سلام عليكم ورحمه الله وبركاته
ياجماعه الخير سيارتي تحتاج طقم كفرات
و انا ناوي على البيرجستون ولكن ماعرف وين وكيلها بالدمام كوني جديد بالمنطقه
والله خوفي يطلع غالي علي بعد
انا شفت محل الطلائع الي بعد مجمع الحلويات بجب كليه التربيه
مادري هل في غير هذا الوكيل او لا وهل تقترحون علي غير البيرجستون ويكون ممتاز ووكيلهم يكون ممتاز
وابي اعرف كم مقاس الجنط وكم مقاس الكفرات وهل يضر لو اخذ مقاس كفر اصغر بشوي او اكبر بشوي لاني خوفي ماحصل نفس مقاسها
دلوني تروني بها الامور من جمبها
قمه التحطيم
للرفع يالربع
كم موديل السياره وهل فل او سبشل او سياحي
وعليكم السلام
الطلائع هو الوكيل الرسمي ومافي غيره
او عندك المحلات الي مقابل عمارة المعجل بس كلهم بناشر يبيعون كفرات
شوف يالغالي غير كفر الوكاله لا تغير انا كفراتي مشلان وتحملت معي ممشا 130 الف كيلو ممتاز جدا ماشاءالله
ومتوفر فيه الموصفات انها تصبر الكفر لمسلفات طويله وسعره مقبول لاباس وثبات على الطريق راسي مره
وهذا الي عندي وبي التوفيق
سيارتي 2010 فل اوبشن
والكفرات الي عليها الان هي كفرات الوكاله ميشلان
كم مقاسات الكفر حقي وهل يضر لو اختلفت المقاسات شي بسيط
ميشو حبيب قلبي تشور علي اتوكل على الطلائع وكم بيكون سعرهم ولا اشوف نوع ثاني
ادري اسئلتي كثيره لكن تحملوني
حبيب قلبي سيارتي نقس موديلك وانا توني مغير الكفرات بعد مالفيت السوق اسبوع وحبيت اغير برجستون غالي :p على قل سنع ويمسح الكفر سريع
الي اشور عليك ركب نفس الكفرات مشلان وصناعه فرنسيه افضل ويستاهل فيه كل ريال وبي التوفيق
;););)
مقاس كفراتك يالغالي 17 225/50
سعر البرجستون 950 كنت عندهم يوم الاربعاء
لكن ميشلان إذا كان نفس حق الوكالة مزعج جدا في الخط ...
ميشلان التايلندي ركبته قبل سنه ونصف ممتاز لكن قاسي وبالخط صوته مو مزعج لكن بالشارع الخشن تحس فيه سلام سلام
انا ناوي اغير الكفرات خلال هالايام ولفيت عليهم وشفت كفر مارشال صناعه كوريه سعره 330 مواصفاته توب لكن مادري عنه هل فيه صووت متردد او رجعت للميشلان
والله 950 للكفر الواحد مررره غالي طيب سعر الميشلان الفرنسي كم وفين الوكيل حقه
سعر الميشلان التايلندي والامريكي 500اقتباس:
المشاركة الأصلية كتبت بواسطة شانزليزيه
رحت لبيرجيستون وقالي الكفر 940 تقريبا حول 3700
سالت عن تاريخ الصنع قالي 2012 شهر 4 وبما اني موظف ارامكو سوالي خصم وقالي تطيح منك حول 850 ريال
شفت الوضع مغري قلت قدام
المهم جلست ونزلو الكفرات وانا تاكي بالمجلس داخل اتقهوى
قرصني قلبي طلعت شفت العمال اشيك الكفر احصل كفرين 2012 وكفرين 2011
للاسف الواحد صار يروح للوكيل ويعاملونه معامله بناشر
طلعت الي بخاطري عالموظف وشرشحته
قام يبرر يقول والله ماعندنا الا اربع حبات بس واللي مسجل بالسستم 2012 والغلط من السستم
شوي اعتذرلي عن قيمه الخصم وانه غلط فيه وان الخصم 250 وليس 850 واستمريت بشرشحته
المهم قلت لهم رجعو كفراتي ورجعوها
وحصلت قدامي واحد يشتكي منهم ان كفره مامشي حول 1000 وانسلخ الكفر بسرعه 120
المهم ان بيرجيستون الدمام زيه زي البنشرجي
وصلت لمرحله ابي اركب اي شي
جاي من راس تنوره ودوامي الساعه 10 والساعه الان 8
شفت جمبهم جودير الراشد
وركبت طقم جودير (الماني) 2012 شهر 6 سعر الواحد اعتقد حول 570
على كلامه ان عليه عرض لانه قبل العيد كان ب 750
المهم ان ركبت و افتكيت
طبعا هالكلام كان قبل 5 ايام تقريبا
تشكرون حبايب قلبي
أفضل كفر سيارات قد جربته هو القوودير ...
جربت أنواع كثيرة و على سيارات مختلفة بس القوودير مميز ..
