صوت ونه في سيارتي

السلام عليكم ورحمة الله وبركاته

أسعد الله مسائكم بكل خير

بختصر لكم الموضوع عندي سيفيك 2006 ماشيه 166 ألف

السياره تقريبا من شهر ونص طلع فيها صوت بس خفيف مو قووي وهو أذا كنت أمشي يكون فيه صت مثل الدبه أو الشكمان
يجلس يون مثل كذا اووون اووون اووون:d بس بشكل خفيف

واذا دعست عليها بقووه الصوت يطلع قووي ويختفي طبعا شيكت على الدبات والشكمان كلها سليمه

وعلى فكره الصوت ما يطلع الا اذا مشيت يعني وأنا واقف لو أدعس على السياره ما يطلع صووت بس اذا مشيت

وملاحظ القير يعشق بسرعه يعني أول ما أدعس يستجيب معي كويس بس علطول يعشق لنمره الي بعدها
واذا عشق النمره الي بعدها يطلع صوت خشن وعلطول يعشق النمره الي بعدها

شيكت عليها عند كذا ورشه ما عرفو وش المشكله ويقولون سليمه

ألي قيد مرت عليه مثل كذا أو عنده خبره لا يبخل علينا

ومشكورين جميعا:o

احنا في البحرين نسميها بيرنقات

بالإنجليزي wheel bearing

بالسعودي مدري !!

صورة توضيحية:
http://image.fourwheeler.com/f/28352...+lock_ring.jpg

ودي القطعة هي المسؤولة عن الإحتكاك بين الذراع والإطار
وطبعا القطعة استهلاكية يجب تغييرها بين فترات

شيك عليها وغيرها
ما عندي فكرة عن السعر

والسموحة

^^^^^^
يعطيك العافيه أخ عماد الصوره الموضحه أتوقع هذا الرمان وصوت الرمان يختلف عن الصوت الي عندي

الصوت الي عندي كأنه صوت حنه بسيطه مو واضح بس الي بيركز بيسمعها وخاصه عند تغيير التروس من نمره إلى نمره يطلع صوت خشن
بعدين يختفي وعلى هذي الحاله عند تعشيق كل نمره

ننتضر بقية الردود

صوت في المكينة ولا نظام التعليق

^^^^^^^
الصوت يجي مع دعست البنزين فقط طبعا السياره واقفه وادعس عليها ما يطلع صوت

لكن اذا مشيت يطلع صوت ونه والصوت ما يجي ألا مع ضغط الأبنص

لتوضيح أكثر:أنا أمشي 120 وأنا رجلي على ضغاطة البنزين أو الأبنص الصوت موجود اذا بعدت رجلي عن الدعسه يختفي الصوت

أنا أتوقع فيه مشكله في الدعسه

صوت مثل ايش .. الدعسة حلها التشحيم ام اذا صوت شي خربان ياريت توضح

ممكن عندك العكس الداخلي راسه متاكل ولوتبي المشكله توضح عندك شوف اي ميزان يرفع السياره وعشق وشوف وين يطلع الصوت

الله يعطيكم العافيه على الردود أنا فحصة الموتر ومحد عرف الصوت من وين
طبعا الصوت كأنه صوت دبه أو كأنه فلتر مفكوك طبعا مثل ما ذكرت قبل ما يجي الصوت ألا لما تكون السياره تمشي يعني السياره وهي واقفه
أدعس على السياره ما فيه صوت أبد حتى دعست عليها فتره والا ار بي أم وصل 5 ولا فيه صوت
لكن السياره أذا بدت تمشي يطلع الصوت علطول قالو ممكن يكون من الرمان وبلفعل طلع عندي رماان ضعيف لكن باقي فيه عمر لكن مسألة أن الصوت من الرمان ما أقتنعت فيها لأن والسياره تمشي الصوت يطلع فقط اذا دعست يعني مجرد ما تكون رجلي وانتو بكرامه على الدعسه يطلع الصوت
واذا بعدت رجلي عن الدعسه يختفي الصوت طبعا على السرعات العاليه يختفي الصوت

