصحك نصيحة
1/ لا تشتري سيارة بالتأجير المنتهي بالتمليك
2/ راتبك لا يسمح لشراء سيارة جديدة خصوصا تأجير لانه لهط دراهم
انصحك تأخذ 20 الاف وتبيع سيارتك الحالية وتاخذ سيارة صغيرة تمشي الحال ما تتعدى 35 الاف نظيفه وموديلها ما يقل عن 2007 ومش عمرك فيها لين الله يرزقك
ترا الاكورد مافيها زود 2008 مثل 2012 مهنا زود و2008 ياباني
اذا مصمم خذ لك اكورد 2008 او 2007 مستعمل سبيشل او سياحي نظيفه ومش حالك
الاكورد مافيها زود يعني انك تدفع 82 الف في اكورد سياحي كاش ( غير التأجير توصل حول 100 الاف )
شكلها بتغير السنة الجاية + لو جيت تبيع بعد 6 سنين ما جابت لك شي + سياحي يطيح سعرها خصوصا لو نزلت الجديدة بمواصفات جديدة وشكل جديد
الخيار لك وفقك الله
^^^
كلام سليم
يعطيك الف عافيه
انا معاك 100% في هذا الكلاماقتباس:
المشاركة الأصلية كتبت بواسطة هوندانا
+1 ... ولا حل ثاني انك تاخذ قرض مع المبلغ اللي معك وتشوف لك سيارة غير الاكورد