مشكلتي مع عبدالله هاشم محتاج مساعدتكم ضروري
السلام عليكم
كيفكم يا أكورديين؟
كما هو العنوان مشكلتي مع صيانة عبدالله هاشم و هذه تفاصيل المشكلة
عندي أكورد 2011 ماخذها من موزع بحراج السيارات بجدة و لما وديتها لصيانة 1000 و سألتهم سيارتي تحت الضمان قالي مهندس الاستقبال أيوه. بعدها بأسبوعين طلع صوت من الشنطة و على طول وديتها الصيانة و قبل ما أوقع قلت لهم حتصلحوها عالضمان؟ قالي المهندس إيوه قلت تمام المهم استلمت السيارة السبت الماضي و لما خرجت أجربها طلع صوت جديد فيها و على طول رجعتها عالصيانة و قالي لا تخاف السيارة تحت الضمان.
اليوم أتفاجأت لما اتصلت على المهندس قالي المشكلة في درج الطبلون لازم يتغير و ما يغطيه الضمان و بنرفع أوراق السيارة للإدارة عشان الضمان و احتمالية انهم يوافقوا على ضمان السيارة 5%. فتصليح المشكلة حيكلفك.
أنا اتقهرت على كلام المهندس و عصبت. أولا: العطل ما كان موجود إلا بعد ما أستلمتها. ثانيا: لما استلمتوا السيارة المرة الثانية قلت لي إنها تصليحها تحت الضمان؟
قررت إني أرفع شكوى لوزارة التجارة و حماية المستهلك و فرع هوندا الأم (ايميل الشركة كفاية) على هذا التصرف. الله يسعدكم في أحد يعرف الإجراءات و يدلني؟ الله يجعله و أهله و أحبابه في الجنة. و شكرا
