تغيير زيت الجير والفلتر لأكورد 2008

السلام عليكم ورحمة الله

كيف أصبحتم يا شباب,,,
عندي استفسار عن زيت الجير.
سيارتي ماشية 160,000 كيلو واشتريتها مستعملة فماني متأكد اذا راعيها الأول غير زيت الجير ولا لأ.
المهم ما أطول عليكم ,,, رحت عند واحد فحصه وقال يبيله تغيير.
المشكله انه قالي اني لو بغير الفلتر في 2008 لازم يفك الجير والماكينة وبتكلف 3000 ريال !!!!!!
وقالي انه بيغيرلي الزيت كله دفعة وحدة, بيصفيه لآخر قطرة.

زي ما شفت في مواضيع اخرى انها تحتاج الى 3 علب زيت x ريال 40 للعلبة.
ايش تنصحوني ولا ايش العلم ؟
وهل في أحد يعرف واحد مختص لتغيير زيت الأكورد في الخبر/الدمام ؟

وعليكم السلام انصحك ماتستعجل بتغيير الزيت
بالبدايه خذ رقم الهيكل وشوف اذا راعيها الاول منتظم بالصيانه الدوريه وبعدها تقدر تحكم
او تشوف رقمه وتشوف متى اخر مره غير الزيت ..
فيه فلتر خارجي وسعره 85 ريال مثل كذا ماذكر سعره بالضبط بتشوفه ملاصق لجرم القير من الخلف وثلاث علب زيت قير ..

انا انصحك ودها الوكالة و ريح نفسك من عوار الراس

الوكالة هي تضبط لك سياره على حسب ممشاها

و انت ماعليك الا تدفع لهم و تستلم سياره بعد مايخلصونها

سلام..

مشكور يا أخ مبارك
بس ما عرفت اصل لراعيها للأسف, واصلا انا مستلمها ماشية 90,000 يعني انا مشيت فيها 70,000
وفحصت زيت الجير عند ورشة وقالي انه منتهي.
سؤالي اغير زيت بس ولا فلتر بعد, انا سألت على الفلتر قالولي 100 ريال بس ما أدري خارجي ولا داخلي, في الورشه قالولي ان موديل 2008 لازم ينفك كامل وهذي الظاهر غلطة في تصميم 2008

عزاه .... الوكاله مبالغ في سعرها.
وبعدين احنا في المنتدى هذا نحاول نفهم من ذوي الخبره اللي أطلق من الوكاله :)

اقتباس:

---

المشاركة الأصلية كتبت بواسطة mohanned_666

مشكور يا أخ مبارك
بس ما عرفت اصل لراعيها للأسف, واصلا انا مستلمها ماشية 90,000 يعني انا مشيت فيها 70,000
وفحصت زيت الجير عند ورشة وقالي انه منتهي.
سؤالي اغير زيت بس ولا فلتر بعد, انا سألت على الفلتر قالولي 100 ريال بس ما أدري خارجي ولا داخلي, في الورشه قالولي ان موديل 2008 لازم ينفك كامل وهذي الظاهر غلطة في تصميم 2008

---

فيه حل انك تغير الزيت على دفعات ا
القير ياخذثلاث علب تسحب بمقدار علبه من الزيت القديم وتضيف علبه من الزيت الجديد وتمشي عليه الف كيلو
وتكررها ثلاث مرات وبعدين تغير الزيت كله بعدممشى ثلاث الاف
وتقدر تتواصل مع اخونا تالمت بس تعلمت نفس حكايتك

بخصوص تغيير الزيت روح للوكاله وخلهم يغييرون وانت وحتفظ بالاوراق التي تم تغيير الزيت بس اذا صار في السياره مشكلة تروح للوكاله وباذن الله ماراح يصير شي

جزاكم الله خير يا شباب

روح اطلق ورشه فيها فلبينيه افضل من وكاله الدجه يتعلمون الموتر ،، ولا تدري وش يسون دخل وانت برى على الاقل تسويه في الورشه قدام عينك ، خذ معك زيت هوندا اصلي وفلتر اصلي من وكاله ثم رح الورشه ويغير الزيت وفلتر اول ، وامش عليه 300 كيلو بس وراجع نفس الورشه خله يطلع الزيت ويعبي وجديد مره ثانيه بتقول ليه لان الزيت القديم االباقي ماطلع وفيها شوائب يتلزق دخل القيرر ولا سويت هالشي ينظفه ويطلعه كل اللي فيها بعد 300 كيلو بس لان السياره مشت كثيره ولا تدري هو غيرها ولا باقي علشان كذا ترتاح اكثرر يلا سلام :cool:

•ٱڵڛڵٱمَ ؏ـڵېڰم ۅړζـمۃ ٱڵڵـھ ۅبړڰٱٺھ•


بعد قَلبـ♡ــيے

انتبه من النصاب اللي قاللك تغيير فلتر القير لازم تفك المكينه والقير عشان يغيره


هذا فلتر خارجي تغيره. ومكانه تحت قربه الهوا ماياخذ ربع ساعه فكه وتركيبه


وثاني خطوه سوي مثل ماقالك الاخ مبارك عبدالله لانها الطريقه الصحيحه فـ♡ـي تغيير الزيت غير معروف اللزوجه عشان مايخبط عليك القير
واستخدم فـ♡ـي تغيير الزيت. زيت هوندا الاصلي


واي خدمه حاظرين