الحمد لله على السلامة
اذا انت راعي خطوط لا تزيد عن 140 - 150 بالكثير لان فوق هالسرعة السيطرة على الاكورد تكون صعبة جدا والسرعة مؤذية للمكينة وخطر عليك وعلى الاخرين وما انفجار الكفر الا دليل
بالنسبة لسرعتك 210 ومسكك للخطوط فيها ( و 40 الف خلال 7 شهور يعتبر معدل عالي ) سرعتك اولا عالية جدا جدا وتسرع في انتهاء الكفر مهما كان نوعية الكفر
كذالك هذا كفر له عمر افتراضي ينتهي فيه لكن انت راعي خطوط وسرعة اكيد راح ينتهي بعمر افتراضي اقل
الكفرات اللينة ما تنفع للخطوط ( ربما كفر السيارة حقتك كان لين )
لان المكونات الداخلية تختلف بين الكفر اللين والكفر القاسي ( القاسي يكون مطاطه صلب واسلاكه اسمك عشان كذا الكفرات تصدر اصوات اثناء المشي عليها والكفرات القاسية الصامتة هذي تستخدم فيها مواد عازلة للصوت بطرق تكنولوجية
الزبدة وانا اخوك انت راعي خطوط فنصيحتي لك كالتالي :
تشيك على كفراتك وضغط الكفرات يكون (( 35 )) للأربع (( تقيس الضغط قبل لا تشغل السيارة والسيارة باردة )) لما تكون السيارة والكفرات حارة خل الضغط على 40 لان الكفرات لما تكون حارة يزداد الضغط داخلها حوالي 5-8 ( عشان كذا لازم تزيد الضغط إلى 40 خصوصا الامامية ) لان بعد ما تبرد السيارة بتلاحظ الضغط ينزل لقرابة 35
انت راعي خطوط عشان كذا لازم تشتري كفرات ذات جودة عالية وتحمل شديد للخطوط ولازم تكون شوي قاسية فشوف لك :
برجستون ادرينالين بوتنزا
او كفرات كونتينتال غالية لكن جيدة وراسي ( تتركب على مرسديس وبي ام )
بريلي
والشركات لديها انواع منها الممتاز ومنها الوسط ومنها الردىء
لازم تركب الكفر عند وكالة الكفر الاصلية وابتعد عن الغرابي والموزعين عند المحطات
لازم الكفر تكون تحمل الحرارة A والتراكشن اما يكون a او aa
وتاريخ الانتاج احرص ان يكون 12 شهر 4 وطالع يكون لسه جديد
واحرص على الترصيص الارضي عند مختص ممتاز
+
اشتر معيار ضغط اصلي الكتروني من ساكو وخليه في الشنطة وقبل كل سفرة ( يعني قبل لا تشغل السيارة ) عاير الضغط دائما
اشياء بسيطة نغفل عنها لكنها مهمة مهمة جدا جدا
نصيحة من اخ محب لك لا تزيد عن 140-150 ابدا
يعني فرق 210 عن 150 بس 60 كيلو ف الساعة ما تسوى الواحد يغامر ويخاطر بحياته
وانتبه من الخطوط الي فيها عج وتراب لا تزيد عن 120 ابدا ابدا
___________________________
اذا انت راعي خطوط عاير الزيت دائما وغيره قبل 4 الاف كيلو