الله يبارك لك فيها ويعطيك خيرها ويكفيك شرهااقتباس:
المشاركة الأصلية كتبت بواسطة شانزليزيه
وكيف الكفرات خلال الفتره القصيره
وهل فيها صوت بالطريق
تحياتي
طبعا صعب احكم لانه بدري
لكن فرق شاسع عن ميشلان الوكاله الي كان راكب قبل
مع العلم الظمان مفتوح
أبنصحك نصيحه
الميشلان يتحمل بس يكرهك بالسياره تحس انه بلكه مو كفر
غيرت كفرات قوديير من الوكيل وعبيتها نتروجين
ماشاء الله سياره ثانيه دوء وليونه وشكله حلو
المطبات وعيون القطط ناعم جدا
وأحرص ان يكون الكفر معبئ نتروجين وهواه 32
وحافظ على هواه انه ماينزل والاذرعه مظبوطه
وميزة الوكيل الراشد انهم يدورون لك الكفرات أربع مرات مجانيه
ويشيكون على الاذرعه مجانا وفي حال تحتاج خصم 50% على الوزان
انصح بقوه بكفرات قوديير الالمانيه
لي من ركبتها 7 شهور روعه وهاديه ولينه
تحيااااتي للجميع
ماعرف على أي أساس أنت تقول كذا ...اقتباس:
المشاركة الأصلية كتبت بواسطة عبداللهs
لكن أنا ركبتهم قبل سنة و ما راح أركبهم عن هالوكيل الحرامي
بعد اغسبوعين انفجر علي كفر و قالي الضمان ما يغططيه ... مع إنه على الضمان المفروض
فقلت خلاص بركب جديد ... حاولت أبي خصم ... تصدقوا علي بخصم 15 ريال!!!!!
و ما فوت أي تدوير للكفرات أو ميزان للأذرعة معاهم
و بعد سنة تقريباً قبل شهرين رحت بدور الكفرات مثل المعتاد الي يقولوا لي كفراتك تحتاج تبديل لأنه صابها ترهل
طيب شنو سبب الترهل؟! قال إنك ما تعمل ميزان و ما تدور الكفرات ... حذفت في وجهه أوراق الفواتير الي تثبت إني أسويهم أول بأول
لكنه رفض ....
للمعلومية ... كنت في دبي و شفت العجب ... والله إن الدول الثانية عايشة من ورى ظهرنا إحنا السعوديين
أولاً سعر الكفر 300 درهم ... فرق أكثر من 180 للكفر الواحد .... يعني تقريباً 180×4= 720 ريال فرق
ثاني شي ... يعبي نيتروجين ببلاش ... هنا تدفع مدري كم
ثالث شي الميزان المرة الأولى مجاناً و المرات الجاية خصم 50% مع تدوير الكفرات و ترصيصيهم مجاناً... هنا يقول خصم 50%
الضمان الاستبدال هناك في دبي يومياً حتى الجمعة و السبت و المسمار يبدله ... هنا مش موزك حتى لو لك حق ما راح تبدله
هنا للأسف ضايع حق المواطنين المساكين ... والله مسروق حقنا و نسكت ... و مافيه أحد يحمينا
هلا والله أخوي
من واقع تجربه لكفرات قوديير الالماني لسبعة أشهر كفر ممتاز
صعب ان نحكم على الشركه من تجربتي وتجربتك
بس انا اقيمها من ناحية:
الليونه ممتازه
هدوء ممتاز
شكل وعدم وجود مشاكل ممتاز
نقشتها ممتازه
الوكيل يقوم بتدوير والتشييك على الوزن
وبنسبه لضمان انا معك يدورون أي شي ليخرجونك من الضمان
الله يعين
تبي العلم الصحيح::
سيارتي اكورد 2011
مقاس الكفر 17 - 50/226
الكفرات ميشلان من الوكالة صناعة تايلندي
ماشاء الله من يوم طلعتها من الوكالة حوالي سنتين الى امس ولا اروع
مع العلم اني اداوم يوميا 160 كم رايح جاي + 12 كم ترابي
ونهاية كل اسبوع 400 كم رايح و 400 كم جاي يعني 800 كم
يعني حوالي 1500 كم اسبوعياً
اتحدى اي كفر غير الميشلان يتحمل زي كذا
امس رحت وكيل للميشلان وحصلت نفس اللي عندي حق الوكالة بالضبط السرعه a والضغط a والحراره a بـ 550 تايلندي
الامريكي بـ 600 ، والفرنسي قالوا مايجي منه مقاس اللي عندي
والفرق بينها اختلاف المصنع فقط مثل الاكورد الياباني والامريكي نفس بعض
اذا انك مثلي وتبغى كفر يكرف معك انصحك بالميشلان وبشده
اما اذا استخدامك بسيط وتبي شي حق ابو سنه شوف لك نوع ثاني
بالتوفيق
ركبيت كفرات مارشال من الوكيل الصافي 1200 لاربع كفرات وماشاءالله هدوء وثبات وليونه لها 3 ايام مركبه
والحكم االسليم على الكفرات بعد 4 شهور من التركيب
اخوي سعيد ابغى اركب ميشلان الماني لاكورد 2007 شرايك ووين وكيل الميشلان وهل فيه الماني عنده لو لا