عرض للطباعة
السلام عليكم ورحمة الله وبركاتة.
كيف حالكم شباب عساكم بخير
اليوم صار معي شي غريب ومحير بنفس الوقت سيارتي اكورد سبيشل
كنت واقف وقلت خليني اجرب افصل التراكشن واشوف ايش يصير لما امشي
وهنا المفاجأه ضغطت الزر ماولعت اللمبة في الطبلون ان النظام موجود
قلت يمكن لما تمشي ومشيت ونفس الحالة ضغطت الزر ولاحياة لمن تنادي.!
معقولة الاكورد السبيشل مافيها تراكشن ولاسيارتي فيها مشكلة.!
صورة للزر
http://www.herosh.com/download/11143098/image.jpg.html
ويعطيكم العافية جميعا دمتم بحفظ الله ورعايته.
وعليكم السلام ورحمه الله وبركاته
يعطيك خيرها ويكفيك شرها
والله وانا اخوك ماأدري وش التراكشن ذا :d
بس اول ماطلعت السيارة "نفس سيارتك سبيشل" زميل لي شافها وشغلها وحط القير على D وفك الجلنط وضغط الزرار اللي في الصوره وطلعت لي العلامه في الطبلون أستغرب وقال ماشاء الله عندك تراكشن في السياره :eek: قلت له وش التراكشن ذا ؟! قال مانع الإنزلاق او شيء زي كذا نفس اللي في الكابرس
جرب نفس الطريقه وإذا لا سمح الله ماضبطت ارجع للوكالة يشوفونها لك :mad:
اخوي لازم تضغط ضغطه متواصله الى ان تسمع صوت تنبيه وبعدها راح تطلع لك ع الشاشه
اتمنى اني افدتك
علق على الزر لمدة ثانيه
علق على الزر ثلاث ثواني متواصل لين يجيك صوت تنبيه وتولع عندك لمبة في الشاشة .. أنت جالس تضغطه ضغطه وحدة وبكذا ماراح ينفك النظام
ضبطت معي فعلا شي بسيط ولكن غاب عن بالي
يعطيكم العافيه.
تم شكركم
يعطيكم العافية حتى انا اول مره اعرف طريقة فصل التركشن مع ان كتاب دليل الملك فيه كل شي لكن عجزت اقراء منه كلمه وحده :d