عرض للطباعة
السلام عليكم ورحمة الله وبركاته
حبيت استفسر .. ابي افضل نوع كفر للأكورد ، بدون تعصب تكفون
لان الميشلان ازعجني بقساوته وصوت الكفر
أبي كفر ليّن مع المطبات والحفر ، هادي مافيه صوت ، راسي في الخط ، ويقعد معك
انا صراحه شفت الكفرات وكم واحد نصحني بهالكفر "تويو" ، رح للمحلات مالقيت المقاس المناسب للاكورد 2008 جنوط 17 مقاس 50 / 25
هل فيه كفرات مثل تويو وليونتها ؟ غير دانلوب - لانها اذا انفجرت لعبت ف الموتر -
وشي نصيحتكم لي ، بالكفرات المناسبة لهالمواصفات ، وللاكورد :d
وجزيتم خيراً .. ،
برجستون:cool: مره ممتازة بس غالية لها معي سنتين وباقي فيها عمر ما شاء الله . وهنكوك كوري لين وما يحتاج .
انا مركب بريجستون تورانزا gr-90غالي صراحه يطلع صوت مع الشوارع الخشنه واخف من ازعاج ميشلان صراحه كفرات على مستوى وثقيله السياره وثبات عالي الف وانا مرتاح ..
فيه كفرات سوميتومو يابانيه لينه وثباتها وسط سعره معقول اذا يهمك السعر مقارب لسعر التويو ويمكن ارخص ..
هلا اخوي ، البرجستون مافيه كلام ، لكن مشكلته قاااااسي وزي الحجر .. وزي ماقلت الهانكوك يمدحونها :)اقتباس:
اقتباس:
هلابك .. ابي سعر ممتاز ، مايتعدى الـ 600 ..
بحثت شوي بالمواضيع لقيت موضوع يمدح بالقودير ، لكن هل القودير لين مثل ليونة التويو وغيرها
أهم شي عندي بالكفر ليونته بالمطبات << شيب راسي هالميشلان بصوت الديكور بقساوته والازعاج
اقتباس:
فيه كفرات سوميتومو يابانيه لينه وثباتها وسط سعره معقول اذا يهمك السعر مقارب لسعر التويو ويمكن ارخص ..
انححششششششش انا مجربها سيئة في الثبات وتحبل على طول وشق الكفر (عود اسنان ) !!!
بصراحه القوديير ممتاز واشوف الشباب هنا يمدحون الدنلوب
اما البرجسون فللأمانه كفر ممتاز ويتحمل وصبور عيبه قاسي
انصحك بكفرات هانكوك نوع فينتوس انا ركبتها بعد نصائح الشباب وفعلا كفر مريح هادي ثابت على الخطوط لحد الان 9 شهور وانا راعي مشاوير اقل شي بالاسبوع 500 كيلو ولله الحمد مرتاح بس احرص تاخذه من الوكيل ابعد عن ابويمن وان شاء الله تتوفق والسعر 1550 مع التركيب والترصيص وعشان يكون شغلك نظيف ودها للوكالة وسو لها وزن اذرعه صحيح سعرها غالي بحدود 280 ريال بس شغلهم يستاهل
دورت اليوم ع السريع ، مالقيت الا ميشلان وقودير !!
يقولون نوعية الجنط ومقاس الكفر ، نادرة !
موجود عند الوكيل بن شيهون واذا ما لقيت فينتوس عندك نوع ثاني نفس انتاج الفينتوس اسمه اوبتيما اذا ماني غلطاناقتباس:
المشاركة الأصلية كتبت بواسطة ابـو محمد
زاك خير اخوي ، ومشكور وماقصرت ... وتم تركيب الكفرات ولله الحمد
ممتازه معي للحين ، هادية ، وناعمة ، ولينه مع المطبات والحفرات ..
يعطيك العافيه :)
بكم شريتها ؟
ممكن صورة للكفر ؟
و للدعسة ..