عرض للطباعة
السلام عليكم
اللي حصل معي اني مسكت خط 400 كم وبعد ما وصلت والا الاقي صوت الشكمان صار عالي مرة بعد 80كم/س + رجه موطبيعية بالسيارة احس كل شي بالسيارة يهز ويزيد الصوت والهزة كل مازودت سرعة يزيد الصوت والهزة مع العلم السيارة كان مافيها الا العافية قبل المشوار ,, السيارة اكورد 2004:confused::confused:
وعليكم السلام ورحمة الله وبركاته
شيّك على الربلات اللي تمسك الشكمان والهدرز والدبات
الربلات هذي تمنع أصوات الإحتكاك يعني تخلي الشكمان ما يتحرك ولا يحك بشيء + الربلات هذي تمتص الإهتزازات .. يعني ما يكون فيه إهتزاز بالسياره
صوره للتوضيح ( جبتها من موقع انجليزي لبيع قطع غيار هوندا )
هنا
هذا ترا للأربعه سلندر ؛ اذا سيارتك 6 سلندر علمني عشان أجيب لك صور وعدد الربلات
http://www.hondapartsnow.com/diagram...-l4-465481.png
لاحظ القطعتين رقم 10 + قطعه واحده رقم 8 + قطعه واحده رقم 9
المجموع = 4 ربلات
سعر الربلات رخيصه حسب موقع قطع الغيار
الربله رقم 8 سعرها 8.22 دولار يعني 30.85 ريال
الربله رقم 9 سعرها 5.87 دولار يعني 22 ريال
الربله رقم 10 سعرها $3.13 × 2 حبه = 6.26 دولار يعني 23.5 ريال
يعني سعر كل الربلات تقريبا 76.35 ريال
لكن ما أدري عن سعرها عند وكالة هوندا أو محلا قطع الغيار
و اذا كان فيه إزعاج من الشكمان أو الهدرز .. كأنك مرهم أو شاق الكنداسه " الدبه "
تأكد أن مافيه تنسيم أو شق بالشكمان أو الهدرز أو الدبات .. اذا فيه تنسيم أو شق سو له تلحيم
أنت شيّك على الأشياء اللي قلتلك عليها ؛ رح لحفرة بنشر وانزل تحت السياره وشيك عليها
وإن شاء الله مشكلتك بسيطه جدا
مشكور اخوي جدا جدا :rolleyes::rolleyes: ,,,
وان شاء الله بكره بطلع اشوفها عند اي بنشري وارد عليك