وش الحل ؟ مع الاكورد فلوسي جاهزه ولا يبون يعطوني ؟

السلام عليكم

بعد ان ابتعدت عن عبد اللطيف جميل .. حبيت اتوجه ل عبد الله هاشم ..

رحت ل الوكاله الى على طريق خريص قبل الحبيب وسجلت بياناتي وكل شيء وطلبت اكورد 2013 ابيض فل كامل 4 سلندر
لي تقريبا شهر .. مع العلم عطيتهم دفعه جامده وراح يبداء الاقصاد

ولي الحين شهر ونص انتظر السياره ..

اول شي قالو السياره بتجي بعد شهر وبعد شهر دقيت عليهم قالو .. بعد اسبوعين يوم راحت اسبوعين قالو .. راح تجي بعد 40 يوم

؟؟ وش معنى الكلام هذا هل المندوب يضحك علي ؟؟ او ان السياره فعلا ماهي متوفره .. قيدوني ياجماعه الاخلاق قافله ترى مليت واكلني الايجار

الي عنده رقم مندوب يعطيني اياه وبتصل عليه

والدفعه عندي من 20 الف الى 40 الف ..

انتظركم

للاسف جالس اعاني نفس حالتك بنفس الفتره الزمنيه
يبدولي السياره غير متوفره

تقدر تختار حل :

- يا انك تسحب فلوسك و تروح منطقة ثانيه فيها وكالة عبدالله هاشم ( الخبر - الدمام - جدة - الرياض )

- يا انك تسحب فلوسك و تروح تاخذها من المعارض احسن لك و اسرع لك و ارخص لك

- يا انك تهددهم انك بتسحب الفلوس إذا ماجابو السياره خلال اسبوع واحد فقط

- يا انك تغير اللون الي انت ماخذه يمكن مو متوفر حالياً.. اخذ لك لون متوفر في الوكالة

- او انك نتنتظر ...

غير هالحلول مافي.. سلام

وعليكم السلام

بعد 12 يوم بتوصل الدفعه الجايه 15/03/2013

يارجال انا معنوياتي زي الزفت كنت ناوي اشتري الفئة اللي ب 118 الف

لاكن صراحة السيارة حرام يندفع فيها هالمبلغ تحس انك راكب سفينة من ثقلها عزمها ابوكلب + صوت المكينة مزعج

والله اليوم معنوياتي في الحظيظ الله يصبرنا على هالايام ونشتري ال 6

الدفعه الجايه كبيره
المشكله حتى المعارض غير متوفره
الي يقول ثقيله احس انه يبالغ تعتبر السياره معقوله

اخواني وش معجلكم امر الله بهون لاتدفع ولاريال الى اذا الموتر مستلمه سلمات ادفع اقصاد والموتر مو معي ياعالم فتحو عقولكم لاتسيرون خفيفين وش هالعجله الى فيكم
ان ماحصلتها بالسعوديه رح البحرين ولى الكويت ولى الامارات وانتهى الموظوع

اقتباس:

---

المشاركة الأصلية كتبت بواسطة حميد

اخواني وش معجلكم امر الله بهون لاتدفع ولاريال الى اذا الموتر مستلمه سلمات ادفع اقصاد والموتر مو معي ياعالم فتحو عقولكم لاتسيرون خفيفين وش هالعجله الى فيكم
ان ماحصلتها بالسعوديه رح البحرين ولى الكويت ولى الامارات وانتهى الموظوع

---

لو مافيه شي اسمه جمارك كان جمبتها من زيمبابوي

قبل اسبوع كنت عند الكفاح و موجودة عنده حبة وحدة لونها ابيض سبيشل

و الباقي بيتوفر بعد اسبوع

اقتباس:

---

المشاركة الأصلية كتبت بواسطة حميد

اخواني وش معجلكم امر الله بهون لاتدفع ولاريال الى اذا الموتر مستلمه سلمات ادفع اقصاد والموتر مو معي ياعالم فتحو عقولكم لاتسيرون خفيفين وش هالعجله الى فيكم
ان ماحصلتها بالسعوديه رح البحرين ولى الكويت ولى الامارات وانتهى الموظوع

---

ياعمي الي معجلني فلوسي جاهزه وكل شوي تنقص على سيارات الايجار .. ؟؟

المهم شباب لابو الاكورد ... طابت النفس منها

شباب ابيكم تنصحوني عندي دفعه تقريبا حول 35 الى 50 ..

ابي اطلع لي موتر وش تنصحوني فيه انتظر ارائكم يالغالين ..

