معلومات واسئله عن اكورد 2013 ((نقاش عام))

السلام عليكم ورحمة الله وبركاته

كيف حالكم ياشباب ان شاء الله بخير ....

لاحضت كذا شغله في الاكورد الجديده حبيت استفسر اللي عنده خلفيه عنها
اول شي التكايه الوسطى بين السواق والراكب لاحضت فيه وصله زايده جهة
السواق هل لها فايده ؟؟ لكم الحكم عن الصوره http://im14.gulfup.com/2012-09-16/1347790683941.jpg

#الملاحظه الثانيه: كذا صوره اشوفها للاكورد ماشوف فيها تخشيبه !!!
هل معقوله استغنو عن التخشيبه ؟؟؟
#الملاحظه الثالثه: الحساسات هل هي ضمن مواصفات الاكورد الجديده ؟؟؟
# الملاحظه الرابعه: فئة الفل اوبشن لاتخفى عليكم انها تشغيل بزر عندي استفسار هل مفتاح التشغيل
او مايسمى البطاقه الذكيه تنشحن فالسياره ؟؟ مثل نظام الالتيما او تعمل ببطاريه
وهل الشنطه بها زر فتح مثل باقي سيارات البصمه ؟؟

معليش على الاطاله بس هذا كل اللي لاحضته حبيت ادونه في موضوع لكم حرية النقاش ...

# شطحه عشوائيه:
انشغل منتدى الجار بعزم الاكورد المرعب وزاد خوفهم ان تلتهم الصداره
منهم كما يزعمون كان الله في عون خصومك يالاكورد ههههههه

سيارات فاشله ..

اولا التكاية فيها ورمة مع الجنب وهذه بس زيادة لتكية اليد وراحتها وانت ماسك القير

ثانيا بالنسبة للداخلية اتوقع انهم استغنوا عنها وهي ماهي مهمة لانها ما كانت موجودة في الفئة اللي هي افخم منها وهي اكيورا ومع ذلك اكثر مبيعات

ثالثا : الحساسات نعم من ضمن مواصفات الاكورد الجديدة 2013

رابعا : الفل كامل والسياحي والسبيشل اللي بدلوه بنوع اسمه سبورت كلها تجي بتشغيل بصمة يعني مافيه مفتاح خلاص والمفتاح في جيبك ما تحطه في اي شي يكفي انك داخل السيارة وخلاص وهي تشتغل بالبطارية

وغير كذا فيه زر فتح للشنطة بالبصمة



واما المنتدى الجار اللي يتكلم عن العزم انا اللي فتحت الموضوع هناك :)

اوتشيها مادارا

الف شكر اخوي على ردك بس متأكد ان التشغيل بزر بيكون في جميع الفئات
او حكر على فئة الفل اوبشن !!!
قريت قبل فتره ان احدى المميزات بتكون التشغيل عن بعد هل هذا صحيح؟

مدري بقية الاعضاء يبون ارسلهم بطاقة دعوه عشان يشاركونا الموضوع:d

اقتباس:

---

المشاركة الأصلية كتبت بواسطة محتآآر

اوتشيها مادارا

الف شكر اخوي على ردك بس متأكد ان التشغيل بزر بيكون في جميع الفئات
او حكر على فئة الفل اوبشن !!!
قريت قبل فتره ان احدى المميزات بتكون التشغيل عن بعد هل هذا صحيح؟

مدري بقية الاعضاء يبون ارسلهم بطاقة دعوه عشان يشاركونا الموضوع:d

---

انا بأشارك بدون دعوة ولا يهمك يا محتار
بالنسبة لفكرة التكاية ، من الواضح انها لراحة السائق اثناء استعمال القير وفي نفس الوقت الاستفادة من الفراغ بالجانب الآخر لمكان الكوب الثاني وعدم تخطيته ، يعني فكرة حلوة .
وبالنسبة للتخشيبة ، اعتقد انهم استغنوا عنها بألياف الكربون وهي دارجة في السيارات الفخمة الجديدة .
اما استفساراتك الاخيرة فالرد عليها من الصورة الي في الموضوع ،لانها من فئة استاندر ، يعني ما ينقصها الا نفقيشن وشاشة الميديا الصغيرة وتسخين المراتب والجلد والزنون والليد والباقي موجد في كل الفئات ، والشنطة تفتح بالبصمة وفيها حساس او استشعار لو نسيت الريموت بداخلها تفتح اوتوماتيك وهذا مقطع من اليوتيوب يبين لك هذه الميزة
http://youtu.be/1ltfhU8W5qU

