سلام عليكم
ياجماعه دخلتها صيانه ال5000 كيلو ولاحضت انه يعبي لي مويه الرديتر مويه عاديه ؟؟؟؟ يعني لا خضراء ولا حمرا عبا مويه عاديه واذكر المويه العاديه تخرب الرديتر ولا انا غلطان لان فيه املاح بكثره ؟؟
ثاني شي الشبك حق السياره وعلامه الهوندا والنيكل اللي عليها راحت لمعته لاني كنت مسافر :( ماله حل او تلميع :( ؟؟؟ الفزعه ياجماعه
عليكم السلام
عبى لك ماء مقطر ؟ أو ماء حنفيه بزبوز :d ؟
ماء الراديتر اذا تزوده ماء مقطر ( عادي ولا فيه أي مشاكل ) لكن أهم شيء لا تخلط أخضر وأزرق .. أو أحمر وأخضر
و الواحد إذا غيّر ماء الراديتر لازم يعبي ماء مقطر + ماء راديتر .. لأن ماء مقطر لحاله بدون ماء راديتر اللي يكون لونه أزرق أو أحمر أو أخضر = راح يسبب صدأ وتآكل .. ولكن أقل من ماء الحنفيه
وماء الراديتر لحاله بدون ماء مقطر = يرفع الحراره
عشان كذا أغلب ماء الراديترات تجي مخلوطه بالماء المقطر وجاهزه pre-mix
وماء راديتر هوندا الأزرق Type 2 للأسف غير متوفر في السعوديه .. مع أنه أفضل بكثير وعمره طويييل و يناسب كل سيارات هوندا عكس الأخضر الموجود بالوكاله
اذا ماء راديتر سيارتك لونه أزرق فهو يتحمل 200 ألف كيلو أو 10 سنوات .. أيهما أسبق
يعني لا تغير ماء الراديتر لأنك ما راح تلقى مثل الموجود بسيارتك ( إذا كان أزرق )
وهذا شكل علبة الماء المقطر .. سعر العلبه بالبناشر بـ 2 ريال .. والكرتون فيه 12 علبه بمحلات الجمله بـ 9 ريال
لو تاخذ كرتون ماء مقطر من محلات الجمله وتحطه بالبيت عندك ؛ واذا نقص ماء الراديتر تعبيه .. أفضل من الوكاله
http://www.toyotaclub-sa.net/up/uploads/13118802259.jpg
اذا أنت متأكد أنه عبى لك ماء عادي ( من الحنفيه ) وليس ماء مقطر .. فالمفروض أنك ما خليته يعبي + تشتكي عليه بالوكاله
يمكن الوكاله ما عندهم ماء مقطر ولا وده يخلط ماء راديتر أخضر مع أزرق .. وشكله قال مالي إلا أعبي له من الحنفيه
وبالنسبه للشبك وعلامة الهوندا .. سو لها تلميع وإن شاء الله تضبط
يا تشتري ملمع ناعم أصلي من محلات الزينه بـ 10 أو 15 ريال
مع قطن ناعم أصلي يمكن بـ 5 ريال
وتفرك الشبك والعلامه بشكل ممتاز
أو توديها محل تلميع ويلمعونها لك ؛ عاد ما أدري كم تكلف لكن ما راح تكلفك كثير لأنها فقط شبك وعلامه
والمره الجايه اذا جيت تمسك خط نصيحه حاول تحط شيء يحمي وجهية السياره من العج والسافي
السلام عليكم
الله يعطيك العافية على بالمعلومات الحلوة
حبيت اضيف انه تم توفير موية لديتر هوندا في الوكاله طويل الاجل
بسعر 78 ريال فقط للجالون
وموجود بالرياض وتبوك حسب ماتأكدت منه بنفسي
ولا اعلم عن باقي الوكالات في المناطق الاخري
والف شكررر لك يااقمررر
اقتباس:
المشاركة الأصلية كتبت بواسطة THE SILVER ACCORD
الله يعطيك الف عافيه وماقصرت يالفالي