عرض للطباعة
السلام عليكم
انا رحت للوكاله بغير زيت القير وقالو ما عندنا :rolleyes: الي اسبوع الجاي يووصل واستفسرت عن فلتر القير قالو ما يحتاج تغيره مع ان الموتر ماشيء 170
المهم تغير زيت 200 تقريباً + فتلر القير 250 :eek:
وطلعت الفلتر من موقع http://www.1hondaparts.com/parts-cat...tf-pipe-l4--10
وسعره ب 18.14 دولار تقريبا 70 ريال
وش رايكم اطلبه من برى واغيره في الوكالة او اغيره مره وحده في الوكاله
وعليكم السلام ورحمة الله وبركاته
تأكد من سعر الفلتر ؛ وترى اللي يتغير ( الفلتر الخارجي )
http://i.drom.ru/foto/album_photos/6/5123/39548.jpg
أما الداخلي يتغير مع التوضيب واذا فكيت القير تحتاج أكثر من 3 علب زيت + طقم جازكيت للقير
فلتر القير الخارجي اصلي من الوكاله سعره 95 ريال
وشغل اليد 96 ريال بالوكاله ( أغلى من قيمة الفلتر )
سعر علبة زيت القير الاصلي من الوكاله بـ 42 ريال وتحتاج 3 علب يعني 126 ريال
وشغل اليد 48 ريال بالوكاله
لو تحسب سعر الفلتر الخارجي و3 علب زيت .. كلها من الوكاله = 221 ريال
شغل اليد بالوكاله = 144 ريال = نصب !
المجموع = 365 ريال
الأسعار هذي من فاتوره الوكاله بتاريخ 2010 .. أخوي غيّر زيت قير سيارته عندهم وموديلها 2006
لا تنسى تطلب خصم 20% .. ويفضل تغير واشر (ورده) صرة زيت القير سعرها رخيص لكنها مهمه
اذا تهمك الراحه وتبي شغل مضمون و ما تبي تتعب نفسك .. دخلها الوكاله وتحمّل اسعارهم
لكن المشكله ما يخلونك تشوفهم .. يعني وش يضمن انهم غيروا الفلتر ؟
اذا تبي يكون شغل اليد أرخص من الوكاله .. غيرّ الزيت والفلتر برى الوكاله
و اذا تحب تشتغل بنفسك وعندك خبره وعندك عدّه .. غيّر الفلتر بنفسك أحسن من العمال اللي يتعلمون على سياراتنا .. وغيّر زيت القير عند البنشري
و لو أنا بمكانك بغير فلتر القير بنفسي .. وبغير زيت القير عند البنشري
المنتدى والانترنت فيه شروحات كثيره :c050: :aa_book: عن طريقة تغيير الفلتر الخارجي وموقعه + عندي عدّه
وترى تغيير زيت القير سهل جدا كلها فك صرة واذا فضى الزيت يتم تنظيف الصرة من الرايش ووضع واشر جديد وشدها بشكل مناسب ثم تعبئة 3 علب زيت تقريبا
لكن اذا البنشري عليمي و بيستعرض عضلاته على الصرة = يمكن يخرب مكان تركيب الصرة
ويمكن تحتاج تغيير كارتير زيت القير واتوقع غالي
توي غيرت زيت القير مع الفلتر نفس اللي في الصوره
ب280
والله فرق سعر من 365 الى 450
بس لو مع الخصم 20% راح يطلع 360 تقريبا
المشكلة دورت شرح لاكورد 2008 وفوق ما لقيت كلها 2007 وتحت :)
انا راح اشوف يمكن ااغير زيت في بترومين طبعاً زيت الوكالة
والفلتر بغيره في ورشه مختصه وهل تعرف ورشات في الرياض مختصه
انا بالجنوب الرياض