ساعدوني بسيارتي ترتفع حرارتها ، أبي حل للمشكله ،،

السلام عليكم ورحمة الله وبركاته

راح أبدأ بالمشكله أول شيء ،،

المشكله : ترتفع الحراره أثناء وقوف السيارة لفترة مابين الخمس إلى عشر دقايق ، وفي الزحمه بشكل عام
وإذا مشيت مسافة تنزل الحراره تدريجياً وتصير طبيعيه ، وفي ريحه تطلع من المكينه أو مقدمة السيارة حتى لو الكبوت مسكر : ريحه مثل ماء الرديتر وهو حار
مع العلم أول مافي هالريحه
للعلم :

1 / قبل شهر مغير الدينمو للمروحه ، والمراوح شغاله مافيها شي ،
2 / قبل شهرين مغير الغطاء للرديتر ، ( أفكر أخذ واحد ثاني لأبعد الشك أن العله منه )
3 / قبل يوم مغير الرديتر إلى جديد قلت يمكن في أنسدادات والعله منه ----->> الرديتر صناعة أندونيسيا ،


ياليت تفيدوني بالحل الله يجزاكم خير ، تعرفون شوارعنا كلها زحمه والوقوف أكثر من المشي والحراره عله على قلبي ،

كل شي سويته وماطحت على المشكله ،

هل في شي ماسويته على شان أطيح في العله ،،

ملاحظة // كوع الحراره شايله ، وحساس الشكمان خربان من ثلاث شهور تقريباً ،،

تحياتي ،،

الله العالم انه الغطا هو الخربان

لانها صارت معي بسيارتي قبل

وطلعت من الغطا

موديل السياره ونوعها ؟

انا صارت معاي الحراره ترتفع اثناء الوقوف وطلع سبب بسيط جداا ولم انتبه له
حتا ان الحراره وصلت ثلاثة ارباع
بس الحمد لله لحقت عليها

المشكله كانت اللي الصغير في القربة حقت اللديتر طايح في الداخل
واللديتر فااااااضي مافي موية ولا يسحب من القربه النقص لان اللي طايح
عبيت موية مقطره علبة ونص ونزات الحراره علطول


ولكن ممكن في حالتك تشيك علي الاتي
بلف الحراره
تاكد من مروحه المكيف تكون شغاله وقت الانتظار
تاكد من حساس تشغيل المراوح

ولاتنسا الموية تكون كامله ةالغطا مايهرب او يبخر

طبيعي لانو على حسب مافهمت منك انه بلف الحراره شايله وهذا طبيعي اذا وقفت كنت مسويها في الفورد :d
اذ مسكت خط تلاقيها تنزل الحراره واذا وقفت ترتفع . بس سؤال هل ترتفع فوق النص ؟؟"

سيارتي نوع أكورد ، موديل 2004 فل كامل 4 سلندر ،

** أخوي مشكله ، الغطاء غيرته وما أحس فيه تنسيم ولله الحمد ،،

** أخوي جاكي 2 ، بلف الحراره أنا شايله وفي ناس نصحوني أرجع البلف لأني شلته لأسباب أن السيارة تمشيني ، والمراوح كلها الحمد لله في السليم
وفي لي صغير طول الأصبع تقريباً ، جنب المكينه كان في تهريب وغيرته قبل شهر ،

** أخوي swat ، صحيح أني شايله ومن سنه تقريباً وماعانيت هذا كله ، بس مسألة ترتفع الحراره فوق النص توها تصير ،


،، وحبيت أقول لكم اليوم شيكت عليها وخليت الغطاء مفتوح شوي وشغلت السيارة وخليتها شوي لما تسخن وسكرت الغطاء وما أرتفعت الحراره وهي واقفه ولله الحمد
بس هل كان السبب أنه يمكن في هواء في الرديتر وترفع حراره ؟؟ لأن في ناس قالت أحتمال في هواء ، أنا جربتها اليوم بس ما وقفت في الزحمه وأن شاء الله تكون سليمه ،،

السيارة للحين ترتفع حرارتها ، ولما أفتح شوي من غطاء الرديتر أنسم من الهواء والسيارة في وضع التشغيل تنزل تدريجياً