اقتباس:

---

المشاركة الأصلية كتبت بواسطة ميامي هيت NPA

يارجال انا معنوياتي زي الزفت كنت ناوي اشتري الفئة اللي ب 118 الف

لاكن صراحة السيارة حرام يندفع فيها هالمبلغ تحس انك راكب سفينة من ثقلها عزمها ابوكلب + صوت المكينة مزعج

والله اليوم معنوياتي في الحظيظ الله يصبرنا على هالايام ونشتري ال 6

---

بالغت والله عزمها اكيد زفت مقارنه ب السته سلندر لكنه مقبول وموب شين اللي يبي موتر للركاده موب راعي سرعه انا سقتها اكثر من مره والله حلوهه ومافي فرق ف الوزن الا شيء بسيط بين الاسبيشل والفل سواء مخمل او جلد لاني انا اللي جربته من فئه الاسبيشل

ومن ناحية الفلوس غاليه والله هي غاليه ع اربع سلندر 118 الف لكن للاسف هو افضل الموجودين بالنسبه للسيارات
عندك الماليبو الفل سته سلندر ب 105 وتقدر تنزل كم الف اذا بتاخذ كاش
الاوريون نوعين فيه ب 112 فل بدون شاشه سته سلندر طبعا
كامري الرياضيه 4 سلندر بس عزمه اقوى من الاكورد 102 تقريبا
الازيرى عندك نوعين من الفل ب 109 تقريبا وب 118 سته سلندر وفخامه
والاوبتما ونوع الثاني كلها تقريبا ب نفس السعرر حول الاسعار اللي فوق
وسوناتا ب 99 فل الفل
عندك التورس حول 113 مع العرض حقهم اللي حاطينه سته سلندر سي ال فتحه وشاشه وجلد بس موب الفل تعتبر نص الفل

هو افضلهم التورس بصراحه من ناحيه الموتر ( الكامري والاوريون تعتبر خيار ثاني مع اني ما هضمت شكل الاوريون بذات )

شفت الخيارات اللي فوق كلها بعد استشارات ودراسه دقيقه من الهيئه العالميه للمواصفات والمقاييس : اللي انا مسويها خخخخ
فضلت الاكورد عليهم كلهم ولاهو بقصور ل ملاك المواتر المذكوره ولكن ك راحت بال وتشتري راحتك اخذت الاكورد صحيح كنت ابي الفل مخمل ب 107
لكن بتطول وتوفرت ال فل 118 وتؤكلت ع الله واخذتها بقناعه تامه مع اني عارف ان سعرها مبالغ بس وش تسوي ي انك تقطعهم موب بس انا وانت الكل يقطع هالوكالات
لما تنزل من اسعارها او انك تتقبل امر الواقع وتشتريها

ومن ناحيه الاكورد ستة سلندر حتى هو احس سعره مبالغ فيه


لكن اللي يبي موتر رزه ويعيش معه اقوله ع الاكورد 4 سلندر واللي يبي يدز وراعي سرعه ( مع ان ساهر ما يرحم ) وراعي مقاومات ياخذ السته سلندر او اللي راعي خطوط كثيره وبذات من اهل الجنوب او الطائف او اي منطقه مرتفعه بقوله له اكيد 6 سلندر افضلك

مع اني من اهلالجنوب انا بس عايش ف الرياض وكل سنه اطلع للجنوب مع هذا كله مقتنع ب الاربع سلندر ، رحت ب سوناتا للجنوب وب ( العزيزه ع قلبي ب الكامري ) للجنوب والامور تمام معاي

والله يتمم الامور لك ع خير وتطلع السته سلندر

اقتباس:

---

المشاركة الأصلية كتبت بواسطة القصيم12

ياعمي الي معجلني فلوسي جاهزه وكل شوي تنقص على سيارات الايجار .. ؟؟

المهم شباب لابو الاكورد ... طابت النفس منها

شباب ابيكم تنصحوني عندي دفعه تقريبا حول 35 الى 50 ..

ابي اطلع لي موتر وش تنصحوني فيه انتظر ارائكم يالغالين ..

---

بصراحه انا بقول لك اسعار السيارات يوم كنت افكر بموتر غير الاكورد وبترتيب
عندك الاوريون الفل ب 112 الف بدون شاشه نفقيشن وفل الفل اظن 121 الف بشاشه طبعا
والكامري الرياضيه ب 102 والجي ال الفل ب 97 الف تقريبا
الماليبو فل الفل ب 105 الالف بجميع مواصفاتها
عندك من هونداي موترين سوناتا والازيرى - السوسو الفل ب 99 الف ، والازيرا ب 109 الالف تقريبا الفل بدون تسخين مراتب وحق المساج لكن موجوده فيها شاشه مفقيشن
وعندك ب 118 مع تسخين وتبريد ومساج وغيرها من مواصفات
وعندك الاوبتما والكادينزا مدري بكم اسعارها بس حول اللي فوق
وعندك التورس ب 113 مع العرض حقهم شاشه جلد فتحه بسقف تعتبر نص فل