وفيه نقطه أن استجابت القير ضعيفه وأنا متخوف تكون المشكله من القير لأن الموتر أستجابته ضعيفه وتعشيقاته بدري يعني لو أدعس ما يحشر النمر علطول يعطيك عزم ويعشق بدري وينزل الضغط على 2 ونص ما أدري وش المشكله بضيط

المهم أني طفشت وسحبت على الورش وتعودت على الصوت:p

لكن أتمنى أحصل حل لهذا الصوت

ودمتم سالمين

صارت لي هذي الحركة اللحين عرفت قصدك .. لما تمشي والاربي ام توه عند 2ونص تحس بزي الصوت مع هزة خفيف .. حبيبي شوف الثروتل اذا وصخ نظفه مع الفلتر وشيك البواجي لان بما انك ماشي 166 لازم تغير بواجي .. شكرا جزيلا

^^^^^^

الله يعطيك العافيه بشوف بكره بغيرها وأنضف الثروتل وأعطيكم خبر.

شيك على بيل مضخة البور اخي العزيز

انا عندي صوت بعد زي البكرة مزعج رحت محل قالي مواصير طرمبة البور الزيت متشحم فيها :eek:

شرحت لميكانيكي عنده خبره في هوندا
قال هذي المشكله ممكن تكون من طنجرة القير الله يستر

وسعر الطنجره غالي في حدود 2000 ريال في الوكاله

اللهم لك الحمد والشكر تم حل المشكله بعد الفرفره في الصناعيه كل واحد يطلع لي خراب وأكثرهم يقولون كرسي قير أو طنجره

وأخيرن فتحت ورشه كلها سعوديين وشغلهم جداا ممتااااز رحت لهم يوم شيكو وجلسو يحسون

قال أنت قد صلحت المكيف قلت ايه نعم قد فكيت الكمبرسور لأصلاحه قال الكمبرسور ما ركب كويس والمسامير تبه نازله تحت

ومع اي حفره ممكن يفرط عليك الكبرسور قام شخص سعودي الله يجزاه خير شد على المسمار وربطه والصووت راح نهائيااا

ولا أخذوو ولا ريال

ياكثر اللي يحبون الأفتراء وكثرة الكلام بهذا الزمن
على العموم مشكلتك بالبداية كنت شاك فيها بس مش متأكد
لأنها حصلت معا ناس كثير
سواء صوت البوار او البيرنق او الكمبريسر
و احمد ربك جت سليمه
غيرك مسكين كل شوي يدفع بدون اي فايدة

انا قالوا لي شداد ورحت شريت شداد 700ريال وركبته على الفاضي ماراح الصوت رجعت رحت مكيانيكي ثاني قالي البور .. لاكن الدركسون عندي تمام مافيه شي والطرمبة ماتسرب شي وفيها شي:mad:.. رحت محل ثاني قالي بكرة الكهرب رحت غيرت بيرنقات كاملة ب 400ريال ولا راح الصوت :mad::mad:.. ياريت تقولي الحل ياخوي OKR

الصوت يختفي لما يشتغل الكمبريسر ويطلع لما بفصل :mad:

^^^^^^
لو لك جية الرياض أخليهم يفحصونها لك كمبيوتر وراح يطلعون الخراب لك
وأنا الحمد لله حاولت ما أدفع ولا ريال ألين تأكدت من المشكلة لأن كل ورشة تفتي وتطلع مشكلة

أنا أنصحك تفحص كمبيوتر.

والله بشوف وشو سالفتها اذا مالقيت لها حل شكلي انا ناوي اركب k20a واطرب نفسي

^^^^^
يله شد حيلك الله يوفقك

واذا نويت عليه نبي أحلى تقرير.