ونفس ماقلت بعد إذا أرتفعت ومشيت مسافة طويله تنزل تدريجياً ،،

هل من حل يخلصني من هالمشكله ،،

والله مشكلتك غريبه

يعني انت تشوف فقاعات تخرج من فتحه الغطا حق اللديتر وهل السياره وصلت الحراره h او قبله بقليل

لان الخوف ممكن الراس تأثر وسار ينسم هوا

وهل تلاحظ موية اللديتر تنقص بدون سبب


وكمان شيك على لديتر االمكيف لاني اذكر واحد مرره ماخلي شي ماغيره وباقي ترتفع الحراره معاه
وفي الاخير طلع من لديتر المكيف


بس انت لاتغير او تصلح شي الا بعد ماتتأكد بالفحص انه يحتاج تغيير لان الحراره تؤثر على المحرك بشكل كبير وممكن تسبب بتعطله في حالة نسيت الحراره

وديتها محل قالي عندك طرمبة الماي بس ما أخذت بكلامه

وديتها ورشة متخصصه لهوندا قالي طرمبة الماي مافيها شي ، قال عندك الرأس

قالي تصليحها يكلف 2300 ريال ، هل معقوله تكلف كل هذا ؟؟

أنا قالي السعر مشيت البيت مارحت ورشة ثانية خلاص راسي اللي ضرب !!

استبعد مشكلة الراس لانه لو ينسم راح ترتفع الحراره بكل وقت

انت تقريبا فحصت كل شي من مراوح على كلامك انها سليمه وتشتغل بشكل سليم ومنتظم ... وغطا الرديتر تغير ... والبلف مو موجود ... طرمبة المويه ممكن تكون السبب.

طيب وش الي يخرب طرمبة المويه ... لو موية الرديتر ماتغيرت بشكل منتظم يبدا الصدا يتكون في دائرة التبريد ويتأكل الحديد

ومن ضمنها ريش طرمبة المويه تكون متاكله وماتدفع مويه بالشكل المطلوب للرديتر ... وادا مشيت بالسياره تزيد سرعتها وسرعة الهوا وتنزل الحرارة بالتدريج...مجرد تحليل للمشكلة يحتمل الصواب او الخطأ

أخوي متصفح ، أول شي شاكر لك ردك على الموضوع

كلامك ممكن يكون مقنع ،

حبيت أضيف على المشكله يمكن يكون كلامك صحيح 100% ، أن علبة الرديتر للماء الأحتياطي يعبي ماي ولا يسحب ، أول كانت تسحب وتفضى

الحين صارت تعبي ماء إذا أرتفعت الحراره ، الميكانيكي اليمني اللي فحصها شيك الزيت إذا كان مخلوط مع ماء أو شي قالي مدام العلبه تعبي ماء يعني عندك الطرمبة ،

وكلام آخير يعني أغير طرمبة الماء في رايكم وتكون هي سبب كل هذا ؟

تحياتي للجميع وخاصة اللي ردووا ،،

وأنا أتصفح في الموقع أكتشفت موضوع قبل كم شهر يعاني تقريبا نفس المشكله

وقلت بسوي حاجتين وبشوف إذا المشكله منه أو لا ، طرمبة الماء و بلف الحراره ،

هذا الموضوع / http://www.hondaarabia.com/club/t54988/

الحق على مكينتك قبل تخبط من الحرارة


متى آخر مره غيرت ماء الراديتر ؟؟ و وش كان نوعه ؟؟ الغالي الأصلي اللي سعره فيه .. أو التجاري اللي ما منه فائده ابو 15 ريال

لازم ماء الراديتر يكون مخلوط 50% ماء راديتر أصلي و 50% ماء مقطر

ماء الراديتر الأصلي فيه مواد تمنع الصدأ والتآكل وتزيت طرمبة الماء والخ ...
التجاري فقط لون .. ماله فائده .. ابعد عنه


فيه نوعين من ماء الراديتر

نوع مخلوط بالماء المقطر وجاهز للاستخدام .. ويصير مكتوب عليه 50%ماء راديتر و50% ماء مقطر