شوف انا اعطيتك اسعار المواتر تقريبا ولكن بقول لك رأي
اذا انت يهمك سياره عمليه وتعيش وتنسى ورش وسعر البيع يكون حلو ومناسب عندك الاكورد ، والكامري ' مواتر تكرف وتعيش وسعر البيع مقبول جدا بحكم تجربتي للكامري وبعتها بسعر حلو مع انها 2006 واحنا بعام 2013

واذا انت تبي موتر قوة ورزه وشكل بعد مقبول عندك التورس ، طبعا انا اخذت الاكورد لسببين السبب اول ابي موتر ينكرف معاي يعيش موب معناتها ما بحافظ لاء بس ابي احلل الموتر والسبب ثاني سعره ف البيعه انت ما تدري الايام وش تخبي لك من ظروف
والتورس كان خيار قوي لي بس السببين اللي ذكرتهم ف الاكورد مع احسه بينفع للتورس من ناحيه الكرف او من ناحيه البيعه / مع ان اخوي مطلع تورس الجديده قمةةة ف الروعه بس يبيله واحد راكد جدا جدا جدا عشان تعيش معه ب العربي تصلح للمتزوجين اللي طلعاته قليله هذا وجهة نظري

يعني ما تنفع لنا ياشباب لو تبي موتر يكرف معك ويستحمل شطحاتك

وان شاء الله اني افدك ي الغالي

شعب متفكك, اتفقوا هنا في المنتدى وروحو جميعاً لوكالة هاشم وطالبوا بسياراتاكم. وخذوا معكم لافتات مكتوب فيها يسقط يسقط هشومي نبغا سياراتنا يا هشومي.

القصيم 12

رح وهددهم قولهم اما تعطوني السيارة خلال اسبوع او ترجع فلوسي كاملة
ترى انت انتظرت اكثر من المدة الي قالو عليها ولك الحق تطالب

وترى في دفعات كبيرة جاية خلال الاسبوع او الاسبوعين الجايه حسب كلام احد الموظفين

واذا فعلا هونت استخير وشوف المناسب لك ومثل ما قلت اطلع الوكالة وعلى مدير الفرع او المسؤول عنه وخذ دراهمك من فوق خشمة

اقتباس:

---

المشاركة الأصلية كتبت بواسطة هوندا 2013

شعب متفكك, اتفقوا هنا في المنتدى وروحو جميعاً لوكالة هاشم وطالبوا بسياراتاكم. وخذوا معكم لافتات مكتوب فيها يسقط يسقط هشومي نبغا سياراتنا يا هشومي.

---

انتبه بعدين تصير من الفئة الظالة ويقفطونك ويعلقون صورتك واسمك على موقع الداخلية ههههههههه امزح :d

والله ياخوي اذا ماتروح لهم بــ شرك وبالعين الحمراء صدقني ماراح يمشوا


نحن الاسبوع الي فات طلعنا اكورد 2013 كااش ماطلونا اسبوع اخرتها رحنا لهم بالعين الحمراء لدرجة فكرنا نروح نشتكيهم بالشرطة لانهم صرفوا الشيك و وجالسين يماطلونا ياشيخ اليوم الثاني السيارة جاهزة للتسليم هههههه

مبروك مقدما

والله يالغالي انا اقولك اسحب فلوسك ومتى ماكانت السيارات متوفره رح واشترها غير الكلام هاذا يسمونه استهبال على الخلق
ولى عندى لك فكره ايش رايك باكورد 2008 v6 ذهبي فل مخمل عرض ولى بالخيال ;)

تعال الامارت ياخوي السيارة متوفرة بكل المعارض كنت بشتر 6سلندر الفل بس والله غالية 127الف درهم والموظف بينزلها شوي وللحين بيكلموني على شان اروحلهم وخلص معاهم بس غالية و4 سلندر تحسها سيكل مقارنة ب6 سلندر والسلام

اقتباس:

---

المشاركة الأصلية كتبت بواسطة aggo80

تعال الامارت ياخوي السيارة متوفرة بكل المعارض كنت بشتر 6سلندر الفل بس والله غالية 127الف درهم والموظف بينزلها شوي وللحين بيكلموني على شان اروحلهم وخلص معاهم بس غالية و4 سلندر تحسها سيكل مقارنة ب6 سلندر والسلام

---

أخوي أنا من الامارات الي طالب السيارة أكثر من أسبوعين وقلي بدها كمان أسبوعين لتوصل السيارة والسعر 127500 ومو راضي ينزل ولا درهم إذا ممكن تعطيني رقم الرجال عشان أكلمه وأشوف الموضوع.....وشكرا

والله اخوي انا حجزت وقالي بعد شهرين

اكورد v6 العادية (الملكية)

[يا اخي (بلال) السيارة موجودة في فطيم العين كل الفئات 6سلندر 127000 وبينزل في السعر شوي وبحاول اجبلك رقم الشخص اللي في المعرض لو حابب تتاكد لو كنت عايز والسلام عليكم .