تغيير زيت المكينة وزيت الجيربكس سيفيك 2007 وفلتر بنزين
السلام عليكم
بدخل بالموضوع دوقري
امس كنت بغير زيت الجيربكس وزيت المكينة
وبعد التحري والبحث المطول بخصوص نوع الزيت للمكينة والجيربكس والفلاتر
بحث بالمنتدى وبمواقع ثانية اتضح معي انه كثير تمدح زيت هوندا الاصلي للمكينة بالمقابل كثير من مستخدمي الهوندا يغييرون الزيت الى الترا 7
لانه نفس الجوده
المهم
انا اليوم رحت الوكالة عبدالله هاشم بالجبيل الصناعية
غيرت زيت المكينة وزيت الجيربكس وفلتر المكينة ( السيفون)
طلع علي تقريبا 370 ريال <<<<< طبعا السعر هذا لزيت المكينة والجيربكس والسيفون وفتح لي كرت بالوكاله لاني اشتريت السياره من شخص ( مستعمل ) ولا قد رحت الوكاله للصيانه
سألته عن نوع الزيوت قالي
زيت المكينة يستخدمون الترا 7 <<<<<< 15w-40 وقلت له ليه ماتستخدمون زيت هوندا الاصلي قالي >>> زيت الهوندا الاصلي بالمحلات فقط ولاستخدام 10.000 كيلو/متر
أما زيت الترا7 بالوكالة لاستخدام 5.000 كيلو/متر يعني هي هي
السعر فرق تقريبا 10 ريال
اما زيت الجيربكس تستخدم الوكالة زيت هوندا الاصلي خاص للجيربكس وهذا افضل
وغيرت فلتر هواء بنفس الوقت سعره من قطع الغيار 73 ريال <<<< طبعا نصحني موظف الصيانه لخدمة العملاء لاني لو ماشريته وعطيتهم الفلتر والا بيغرونه من نفسهم وبيطلع علي بـ 180 ريال حسب كلام الموظف فا نصحني اشتريه بنفسي
الحين انتهيت من سالفة الزيت وتغييره
اجيكم بسالفة فلتر الجيربكس وفلتر البنزين وتغيير زيت الدريكسون ( الباور)
1- فلتر الجيربكس
سألت قطع الغيار عن فلتر الهوندا السيفيك هل هو خارجي أو داخلي <<<<< لأني بحثت هنا بالمنتدى لقيت انه فلتر خارجي للجيربكس فقط للاكورد وبنفس الوقت فلتر ثاني داخل الجيربكس
سألته عن السيفيك قالي ماعندنا فلتر خارجي للجيربكس للهوندا السيفيك وخبرني انه مايجي خارجي لها وقضيت النظر عنه وتغيير فلتر داخل الجيربكس ياخذ معهم يوم او اقل توديها الصباح وتاخذها الظهر على حسب الزحمه
2- اما بالنسبه لزيت الديركسون نفس الشي يطول معه اذا وديتها الصباح ومافي زحمه تخلص الظهر
3- اما بالنسبه لفلتر البنزين يصير خلف السيت داخل شنطة السياره <<<<<< هذه نقطه مهمه ابي اعرف عنها بعض الامور اللي ماوضحت معي
بعد ماخلصت تغيير الزيوت عنده قالي بكرا تجيب السياره ونغير لك خزان البنزين على الضمان انا بهذه اللحظه قلت ليش بغييره مافي شي الخزان
قالي على الضمااااان استغربت السياره ماشيه 177000 كيلو/ متر وموديلها 2007 يعني اخذت 5 سنوات وزود بعد
سألته يعني ماادفع ولا ريال قالي ولا ريال ويمكن يرجع لك فلوس من 370 اللي دفعتها حق الزيت
الصراحه هذا اللي فهمت منه
بكرا بروح الوكاله بوديها وبشوف وش المطلوب بالضبط وهل فعلا بيغير الخزان على الضمان بدون ماادفع ريال
وهل في احد منكم صارله نفس سالفتي بالنسبه للضمان بعد خمس سنوات لاني انا مو راعي وكالات
اول مره اوديها الوكاله
ولا عادتي كل ورش برا
وسلامتكم
