اللي عنده خلفيه عن كمبيوتر الهوندا أكورد يتفضل
السلام عليكم ورحمة الله وبركاته
أعضاء المنتدى الكرام عندي مشكله متعبتني في سيارتي هوندا اكورد موديل 2006. الموضوع ومافيه انه دخل مويه داخل السياره بسبب المطر وشليت السياره بالسطحه للبيت وبعدها بنص يوم شيكت على السياره من الصدام للصدام وعلي الفلاتر وزيت المكينه والقير وكان كل شي مضبوط الحمدلله. المشكله انه لما شغلت السياره عداد الأربي ام ولمبات القير في الطبلون ولعت وطفت مرتين وبعديها طفت واثناء ذالك تقفل القير وصرت مااقدر اعشق السياره. طفيت السياره وجيت اشغلها ومارضت تشتغل، ولما فحصت كل شي تبين لي ان نظام السيكورتي شغال ولمبة المفتاح في الطبلون تأشر ومو راضيه تطفي وعشان كذا قفل القير وطرمبة البنزين من العمل. الحاصل الأن بعد الفحص والبحث في منتديات اجنبيه كثيره ان السياره ماتعرفت على المفتاح وبسبب ذالك مو راضيه تشتغل. داري اني طولت عليكم بس مالي الى الله ثم انتم لأني رحت للوكاله وقالو لي احتمال كمبيوتر وانا ماصدقتهم لأن المويه دخلت على الفرش الداخلي فقط والكمبيوتر في الطبلون وماوصله ماء، الشاهد انهم قالو لي مبدئيأ بتكلف 1300 دولار اذا الخراب بسيط وكل ماطولت راح تكلف اكثر. مع العلم انا في امريكا.
