عرض للطباعة
سيارتي أكورد 2008 ماشيه 73000عزمها طاااايح وأحيانا ماتجي معايه الدعسه الثانيه رحت للوكاله وقالي المهندس على أشياء وتم تغييرها وهي :
1- فلتر البنزين
2-فلتر الهواء
3-تنظيف بخاخات
4-تغيير زيت جربوكس
قلت للمهندس بأغير البواجي قالي لا مايحتاج لأنها تمشيك لل200000 بالراحه
وأستلمت السيارة اليوم من الصيانه ولم أجد أي تغير كأني ماوديتها وش الحل ياشباب لايكون القير جاوب أبي تجاربكم ونصائكم لأني احتمال انزلها الحراج تحياتي للجميع.
اذا متاكد قبل عزمها افضل من الان
غير الفلتر لخارجي للقير لان مع تغيير الفلتر 3علب وربع
بغيت أغيرة قالي المهندس مايحتاج
أول مره أشوف مهندس في شركة كبيره مايبغى يكلف على الشخص
الله يكثر من أمثاله
ودها اقرب ورشة و قله مشكلتك و خله يفحصها و يعرف ليه العزم ضعيف قبل لا يعدلها
و لا تستعجل في بيعها .. انا انصحك في التبديل احسن من البيع
اخبار البطاريه ايه ....
البطارية تمام بس بأفحصها وأفحص الدينمو لعل وعسى
شاكر لمروركم
على ممشى 73000 كيلو
اللي يتغير هو زيت القير لان زيت القير له دور في العزم اذا كان له لزوجة او لا
وايضا فلتر الهواء حق المكينة لازم يتبدل كل 20000 كيلو
تأكد ان منظم البخاخ نظيف وماهو وسخ لان الوسخ اللي عليه راح يمنع انك تمشي صح فيها وهذا شي معروف وبعد ما تنظفه لازم تبرمج الكمبيوتر
وغير كذا تاكد من مستوى الهواء في الكفرات
وغيره ما يحتاج تغير ان شاء الله
الاشياء الداخله في العزم
1- عدد السلندر ( 4- 6 )
2- حجم الجنط اذا كان 17 تكون اثقل
3- البواجي
4- فلتر هواء
5- فلتر بنزين
6- الثقل على السياره بالوزن
7- المكيف يعني لو تشغل المكييف تلقى العزم يقل
8- كراسي المكينه وهذي مشكله في الهوندا
9- زيت القير
وانت شوف وش الي ما غيرته وغيره وإن شاء الله تلاحظ فرق كبيبر .
وأخيرا لا تبيع السياره ولا شيئ ع اساس العزم وش بتسوي بتطير انت
زساوة وثبات وقوة تستغني عنها ع اساس العزم
(( معروف عزم الهوندا 2008 - 2012 انه جدا جدا ميت ))
كراسي المكينة مالها علاقة بالعزم والمكيف ماياخذ من عزم السيارة كثيييير وبالنسبة للبواجي كونه ايريديوم فهو ما يحتاج يغيره الا مرة كل 100000 كيلواقتباس:
المشاركة الأصلية كتبت بواسطة .AcCoRd
كراسي المكينه تأثر على العزم من 0 حتى سرعه 20 في اختبارات العزم ,<<< وهنا الواحد يحس بالعزم
وبالنسبة للمكيف أعارضك بشده من أكبر الاشياء المؤثرة ع العزم هو المكيف
تجربة جرب اليوم شغل المكيف وأدعس طبيعي
وبعدها جربها بدون مكيف وشوف الفرق جدا جدا فرق يااخوي
وأي واحد معاه هوندا بيقرأ كلامي ويأكده .
1) خل ضغط هواء الكفرات وهي بارده ما تحركت 30 .. لأن مع المشي والاحتكاك بالاسفلت يزيد الضغط شوي .. واذا برد الكفر يرجع مثل اول 30
جرب تخلي كل الكفرات 30
وجرب تخلي الكفرات الخلفية 30 والأمامية 32
2) غير فلتر البنزين وفلتر الهواء
3) غيّر زيت القير مع الفلتر الخارجي
4) غيّر البواجي
وامسك بها خط وادعس بس انتبه لا يصورك ساهر .. وشيّك على كفراتك قبل تمسك خط عشان ما يبنشر عليك وانت مسرع لا سمح الله
مرّنها شوي .. يعني مو دايم تسوق كأنك شايب
تنظيف البخاخات .. فيه طريقه سهله ورخيصه
قبل تعبي فل بنزين .. صب علبة محلول تنظيف البخاخات في تانكي البنزين
ثم عب فل بنزين
محلول تنظيف البخاخات تلقاه في ساكو .. فيه انواع كثيره ومصنوعه في امريكا
لكن قبل تنظف البخاخات غير فلتر البنزين .. عشان ما تتوسخ البخاخات مره ثانيه
و دائما اذا جيت تعبي بنزين طف السيارة .. لأن مع تعبئة البنزين تتحرك الأوساخ اللي بقاع تانكي البنزين .. وتسحبها طرمبة البنزين
وطبيعي جدا يقل العزم مع تشغيل مكيف السيارة ... اي سيارة بالعالم يقل عزمها مع تشغيل المكيف
واذا جنوطك 17 .. فهي اثقل من الجنوط اللي اصغر منها
سيارتك قير عادي أو أوتوماتيك ؟
كم مقاس كفراتك ؟
وش الزيت اللي انت تستخدمه ؟ لأن 20w50 ثقيل ويقلل العزم شوي