اشتريت اكورد بس العداد قراءته تخوف !!

السلام عليكم

اشتريت اكورد 2010 ستاااندر

عدادها 69 وعليهااا ولم وديتها صيانه طلع يبيلها شداد السير للمكيف + السير ويقولي الميكانيكي الشداد مايخرب الا اذا ممشى السياره فوق ال 100 هل صحيح هالكلام ؟

لكن بالفحص طلعت كويسه والمكينه 93 وماغيرت الا جلد شكمان بس هل يوجد طريقه اعرف فيها ممشى السياره الحقيقي ؟

علما بانه لم شيكت بالوكاله طلع اخر صيانه عملت قبل سنه بالضبط وكان ممشى السياره 59 الف والمالك المفتاح لتاجير السيارات :eek:

بس يقول اللي بالوكاله ممكن كان يأجرها سنوي يعني ممكن ممشاها حقيقي وبصراحه انا وسوست ودي اعرف كم ممشاها ياليت احد يفيدني !!

مدري اش اقولك

مادام السيارة كانت لمكتب ايجاار فمليون في المية كانت مكروفه كرف مو صاحي

هذا ااذ ماغيروا لها العداد لانه مو معقول في سنة كاملة مامشت الا عشرة الاف من 59لــ 69

غير كذا المكينة جايبه رقم ضعيف قياسا بالموديل

اعرف واحد معه اكورد 2005 مشت معه 400الف وعليها ولمن جاء يبيعها المكينة جابت 99%

عموما نقول ان شاء الله السيارة مافيها شي وتمشيك بدون مشاكل

والله يعطيك خيرها ويكفيك شرها

ماشاء الله 2005 وجابت 99% وهذا ماهو بسيط على مكينة مثل مكينة الهوندا


اخي صاحب السيارة الشداد صحيح ما يخرب الا بعد 100 الف كيلو لكن هو مجرد رمان

الاهم من هذا هو رقم الفحص وضغط المكينة واللي جابت فقط 93 % عموما تأكد في الوكالة بفحصهم وشوف كم النسبة اللي تجيبها

يبوي 93% رقم ممتاز ترى
وفحص الكامبيوتر شيء ماله فايده .. خذ موتر اصفار وسو له فحص للماكينة اتحدى لو ياخذ 100% وهي اصفار
لو تروح محل فحص ثاني راح يتغير الرقم
والسير انا ماشي عليه 200 الف ويوم غيرته كان نظيف ولا رميته خليته في الشنطه سبير

خويي أخذ كورولا ولما فحصها عند كارتك ( مركز مشهور لفحص السيارات ) جابت المكينة 88% قالوا له : ماشاء الله ضغط البساتم ممتاز
المقصود أخوي 93% رقم ممتاز جدا

مشكوورين جميعا على المروور

لكن هل يوجد طريقه لمعرفة الممشى الحقيقي للسياره ؟ الوكاله هل يطلعوها ولا لا ..

الله يعينك

معقوله خلال سنه كامله مشت السياره بس 10 آلاف !! وهي لمحل تأجير سيارات يعني تنكرف اكثر من السيارات العاديه

سيارات الأجار معروفه مكروفه كرف الويل والشباب يفحطون عليها و ياكلون المطبات وهم مسرعين و يفصلون العداد والخ...


لكن ممكن تقولنا وش سبب تغييرك جلد الشكمان ؟؟ عشان نستفيد

يعني وش اعراض خراب جلد الشكمان ؟؟ و هل حسيت بالفرق بعد تغييرها ؟؟

اكبر غلطه هو شرائك لسيارة من كانت اجار
يعني كرف ويتعلمون عليها و يفحطون فيها موب ضروي بس احتمال
وياكلون بها مطبات وسرعات وتجارب عليها ومن رجل نشيط لنشيط ومن واحد لواحد
وأكبر دليل ع الكرف طبيعي 100 الف ويتغير الشداد وش يغيره ف نصص الفتره غير الكرف
هذا ف حالة ان الممشى طبيعي
ليتك أخذت معاك صاحب خبرة يوم اشتريت السياره
عموما إن شاء الله تكون استخدمت حشمه

والله يعطيك خيرها ويكفيك شرها
عموما حاول تطلع قراء ة العداد ولو طلعت غلط رجع السياره ورد فلوسك ^_^
وما يقدر يرفض لأنك ممكن تشتكيه وتاخذ حقك منه غصب
أكيد دافع فيها مالايقل عن 55 الف ماهي ألف ولا الفين .

وعليكم السلام الله يعطيك خيرها ويكفيك شرها والشداد واحد يشدالسير مافي شدادمكيف ؟!وبعدين سيارتي موديل 2011ماشيه فوق ال100الف ماخرب الشدادوفيه ناس فوق ال200الف ماشكوا منها وجلدالشكمان اكيد اللي مستاجرين يروحون فيها البر وكذا عموما انا مابي اخوفك بس مادام الماكينه نسبتها 93%ممتازه وفوق الممتازه لان لوغيرت زيت الماكينه وفحصتها بتجيب نسبه اعلى ومتاكدمن كلامي
انا شريت سيارتي ماشيه 29 الف 2011 ونفس النسبه 93% وكان الزيت ماتغير وسالت صاحبها الاول لانها بيعت على المعرض وطمني على السياره ..والله يوفقك بالسياره..

عموم المكاتب طبيعي سيارته مكروفه انا انصحك تشوفلك واحد من ربعك ولامن الاهل كبير يشوف السيارة ويتفحصها اذا السياره مكروفه تبين من الداخليه والمكينه الصوت عالي واطي ملاحضات عليها في فرق بين 69 و100 وفوق وبالنسبة للفحص مايبين نهائيا ويمكن انه مبدل العداد واذا تاكدتو روحله وانشبله لانه هذا غش وتلاعب والسير عادي ممكن من الوقفة الطويلة يكون ميبس وممكن كلام اللي بالوكاله صحيح لاكن انا ماثق في المكاتب 90 بالمية نصابين ويمشون شغلهم بالحيله وتلقاه ابوعيال ويصلي وصايم

عزيزي ، الله يبارك لك فيها ويطعمك خيرها ويكفيك شرها ...
دامك شريت الموتر باختيارك لاتوسوس وتقلق والعداد والفحص ممتاز
واخر فحص قريب ،، ماشاءالله

جرب الموتر وامسك خط وان شاءالله مافيها الا العافيه