ورشة الجنوب بالرياض

السلام عليكم
مساء الخير يا شباب
انا بنقل لكم معاناتي مع ورشة الجنوب واللي للاسف تدنى مستوى خدمتهم بشكل كبير
قبل سنة تقريبا غيرت عندهم صفاية البنزين والبواجي وسير المكينة وكذا شغله
المهم بعدها بي 6 اشهور غيرت قطعة تبع المويا الحار والبارد الواصل للمكينة
وقبل شهرين غيرت كراسي المكينة والقير ..
في كل الثلاث مرات تصير مصيبة
المرة الاولى ضعيوا قطعة تثبت الصفاية واكتشفتها بعد مارحت اغير بلف البنزين اللي يجي بنفس طرمبة البنزين
وكان عدم ثبات الصفاية ماثر ع البلف وتوصيل البنزين الى العادم ..
المرة الثانية في القطعة اللي غيرتها تبع الماء الحار والبارد .. صارت السيارة تهرب مويا من حواف القطعة
وكلمتها عليها قالي عادي بس يومين يثبت الوجهة ويوقف التهريب وظليت اسبوع ولا فيه فايدة
ورجعت لهم وقلت له افتح القطعة وحط معجون امريكي .. والحمدلله ضبطت
المرة الاخيرة واللي غيرت فيها الكراسي للاسف كراسي المكينة الجهة اليسار ما ربطوها
وطلعت من عندهم والسيارة فيها صوت ورجعت لهم مره ثانية وقالي عادي مافيها شي
واليوم مريت ورشة عادية وشرحت له المشكلة وطلع معي
وقالي وقف ونزل يشوف الكبوت قالي تعال شوف
الا الكراسي اليسار مو مربوط .. وربطها وخف الصوت .. ولكن لابد يتغير
لانه خرب :(
الان بصراحة ما عاد اثق ابد في هالورشة والوكالة غالية بالصيانة
ويعلم الله ان هذا اللي صار معي ما كذبت بشي والشكوى لله
لكن نقلت تجربتي مع هالورشة عشان الباقين ينتبهوا ونشوف لنا ورشة محترمة غير هالورشة
للعلم سيارتي اكورد 2007