عرض للطباعة
السلام عليكم ورحمه الله وبركاته
أخواني
سيارتي هوندا اكورد 2005 فيها مشكله بالعزم او القومه للسياره معدومه وان دعست لها قامت تتعتع او تتفتف . غيرت البواجي ولا راحت غيرت صفايه البنزين ولا راحت ومازلت افحص ولا لقيت لها حل قلت اصفي اتانكي جالس اكب كلينر في النزين قبل لاعبي السياره ولا زالت المشكله ماراحت . الي عنده هل مشكله او عنده حل اكون شاكر له .
تحياتي
ياهووووو
20 ولا احد رد !!!
يعني انا الوحيد بالمملكه :d
يا بعد جبدي وليش الخساير ودها الوكاله وهم ابخص
ياابوفارس قبل سبع اشهر وديتها الوكاله اشوف مشاكلها
جابو لي 13 صفحه وقيمو الخربات 32 الف . يرحم والديك لو انك مكاني وش بتسوي !!!
فيدني اذا ماعليك امر
ياهلا بك
اول شي شيك علي التروثل بدي
وممكن تكون من البلوف حقت المكينه
سوي وزن بلوف ممكن تضبط
واظن الوزن فـ♡ـي الوكاله حول 230 ريال
كم ماشيه سيارتك ؟
4 أو 6 سلندر ؟
- شيك على علبة فلتر الهواء وخرطوش الهواء لا يكون فيها كسر او تنسيم + نظّف فلتر الهواء
- أفحص كمبيوتر يمكن المشكله من حساسات الشكمان او الثروتل بودي
- خذ منظف بخاخات أمريكي أصلي من ساكو .. واذا قرب التانكي يفضي .. صب المنظف في التانكي ثم عب فل بنزين 95
- اذا انت ما أبطيت فاصل البطاريه ؛ فيه طريقه للبرمجه بعد فصل البطاريه
- اذا تعرف أحد تمون عليه و معه نفس سيارتك 4 سلندر ؛ جرب تركب كويلاته على سيارتك
اذا ضبطت سيارتك معناتها أحد الكويلات عندك تحتاج تغيير أو يمكن كلها
^
رقمها يعني مثلا اكتب على الكويل الأخير جهة اليمين 1 إلى أن تصل الكويل الأخير جهة اليسار رقم 4
عشان ترجع الكويلات السابقه مثل ما كانت
- يمكن البواجي اللي أنت مركبها غير أصليه أو غير مناسبه .. أو اللي ركبها لك خلاها مرتخيه أو مشدوده جدا
بكتالوج سيارتي أكورد 2006 مكتوب :
تركبها البواجي وتلفها بيدك
واذا حسيت انها وقفت
أربطها ثلثي لفه 2/3 حسب كلام الكتالوج يعني
صورة للتوضيح عدلتها بالرسام :d
http://store2.up-00.com/Apr13/ag805694.gif
يعني بعد ما تركبها وتشدها بيدك ؛ شدها نصف لفه وشوووووي
لأن البواجي اذا كانت مرتخيه جدا = تسبب مشاكل
واذا كانت مشدوده جدا = ممكن تخرب ( سنون تركيب البواجي ) في رأس المكينه الألمنيوم
عشان كذا أنا أغير البواجي بنفسي ؛ أحسن وأضمن من بعض العمال اللي ما يدري وش السالفه يشدها لآخر شيء بأقوى ما عنده .. وممكن يخرب عليك سنون البواجي .. يعني تحتاج تسوي تصليح لرأس المكينه و يمكن ما يضبط .. ويمكن تحتاج تغيير رأس مكينه
و المكينه لازم تكون بارده عند تغيير البواجي .. لأن الحديد والخ... يتمدد بالحراره
^
ترى أنا ما أقول أن رأس المكينه عندك خربان
لكن أنا أعطيك فكره عن أضرار الشد الزائد وأضرار عدم الشد المناسب ( تكون مرتخيه جدا جدا )
ياليت تقولنا نوع ورقم البواجي اللي أنت ركبتها ؟
واذا عندك كتالوج لسيارتك أنصحك بقرائته