اخوي محتار التشغيل عن بعد موجود من موديل 2008 وفوق في امريكا وفوقه ايضا تحكم بالتكييف الداخلي للسيارة وهو اكسسوار يتركب في الوكالة في امريكا يعني تطلبه ويركبونه لك على طول وهو مصنع من هوندا نفسها

راهي

ماقصرت يالغالي قدرنا نلم بعض المعلومات وهذي الفائدة الجميع

اعتقد انه يتكلم عن العدسات فيه ميزة الانعطاف على ما اضن !!!

التشغيل عن بعد احد عنده خلفيه عنه ؟؟ملاحظ الحساسات مالها وجود بعد!!

التشغيل عن بعد يكون اختياري يعني اكسسوار ، تقدر تطلبه من الشركة وهذا موجود حتى في الموديلات السابقة ،
ثانياً ، انت تقول انه يتكلم عن العدسات ، ما فهمت عليك ، تقصد الفيديو ؟ اذا كان كذا اهو في البداية عرض الميزة الاستشعار في الشنطة شكلك ما شفت المقطع

العدسات مافيها انعطاف لكن فيه نوعين من الاضاءة في الاكورد النوع الاول عدسة موحدة باضاءة هالوجين

الثانية عدستين وما ادري هل هي LED او زينون لكن عدستين تعطي انتشار مثل الاضاءة في الاودي A6

التشغيل عن بعد موجود في امريكا من موديلات 2008

وهذه هي صورته

http://automobiles.honda.com/images/...-START_mid.jpg



وهذا رابط الاكسسوار من موقع هوندا نفسها

http://automobiles.honda.com/accord-...ory=ACCOR12098




والحساسات موجودة في الاكورد ولكن كأكسسوار في الاكورد من 2008 وفوق في امريكا طبعا للفئات السياحي والسبيشل والفل فيها اساسي

وحتى في امريكا ما تنزل الا اذا طلبتها

http://automobiles.honda.com/images/...SENSOR_mid.jpg


وهذا رابط الاكسسوار من موقع هوندا نفسها

http://automobiles.honda.com/accord-...ory=ACCOR12091

^
^
:cool:

تم التأكيد الاضاءة الامامية للتورينق ذات العدستين هي بتقنية ليد وليست زينون

وش افضل تقنية الليد ولا الزينون ؟

بالنسبه لاكسسوار التشغيل عن بعد موجود من عام 2003
بس عندي سؤال فئه التورنق ماهي الاشياء اللي بتكون فيها غير موجوده في فل الاربعه سلندر لانها بتحدد قراري اخذ 4 او6
وهل يتوقع يكون في التورنق تبريد مقاعد لانها مهمه عندي

من يلاحظ إن حجم السيارة أصغر من اللي قبلها 2012 ؟؟ هل هناك معلومات عن الطول والعرض للمقارنة بينها وبين 2012 ؟؟

خلفية السيارة تشبه إلى حد ما للأوريون أو قريب منها .!

السيارة حسب وجهة نظري الخاصة جدا لم تتميز بشكل جديد وإنما هو تطوير أو تعديل عن الموديل السابق !!

طبعا لن نستطيع الحكم على السيارة ما لم نشاهدها على أرض الواقع !!

ودي ومحبتي ..

اصلا موديل 2012 كبييييييير جدا واكبر من كل السيارات اللي بنفس الفئة والحين موديل 2013 ابعاده اكبر من السونتتا والكامري شوي

اهم شي عزمها ان شاء الله على الطبيعه يكون بطل

اهم شي عزلها وعزمها مايكون مثل الموديل الحالي وانصح كل واحد بيشتري 2013 لا يستعجل في الشراء حتى يسأل عن عزمها وعزلها نصيحة لوجه الله ممكن العزم تغير بس العزل الله اعلم

اخي بااشواق

العزل اصبح ممتاز وفوق هذا كله اضافوا نظام anc لتقليل الضجيج بالسماعات

يعني اقفل الباب وراح تلقى عزل رائع وفوقه شغل السيارة وبالتالي تشتغل السماعات ويشتغل معها نظام anc وتلقى الدنيا معزولة تماما كانك في غرفة عزل ومأخوذ من الفئة الفخمة من هوندا اكيورا

