رسيت على 3 كفرات ( هانكوك - نيكسن - دنلوب ) التصويت لكم من واقع خبرتكم

السلام عليكم ورحمة الله

باختصار رسيت الان على 3 شركات للكفرات وابي منكم ارشادي للأفضل

دنلوب السعر 320 ريال للكفر ( سبق لي تجربته ) ضمان سنة تقريباً
هانكوك السعر للطقم كامل 1200 ريال - ضمان سنة
نيكسن كوري نفس وكيل تويو السعر للكفر 270 ريال وضمان مفتوح - اليوم محل بنشر كبير نصحني بكفرات نيكسن وقال نصيحة ترا حلوة وعليها عرض بهذا السعر من الوكيل ،، أحد جربها ؟

السيارة هوندا اكورد 2006

وحبيت استفسر عن الترصيص اللاصق هل يناسب الكفر العادي الستاندر وقت التركيب ، لأني سألت راعي البنشر وقال كفراتك عادية ماتحتاج ترصيص لاصق
وصراحة مدري عن الشغلة هذي .

ع حسب استخدامك للسياره يعني مثلا
لو انت راعي سرعه يعني مثلا دائما رجلك ع 130 أو 120
أو تغير الكفر كل سنتين ونص
سفر
ما أنصحك بأي كفر من ذول انصحك ( ميشلان - بريجستون وبقوه )
اما لو رجلك خفيفه ع الكفر يعني دائما تحت الـ 120
وتغير الكفر كل سنه ونص
قول بسم الله

وبالنسبه للترصيص الي تقول عليه هو اغلى وسبب ان قالك سيارتك ما تحتاج هو عشان مايخرب المنظر العام للجنط يعني الحين الترصيص ابو حديده ويدق فيها
هذا باكل لك طرف من الجنط الكروم + يشوه لو تدقق وانت جنطك حديد يعني ما تفرق . هذا قصده ونما ترصيص الاصق افضل .

ارشح كفر هانكوك فينتوس
ركبتهم عند الوكيل بن شيهون بالدمام بـ 1500 ريال طبعا اكورد 2008 مقاس 16

عن نفسي استخدم دنلوب ..

اتوقع هو الأفضل بين الثلاثة .. :)

تقبل مروري

دنلوب عن واقع تجربه ..... اكورد 2008 مقاس الكفر 17

السلام عليكم

أنا جربت هانكوك و نيكسن وكلها ممتازة ناعمة و ماعليها مشاكل ونكسن مركبها من أربعة شهور وماعليها أي ملاحظات

نيكسن حلو .. استخدام سنة .. ماشي 50 الف كيلو على الكفرات