رايكم مهم لى وللاخرين

السلام عليكم ورحمة الله وبركاته ....
اليوم نزلت السياره للصيانه فرع كيلو 10 الجديد بجده ( صيانة 60 الف ك) قيمة الصيانه 842 ريال لوحدها
المهم خلال حديثي مع فني الصيانه قالى عندك اشياء تحب تسويها زودتها لك بالفحص والاشياء هي كالتالي :
تنظيف المكينه + تنظيف المكيف + تنظيف فلتر المكيف + تنظيف البخاخات = يصبح قيمة الصيانه كامله 1800 تقريبا
شباب اول مره اشتري سياره جديده ماعندي خبره بهالامور .. ياليت تفيدونا وتعلمونا بالمهم
سؤالى لكم هل هذه الاشياء مهمه للسياره الجديده علما ان سيارتي ماشيه 61 الف ولها تقريبا 12 شهر معاي
والف شكر للجميع

من رأى انك تسوي الاحاجات اللي ذكرتها في صيانة 100 ألف :cool: وشكرا

تسلم وليد ماقصرت

هلا أخوي عاشق . أهم شئ في صيانة 60 تغير زيت القير ضروري ما أتذكر السعر بس اعتقد حول 250 وغير زيت المكينة مع السيفون 135 وغير فلتر المكينة . وبس لا تسوي أي شئ يقولك تنظيف البخاخات بدري عليها خلها على صيانة 100 أو 80 وإذا تبي نصحيتي غير الا شياء اللي قلتلك واسحب على أم الشركة وغير زيت بترومين من لأنه نفس الزيت اللي عندهم صيانتهم غالية على الفاضي . دمتم بود ...

بسم الله عودا حميدا

انا اشوف ان الوكالة تبي تضحك عليك بصريح العبارة

انت فقط مرهم وقل غيروا لي زيت مكينة وسيفون ب 135 ريال + غيار زيت قير .... ريال ( ما اعرف كم بالضبط ) بس ولا يغيرون لك شي ثاني

لو قالوا لك يطيح الضمان مدري ايش قل احسن خله يطيح الضمان ضمان هوندا مب ضمانكم

فقط احرص انك تغير زيت القير عندهم ( وافحص معيار زيت القير دوما )

انت لو تقرأ انت وش كاتب ( الدعوة كلها تنظيف يعني مافي قطع جديدة تتركب )

مثلا تنظيف فلتر الهواء الي مسوي زحمه عليه وهو كله فلتر ب 91 ريال الفلتر طال عمرك مع كل تغيرت زيت نظفه انت او الي يغير لك الزيت قله له نظفه بالهواء او خلك مثلي تماما :

انا يا طويل العمر عند اي تغسيلة سيارة او تغيرت زيت افعل التالي :

اطلع فلتر الهواء حق المكينة وانظفه انا بنفسي وانظف حاوية هواء الفلتر بالهواء وانظف مدخل الهواء باني ادخل لي الهواء شوي بس داخل الفتحة الي تدخل هواء للمكينة وانظفها دايم

وكذالك اطلع فلتر المكيف من الدرج وانظفه بالهواء وانظف حاوية فلتر الهواء قليلا عشان لو فيه غبار يروح وانظف بطن الموتر الي هي المكينة والمراوح والكبوت دائما بالهواء المضغوط حتى ما تدخل تراب على الثلاجة او تدخل هواء خايس على داخل المقصورة


وهذي احيانا ما تكلفني ريال


وتنظيف البخاخات مب لازم على 60 الف خلها على 100 الف او اذا احتاجت السيارة


لكن انا اشوف انك تهتم بتنظيف فلتر الهواء والمكينة بنفسك وتوفر قريشاتك لشيء اهم

واحرص انك تعبي بنزين السيارة من محطات نظيفة وجديدة اضمن لنقاوة البنزين من الاوساخ ولا يهمونك المحطات الي يقولون لك ننظف الفلاتر ...الخ

والاكورد لا تغير فيها قطعة الا اذا خربت ولا عاد تقرب للوكالة في الصيانات العادية حتى غيار الزيت خله برا

بس احرص انك تشتري زيت دركسون هوندا ( واحرص ان البنشري ما يعبي من زيوت الدركسون حقته مثلا اسدلكو وخلافه )

زيت دركسون = زيت هوندا

زيت المكينة لا تعبي 20/50 ثقيل على المكينة ويضر طرمبة الزيت مع الوقت

السيفون حاول انك تشترية من محلات قطع غيار هوندا ولا تشترية ابدا من المحلات الي برا والبناشر

تضمن انه اصلي + من الوكالة + سعره معقول مب غالي

فيه زيوت جيدة مثل كاسترول ماغتيك وزيت هوندا الجديد الي يمشيك 10 الاف وشوي

خصوصا كاسترول لو تشتريه بالكرتون يطلع عليك ارخص

الوكالة لا تمرهم الا بشي كايد او صيانة 100 الف او غيار زيت قير

الكلام لك ولغيرك من الاعضاء

انتبهوا من صيانة الوكالة بعدوا عنها لا تلهف فلوسكم وغيار الزيت غيروه في اماكن محترمة مثل بترومين واستخدموا زيوت اصلية وممتازة وفلاتر زيت ( سيفون ) اصلي من محلات هوندا لقطع الغيار

^^

اخ هوندانا كفيت ووفيت ما قصرت
بس بسألك بخصوص الفحمات وخرط الهوبات هذي باي صيانة او متى تتغير

وين الافضل نغيرها في الوكالة ولا براا

لك ودي ..

تسلمون شباب كفيتوا ووفيتوا والله واشكر مروركم وتقديم خبراتكم
بصراحه ياشباب والله مالهم داعي قسم بالله اول شئ طلبوا مني 842 وبعدين قالوا غلط بالحساب والحساب كامل 790 ريال لصيانة 60 الف , المهم ماعلينا انا للحين دافع للوكاله تقريبا 3438 ريال مجموع الصيانات السابقه ( صيانة 40 الف كنت مسافر وماسويتها )
وبعض الصيانات غيرت الزيت بس بدون اي صيانه
باتبع طريقة هوندانا ماعاد باروح لهم غير بال80 الف ك وبعدها بال100 الف ك
.................................................. ...........