طلعت اكورد 2013 وابي مساعده

السلام عليكم ورحمه الله و بركاته

مالكم بالطويله انا طلعت اكورد اربعه سلندر فل كامل اليوم وانا قلت للمصري اللي بالوكاله ما ابي من المعروضه اللي كل من هب و دب يركبها قالي لا اكيد ي باشا

وبعدين يوم ركبت الموتر شكيت مافيه اكياس يوم قلتله قال لازم نشيك الجلد عشان كذا شلنا الاكياس

يوم رجعت البيت تذكرت اني صورتها بالمعرض وشيكت رقم الهيكل طلع نفس موتري و كلمت المصري قالي انا ما بكذب عليك وانا اجزم انه كذاب

وش رايكم ي شباب بديت اكره الموتر جد
وطبعا لاحظت خدش بسيط بالطبلون زي حكت المفتاح

ابغا رايكم الله لا يهينكم

نفس رقم الهيكل ؟
ترى ممكن كلامه يكون صحيح لان اخوي مطلع 2012 من معرض مهوب من الوكاله بدون اكياس
واذا الموتر نظيف لاتوسوس ومبروك السياره

وعليكم السلام

السياره تسجلت بأسمك وموضوع تبديلها صعب

بس ممكن تسوي لهم قلق ويسوون لك خصم خذ معك الدليل واحشر المصري عند مدير المعرض بس قبلها قول السالفه للمدير والمصري موجود يعني خليه ينكر وبعدها طلع الصور ووريهم

ماقاله لك المصري انه أخذ الأكياس عشان يشيك على المراتب كذب
كلنا أخذنا سياراتنا من الوكالة ومراتبها بأكياسها

انا اقولك وش تسوي .. ربعنا ماينفع فيهم الا القوه .

انت ارجع للمصري ..

وخل جوالك شغال فيديو واهو مايدري .. انتبه لايدري ..

وقوله ذالك اليوم وش قلت لي انت ؟ ماقلت لي ان السياره الي راح تعطيني اياها مو المعروضه وانها راح تجي من المستودع ؟؟ اذا قال ايه .. قوله شلون اجل رقم الهيكل متطابق وهذا الرقم ؟؟

بعدها انت الحين استفدت مسكت عليه دليل .. دليل انك وثقت كلامه !! بالفيديو ..

والدليل الثاني رقم الهيكل ...


الحين وش تسوي ؟؟؟ دق على البلديه .. حمايه المستهلك والغش


يجونك :) ورهم الادله الي معك ..



بعدها مانفع معاهم

راسل فرع امريكا بكبره ..

وانشر المقاطع باليوتيوب


ربعنا ترا ماينفع فيهم الا قوه :p

وارسل ل جوال صحيفه سبق .. فضيحه شركه هوندا ..

وان شالله تاخذ حقك غصب عليهم

السلام عليكم ورحمة الله وبركاته

مبروك العربية يا حج. الله يعطيك خيرها ويكفيك شرها.

أول شي مبروك .
الأكورد صناعة يابانية و لا أمريكية .

حسبي الله عليهم بس

تبي الصراحة دام الدعوة بس انها كانت معروضة بسيطة اجل

جد لا تشيل هم ترى الناس بس بيجلسون على المرتبة ما راح يجيها شيء

ولا تنسى انها معروضة فترة قصييييييرة جداً

بس انت رح وتفاهم مع الكبار ماعليك من هالمصري

محتار اشتري ؟! ولا ما اتشري . اشتري ولا ما اشتري؟

وش رايكم يا جماعة اشتريها وايت معرض في الرياض تنصحون فيه ؟

اقتباس:

---

المشاركة الأصلية كتبت بواسطة هوندا 2013

محتار اشتري ؟! ولا ما اتشري . اشتري ولا ما اشتري؟

وش رايكم يا جماعة اشتريها وايت معرض في الرياض تنصحون فيه ؟

---

هل تستطيع أن تصبر شهر أو شهرين ؟
إذا كنت تستطيع ذلك فاصبر لين يبان كل شيء

الحين ماأحد يقدر يعطيك تصور واضح

الله يبارك فيكم وجزاكم الله خير

رحت و تفاهمت معهم قالو ما جانا منها الا سيارتين وهدوني وقالو المصري بيتجازى والموتر جديد

بس صراحه ماشاء الله تبارك الله يوم اركب الموتر و امشي فيه احس انه يسوى

فرق شاسع بينه وبين القديم من ناحيه العزل و الرساوه و الوسع

طبعا انا جربت 2005 و 2006 و 2008 والله الصراحه ما تصف جنبهم

ماشاء الله تبارك الله

كنت ناوي على الافلون الجديده بس الحين احمد الله واشكره

واشكر كل من رد و الله يرزقكم من حيث لا تحتسبون

اقتباس:

---

المشاركة الأصلية كتبت بواسطة Mns

الله يبارك فيكم وجزاكم الله خير

رحت و تفاهمت معهم قالو ما جانا منها الا سيارتين وهدوني وقالو المصري بيتجازى والموتر جديد

بس صراحه ماشاء الله تبارك الله يوم اركب الموتر و امشي فيه احس انه يسوى

فرق شاسع بينه وبين القديم من ناحيه العزل و الرساوه و الوسع

طبعا انا جربت 2005 و 2006 و 2008 والله الصراحه ما تصف جنبهم

ماشاء الله تبارك الله

كنت ناوي على الافلون الجديده بس الحين احمد الله واشكره

واشكر كل من رد و الله يرزقكم من حيث لا تحتسبون

---

انا مثلك محتار بين الاكورد والافلون ولحد الان محتار. ومستبعد الافلون لان اخوي معه 2012 ويقول فيه رجه يوم يسرع من يوم طلعه وكاله ومن بعد سالفته مستكره الافلون بالاضافة الا سعره الغالي جداً 153 الف على مااعتقد. 2012 146 الف ومابينهم فرق بالرغم من ان 2012 اجمل.
على العموم بما انك شريت الاكورد الجديد الله يباركلك فيه ويعطيك خيره ويكفيك شره, ياليت لو تشقر علينا هنا بالمنتدى كل فتره وفتره وتدلو بدلوك وتذكر ميزات وعيوب السيارة اذا فيها عيوب وان شاءالله مافيها عيوب. تحياتي اخوي ومره ثانيه اقول الله يباركلك في مارزقك, ولا تنس تشغل قران بسيارتك.

اقتباس:

---

المشاركة الأصلية كتبت بواسطة سلطان2020

هل تستطيع أن تصبر شهر أو شهرين ؟
إذا كنت تستطيع ذلك فاصبر لين يبان كل شيء

الحين ماأحد يقدر يعطيك تصور واضح

---

بنصبر ونشوف يا اخ سلطان.
شكراً اخوي على مرورك تحياتي لك.

مبروك والله يعطيك خيرها ويكفيك شرها

مبروووك الله يعطيك من خيره ويكفيك شره

عزيزي بلا وسوسه... سيارتك جديده ماشاء الله، وماصار لها معروضه ولا اسبوع يمكن! والناس مجرد انها تركب عالمقعد ( ممنوع تشغيل السياره ) يعني جديده ولافيها الا العافيه
والف مبرووك :cool:

مبروك الموتر

ﻻتشيل هم السيارة تلقاها معروضة لها 10ايام حد اقصى
فيه ورقة بالدريشة الخلفية مكتوب فيها التاريخ يوم وصلت الجمرك
شوف كم يوم عشان تطمن

مبروك

الله يعطيك خيرها ويكفيك شرها