بخصوص صوت الطقطه ابغا مشورتكم !!

الله يسعد مساكم
قبل فتره نزلت موضوع بخصوص صوت طقطقه اذا كان الطريق غير مستوي .. بعد زيارتي للوكالة قالوا موضوعك بسيط هذي الصاجه خلف الهوب .. تم تعديلها بالسكروب .. قالوا خلاص روح انحلت المشكله .. جربت الموتر ماراح الصوت وعرفت ان الوكاله ماعندهم سالفه .. بعد كذا مريت على كم ورشه كلهم قالو يمكن بطانة الرفرف او المكينه من تحت .. شدو البطانه .. جربت الموتر ماراح صوت الطقطقه .. بعد كذا عرفت برضوا ان ماعندهم سالفه ..
بعد ان فقدت الامل قلت بمر على اخر مهندس ( فلبيني ) طلع معي سمع صوت الطقطقه .. رجعنا الورشه رفع السياره .. شيك هون وهون .. قال هذا العكس الايمن ( الشحم خلص واحتمال تكون الرمانه الداخليه خربانه او الخارجيه ..
الحين ياشباب ابغا الرأي في كلام ابو فلبن
ولكم دعوه بظهر الغيب

السياره اكورد 2012

كذابين كلهم
صوت الطقطقه لاصار مع المطب هذا اتوقع عادي لانه حاصل لي وماخليت شيء مافحصته في الموتر وكل شيء سليم

بس اللي اعرفه ان 2012 كان فيه مشكله في الركبه ويتصلح على حساب الشركه شيك وشف

والله شوف يالغالي أنا عندي صوت وسبق كتبت موضوع والصوت له من شهر رمضان وما قدرت اطلع مصدر الصوت رحت الوكالة 4مرات ولا في فائدة والوكالة نصابين (يا كثر تصريفاتهم للزبائن ) ....مصدر الصوت مثلك على الخط السيئ يطلع ...صوت بلاستيك بعض الأوقات يطلع بعض الأوقات لا ...


نصيحتي :
أخاف اقولك تغييرها وتخسر لكن شوف واحد أفضل ومر أكثر من ورشة علشان لا تخسر على الفاضي ...وشوف ردود الشباب ما يقصرون ...

دام السياره على الضمااان انشب لهم :mad:ولاتطلع من الوكاااااله الا وهم مصلحينها وش فايدة الضمااان اذا ماسولك العيوب الى فيها اهم شي عطهم العين الحمراء :mad:

الله يعطيكم العافيه ياشباب

بالنسبه لمصدر الصوت فأتوقع مثل ماقال الهندس الفلبيني .. رمانة العكس .. وبالنسبه للوكاله امس رحت لهم .. قالوا بنكشف عليها وبنرفع تقرير للاداره واحتمااااااال يوافقون واحتمااااااااال مايوافقون .. الله يعين

اقتباس:

---

المشاركة الأصلية كتبت بواسطة م ل ك السعودية 345

الله يعطيكم العافيه ياشباب

بالنسبه لمصدر الصوت فأتوقع مثل ماقال الهندس الفلبيني .. رمانة العكس .. وبالنسبه للوكاله امس رحت لهم .. قالوا بنكشف عليها وبنرفع تقرير للاداره واحتمااااااال يوافقون واحتمااااااااال مايوافقون .. الله يعين

---

ياخوي عكوس الهوندا ماتخرب بسرعه تتحمل ماشاء الله
ولاتصدق الفلبيني .. جرب هز العكس وشف بتلقاه فله شمعه منوره

الصوت غالبا يكون من الصاجه لان صاجة الهوندا ونازله وترج

اخوي الله يعافيك أعطيك الزبدة والشباب ما قصرو الله يعافيهم ,,,هذا الصوت يصدر في 90 % من سيارات الأكورد الوكالة ..فهذا شيء طبيعي ولا تخاف سيارتك ما بها إلا كل خير.
مثل ما تفضل بعض الإخوة الأكارم هذا صوت الصاج الأسفل اللي يغطي بطن الأكورد .. تحس لما تمشي على طريق طالع نازل وفيه حفر ومطبات وانت مطفي المكيف,, تحس أنه يطلع صوت طرقعة أو طقطقة من تحت بس انت ما تقدر تحدد مكانه لأنه ببطن السيارة من تحت..
أنا أخذت سيارتي للوكالة وسألت عن هذا الموضوع وقللي مهندس السمكرة إن هذي بطانة السيارة السفلية يبغالها شد لأنها عبارة عن ألواح صاج فوق بعضها ومثبتة بصواميل .. لكن المفروض يصلحونها على الضمان.
أضف إلى ذلك الشطنة يطلع لها صوت قرقعة بعد وهذي يبغالها فك الصواميل وتزييتها وإعادة شدها من جديد.. يعني بتسمع موسيقى من الأكورد ,, طنش وخل ورا ظهرك كلها أمور ما تخوف..
ولا تصدق إنه عكس أو شي,, لأن ما شاء الله الأكورد تمتلك أقوى عكوس ومساعدات بين جميع السيارات اليابانية بلا استثناء وهذه عن تجربة..