استفسار بخصوص تلبيس المراتب و solarcontrol

بسم الله الرحمن الرحيم
السلام عليكم ورحمة الله وبركاته

الله يعافيكم ابي اطلع اللوحة الملكية "الطويلة" كيف الطريقه ؟ السيارة بإسم البنك العربي!!
طلعوا لي لوحة مربعه واكيد خرموا البدي من الشنطة عشان يركبون اللوحة ، فيه حل اني اركب اللوحة الملكية بدون تخريم ثاني ؟


اخواني ابي البس الارضيه بلاستيك 5 مل ، فيه اشخاص نصحوني اني مالبسها لانها مع الزمن راح يتغير لونها للاصفر!! وانهم راح يلعبون في فرش الوكاله من صمغ ودبابيس!!
وابي البس الابواب بلاستيك نوع من المحافظة عليها ، بس مااعرف محل شغله مضبوط.
اللي يعرف محلات بالرياض (عن تجربة) الله يجزاكم خير توصفولي المكان ؟ وكم كلف ؟


استفساري الثاني عن شركة solarcontrol محتار اظلل من عندهم زيرو زيرو ، زيرو ون ؟ وهل تظليلهم كويس عازل ولا اي كلام ؟
لو تظليلهم مو ذاك الزود يمكن اسوي حمايه اسفل السياره ابرك لي!!

معليش عالاطاله
الله يعطيكم العافيه تحياتي

وعليكم السلام ورحمة الله وبركاته

بخصوص اللوحات الطويله ( الملكية ) ,
اولاً// تسدد الرسوم عن طريق الصراف التابع لبنكك قيمتها 100 ريال ,
ثانياً// تأخذ صورة الاستمارة (( عادي لو كان المالك البنك )) و صورة بطاقة الأحوال و صورة التأمين في ملف بلاستيكي و تسلمها الى أي فرع للمرور ويعطونك ورقة لمراجعتهم بعد 15 يوم

بالنسبة لتركيب اللوحات
في حل انك تركبها ظاهرياً بدون تخريم لكن داخلي مخرمة طريقتها // تركيب صاجه على مقاس اللوحة وتثبيتها بمسامير ويلزق على الصاجه لزق ابو وجهين 3M مع سيلكون وتثبت اللوحة ... تصبح شكلها بدون مسامير ممكن تحصل بالغرابي محلات يركبونهاتكلفتها 30 ريال

بالنسبه لتلبيس الارضيه
انصحك تلبس بلاستيك للدعاسات ( الوطايات ) تلبيس كامل والارضيه خلها لاتلبسها جرب محل الاسماعيلي بالغرابي تكلفتها حدود 40 ريال

بالنسبه للتظليل
ماعندي خلفيه عن solarcontrol لكن انصحك تركب عن V-kool والاسعار على حسب الدرجه اتصل عليهم ويعلمونك الاسعار

بالتوفيق ...