ونوع غير مخلوط بالماء المقطر وغير جاهز للاستخدام .. يكون ثقيل شوي ولاااااااازم ضروري تحط معه ماء مقطر .. وتخلطه بنسبة 50% و 50%

لو انت عبيت مثلا ماء الراديتر " الثقيل والغير مخلوط بالماء المقطر " بدون ما تخلطه بماء مقطر ... بترتفع الحرارة



الغطاء والبلف لازم يكون أصلي من الوكالة

ماي الرديتر توني مغيره أي سي دلكو لونه أحمر مع الرديتر قبل أسبوع سعره 45 ريال ،

والغطاء قبل شهرين تقريباً سعره 55 إذا ماكنت ناسي ،

باقي أركب البلف وبشوف الوضع سعر البلف 175 ريال ،

وإذا بعدها بشوف طرمبة الماء وأن شاء الله تنحل ،، طرمبة الماء سعرها بـ 280 ريال

والمراوح شغاله ودفعها تمام ،

إذا تقدر تقولي بس كيف أعرف أن الطرمبه خربانه ؟ لأني أخاف أفكها يكون مافيها شي !!

والماء ينقص من الرديتر ، بس العلبه الاحتياطيه ماتحسب الماء ، وإذا أترفعت الحراره تعبي ماء ،

وإذا أرتفعت الحراره ومشيت عليها تنزل ، وشي ثاني إذا أرتفعت ونسمت على الغطاء بدون ماأطفي السيارة تنزل الحراره !!

والحين كل ماوقفت عند أشاره عيني ماتنزل من الحراره كل خوفي تضرب المكينه وأنا مو حاس فيها ،،

انا اقول المشكله من البلف واستبعد طرمبة الماء واذا تبي تفحص الطرمبه افتح الغطا الراديتر والسياره بارده وشغل السياره لين ماتسخن واول ماتشتغل المراوح راقب المويه بللراديتر اذا شفته يتحرك معناته ان الطرمبه سليمه

اخوي قبل ماتسوي شي يمكن في هوا في الراديتر

اول شيك على السيارة وهي باردة وافتح غطاء الرديتر وخل واحد يضغط بنزين وشوف هل المويه تدخل داخل الرديتر يعني انا الطربه شغاله ومافهيها مشكلة وبعد متشوف المويه تدخل داخل الرديتر عب مويه في الرديتر واضغط بنزين في فترات لمن المويه داخل الرديتر يتعبأ مويه

أخوي مبارك ، تم تركيب بلف الحراره وننتظر النتايج الحين وأن شاء الله يكون الخلل منه ،

أخوي kakshi لما أفتح غطاء الرديتر وأضغط بنزين يطلع الماي لبره هذا قبل تركيب بلف الحراره ، بعد التركيب ماشيكت ،

أمس رحت وركبت بلف حراره جديد ونظفت المكينه والرديتر وصبيت ماء أحمر جديد وسألت العامل إذا الغطاء فيه عله أو أي خلل قال الغطاء مافيه شي ، وطرمبة الماء مافيها شي ، والمراوح سليمه ومافي أي تهريب من الأهواز ، والرديتر جديد ، اليوم جربتها ما أرتفعت وبنشوف نجربها كم يوم إذا ما أرتفعت يعني الخلل كان من البلف ، بس إذا رجعت يعني في عله ثانية ،

نفس مشكلتي ارتفعت عندي الحراره ماخليت شي ماغيرته غيرت اول شي الشبك الامامي للديتر وزبطت الحراره اسبوع وارتفعت وغيرت الطرمبه وقبل اسبوع ارتفعت وامس غيرت البلف واليوم ارتفت
اغلب المهندسين يقولو انت ماخليت شي ماغيرته مابقي الا راس المكينه ممكن يكون السبب

ممكن حساس egr يكون السبب
الي حق الرديتر لو قاسي ممكن تبقي راس المكينه

نفس الشي ترتفع الحراره

إذا كنت ماشي مشوار ووقفت السيارة على وضع التشغيل لمدة خمس إلى عشر دقايق بعض الأحيان مو دايم ترتفع الحراره قريب النص

وإذا مشيت تنزل تدريجياً

هذا كله بعد تغيير البلف ،

شكلها نهايتها السيارة ، السيارة ماشيه 350 الف

شكلي بعتزل هوندا ،،

في ردك الاخير تقول ترتفع الحراره الى قريب النص...؟ وضح هالنقطه

لان الاكورد حرارتها الطبيعيه قريب النص وتكون ثابته ماتنزل ولا تطلع ...