بالنسبة للعزل فهم زادوا سماكة القزاز كله وزادوا حجم الطبقة العازلة وسط الديكور من الداخل والديكور زادوا ثقله وصارت اجزاءه لينة وفوق هذا ركبوا نظام ANC

طريقة عمله هي مثل اللي في المقطع


http://www.youtube.com/watch?v=XoB2zhgcQqY

السيارة بطله

لكن ياشباب ياليت تشرحون لنا الفرق بين الدركسون الهيدروليك في 2012 و الكهربائي 2013


واتمنى تنحل مشكلة دودة الدركسون

الدركسون الهيدروليك يشتغل بالزيت وكل شوي تشيك عل الزيت في الصيانة ونظامه معقد جدا جدا


الدركسون الكهربائي مكينة كهربائية تساعدك وتلف الكفر معك ونظامه سهل جدا ورائع وما يحتاج لا زيت ولا غيره بس شغل ولف مثل ما تبي

اقتباس:

---

المشاركة الأصلية كتبت بواسطة بلال العلمي

الدركسون الهيدروليك يشتغل بالزيت وكل شوي تشيك عل الزيت في الصيانة ونظامه معقد جدا جدا

الدركسون الكهربائي مكينة كهربائية تساعدك وتلف الكفر معك ونظامه سهل جدا ورائع وما يحتاج لا زيت ولا غيره بس شغل ولف مثل ما تبي

---

الذي أعرفه عن الدركسون الكهربائي أنه خفيف في السرعات المنخفضة وثقيل قليلا في السرعات العالية

كما هو معروف عن دركسون الأكورد السابق أنه ثقيل نوعا ما وميزته أنه يحافظ على الرساوة أكثر وعيبه عدم مرونته على السرعات المنخفظة

الآن الدركسون الكهربائي يجمع بين الميزتين

اقتباس:

---

المشاركة الأصلية كتبت بواسطة سلطان2020

الذي أعرفه عن الدركسون الكهربائي أنه خفيف في السرعات المنخفضة وثقيل قليلا في السرعات العالية

كما هو معروف عن دركسون الأكورد السابق أنه ثقيل نوعا ما وميزته أنه يحافظ على الرساوة أكثر وعيبه عدم مرونته على السرعات المنخفظة

الآن الدركسون الكهربائي يجمع بين الميزتين[/size][/center]

---

بس ماهو زين للمفحطين والمنطلين لانه ما يعطيك احساس بالارض في السرعات الخفيفة وهو جيد في السرعات العالية من ناحية الاحساس يعني تجي على 220 وانت ناطلها تنطل معك مضبوط وتحس بالكفرات ووضعها الين تظن انك انت السيارة نفسها بس الاحساس هذا يتلاشى بعد ما تنزل لسرعة 80 تقريبا يبدأ النظام يفعل كامل المساعدة فما راح تحس بالكفرات وتلقى الدركسون خفيف جدا

طبعا هذا شي جميل جدا لنا كأناس يسوقون بشكل طبيعي لكن ماهو مناسب لتيتشر ولكاسبر :d

فيه شخص في اليوتيوب جرب الاكورد 2013 في كندا وسألته عن العزل بالنسبه للأكورد قال لي العزل سيء والصوت الخارجي مسموع
وقال ممكن بسبب الاجواء الثلجيه اللي عندنا وله مقطع ثاني تجربة قيادة باسات سي سي وقلت وش افضل اكورد ولا باسات وقال اكيد باسات

وهذا المقطع

http://www.youtube.com/watch?v=MsSTQ9vuFeE

اقتباس:

---

المشاركة الأصلية كتبت بواسطة تألمت بس تعلمت

فيه شخص في اليوتيوب جرب الاكورد 2013 في كندا وسألته عن العزل بالنسبه للأكورد قال لي العزل سيء والصوت الخارجي مسموع
وقال ممكن بسبب الاجواء الثلجيه اللي عندنا وله مقطع ثاني تجربة قيادة باسات سي سي وقلت وش افضل اكورد ولا باسات وقال اكيد باسات

وهذا المقطع

http://www.youtube.com/watch?v=msstq9vufee

---

والله انبي كل ماعزمت اشتري السياره ارجع أهون اكثر مايخوفني في الهوندا هاذي ان قطع الغيار بيكون نااااااااااااااار واغلى من قبل والقير cvt