واذا كانت ترتفع شيك على المراوح ممكن تكون شغاله بس الحساس فيه مشكله فمايعطي امر بتشغيلها اذا ارتفعت الحراره ..؟

شلون تشيك عليها ... وانت واقف شغل المكيف وشوف هل المراوح تشتغل مع الكمبرسور او لا ...تشتغل تقريبا 15 ثانيه وتطفي 15 ثانيه في الوضع الطبيعيه واحيانا اكثر اذا الجو حار داخل السياره

والسياره واقفه بدون مكيف .. المفترض تشتغل المراوح كل دقيقتين الى خمس دقايق مره واحده ...وبنفس الوقت شوف اذا ارتفعت الحراره المراوح تكون شغاله او لا ...؟ هالنقطه مهم تشيك عليها

مازلت استبعد الراس ... لان الراس لو فيه مشكله بتجننك الحراره على حسب خبرتي المتواضعه ... بلغنا بالمستجدات

حرارة الأكورد الطبيعيه ثاااااااابته على الثلث وأغلب السيارات الجديده .. على الربع او الثلث او النصف بالكثييييييير

الحرارة هذي ( على الربع او الثلث ) ما تضر أبداً .. ولها فوائد .. ولو مالها فوائد كان مصانع السيارات وفرو على انفسهم بلوف الحرارة .. وخلو الحرارة دايما على C

اللي يضر انها تكون باردة جدا C أو حارة جدا H .. أو الحرارة تصير تلعب بين C و H


بقولة سالفه صارت لي .. لكنها قديمه قبل 3 سنوات تقريبا
مرة غيرت ماء الراديتر وانا عليمي .. ولا عبيته زين
ورحت على السيارة اتمشى وغيرت الزيت و مروق و الخ... ولا انتبهت للحرارة
إلا فجأة جت عيني على الحرارة H آخر شيء :eek:
طاح قلبي كل هالمسافة ماشي عليها بدون ما انتبه للحرارة >> عليمي

والسبب اني غيرت ماء الراديتر ولا عبيته زين

المهم قلت بروح للبيت وبعدين نفحصها انا واخواني
فتحنا غطاء الراديتر مالقينا ماء .. لأني كنت عليمي وأول مرة اغير ماء راديتر
وبعد ما عبيناها ماء .. الحرارة ثابته على الثلث ومن احلى ما يكون

و الحمد لله عدت على خير ما خبطت المكينه ما شاء الله تبارك الله .. وتعلمت من أخطائي .. لكن صار عندي عقدة من تغيير ماء الراديتر

زبدة وخلاصة القصة :

مكاين وقيور الهوندا .. جودتها عالية وتتحمل .. من واقع تجربة

كلام الاخ الاخير
معناته مو كل ماترنفع الحراره نحطها على طول في المكينه فيه احتمالات اخرى
انا اشوف المشكله كلها من الميكانيكين اغلبهم بالاسم مو فاهمين شي قاعدين ياخذون راتب على الفاضي
المفروض يعرفو للمشكله من البدايه وين بالضبط ما يقعد الواحد يغير عشرين قطعه لين يكتشف وين الخراب

بما ان الحرارة ترتفع وهي واقفة واذا مشيت تنزل الحرارة معناتها المراوح خربانه وما عليك من اللي صلحها يمكن ركب دينمو دفعه ضعيف حق سيارة من نوع غير سيارتك غير المراوح باذن الله تختفي الحرارة عندك ولا تطول حاول تغيرها فورا عشان مكينه الهوندا المنيوم ماتستحمل حرارة كثير وبالتوفيق.

الحراره الي ترتفع و السيارة واقفه و تنزل لما تمشي يعني المشكله في الغالب ناحيه الردياتور
اسف لما اقرا الموضوع جيدا قبل الرد السابق

مشكلتك راديتور او مراوح في الغالب

السياره لما تسخن و هيا ماشيه يبقي طرمبه الماء
والله اعلم