عرض للطباعة
السلام عليكم ورحمة الله وبركاتة.
اخواني انا على وجه سفر واحتمال اواجه عج في الطريق ابغى منكم تساعدوني في افضل وسيلة للحفاظ على السياره
وخصوصا اني ماركبت حماية للوجهية للاسف اعطوني افضل الحلول هل اغبر او احط فيري ع الوجهية او اي حل ممتاز
لاني بصراحة خايف على الوجهية لاتنعدم من الخط
ويعطيكم العافية.
فيه منتجات تنباع في ساكو عشان الخطوط بس ماني عارف هل تنفع و الا تزيد الطين بله
واحد من المنتجات اسمه رش وامش و الثاني نسيت اسمه.
جربت اسافر عليها مرة وحدة
حسب تجربتي الوحيدة اشوف ان السرعة تفرق ، لما تسرع كثير تتاثر البوية في حالة كان الجو مو صافي
يفيدونك اكثر الاخوان اللي يمسكون خطوط دايم
نصيحة لك لا تستعمل الرش يخرب البوية
قدامك حلين :
- يا تاخذ لك برقع بـ اقل من 300 ريال
- او تحط لك حامي الوجهيه مع المرايات
وهو شفاف و يضل اكثر من سنة معك بـ 1000 ريال
نسيت اذكر لكم في الموضوع
اليوم رحت كيلو2 وكنت بفصل البرقع وقالي صاحب المحل يمكن يتأثر الصدام مكان تثبيت البرقع
ومافي حل الا اننا نثبتو في اننا نحط مسامير في الرفارف الاماميه وحسب كلامه هذا افضل حل
رحت اكتر من محل وقالو نفس الكلام وشلت فكرة البرقع من راسي
الان ايش الحل حبايبي ولاعندي الوقت عشان اسوي الحماية للواجهة بكره مسافر باذن الله
طيب فيه ناس نصحوني احط شامبو على الوجهية تنصحوني فيه واذا فيه شي افضل انصحوني
تحياتي لكم.
أجل أتوقع مالك إلا :
1) رش وأمش من ساكو
2) شامبو أطفال
وشف الموضوع هذا
~|| بلا برقع بلا فيري بلا تغبيرهـ ... Seba Med افضل حل ~
^
لكن ترى كلها ما جربتها
خذ سفنجه ناعمه ؛ إذا وصلت من السفر أغسل وجهية السياره والأماكن اللي حطيت فيها
عشان ما تأثر على بوية السياره
السلام عليكم
كف الحال ؟؟؟
اخوي انتبه من الفيري لاني مجربه حطيته وانا راجع من مكه وكان الطريق كله غبار وصلت ابها ما لقت فيه بويه في الصدام :d
بس الحمد لله ما كنت بالاكورد وفيه عند محلات الزينه تغبيره شفافه او انك تروح ل3M تسوي حمايه للوجهيه
بلا برقع بلا حمايه شفاف بلا فيري وخرابييييط الحمايه شفاف لا جلست عليه سنتين وتروح تفكها راح يطلع معه البويه ولا تصدق أي واحد مايمهم الا دراهم ويلعبون بموترك بالموس وانواع المخوش لاجيت بتركبه عندهم مالك حـل انـك اذا مسكت خط وانت تمشي مثلا 120 او 140 ويجي واحد من وراك يكبت بالنور وخرعنه لاتجي وراه نهائي خلك على يمين لاجيت وراه على طول لان هو قدامك وهو مسرع الكفر حق موتره يجي فيه حصى متطيره ويطير ف الهواء وتجي على صدامك وبكذا راح تنعدم الوجيهه عندك كل ماتجي موتر مسرع حاول توخر عنه ولا تجي وراه ابد ولا شفت الخط غبارررر مره وقف بالمحطه على طول ولا تحرك الموتر لين يهدي الجو وخذ لك قهوه وتك في المقهى لان الغبارر والجو يطير معه حصى الصغيره مرره في الهواء ويجي على موترك وانت تمشي بالخط ويترمل واهم شي وضحت لك صدقني انا اسوي كذا ولا يجي في موتر شي ابد لاني مااجي ورا احد وهو مسرع ولا شفت الطريق كله تراب اوقف الموتر على يسار على طول لين يخفف الزحمه ثم ادوس وابعد عنه على طول واهم شي وضحت لك
اخوي (محامي تويوتا)كلام جميل بس انا مجرب عند 3m عندي في الهمر الحمايه حقتهم يعطيك ضمان على البويه ما يصير فيها شي بس بشرط انك تفك الحمايه عندهم وفكيتها ولا تاثرت البويه باي شي الحمد لله وهذي اكثر شي يحمي الوجهيه
هلا اخوي شلونك ان شاء الله تماام بس انا حبيت اقول لك شي وابيك تقول لي متى فكيته قبل سنه او سنتين توقف الموتر في الضل وقت الشمس اكيد كذا ماراح يضر الحمايه لكن حبيت اذكر ك هالشركه ممتازه جداا وهي معروفه بمريكاا وعندهم رش بويه الصدامات وكل شي ونفس المصنع وعندهم مواد خاصه كثيرره لكن في السعوديه مو مثل اللي بمريكااا يعني لو تجي تركب حمايه عندناا يحطون لك شامبو مع الحمايه شفاف علشان يثبت عليهاا وكذا راح يضر البويه لان فيه شامبو دخل الحمايه ويلعب بالبويه ولمعه مع الشمس في امريكاا عندهم ماده كحولي مادري شسمه يحطون على حمايه ولا يضر البويه مدة الحياه لكن في السعوديه يحطون لك شامبو هههههههههههههه كذا يعدم لك البويه ولاجيت تفك الحمايه تشوف الاثر فيهااااقتباس:
المشاركة الأصلية كتبت بواسطة Khaled Mohmad
الله يعطيكم العافية جميعا.
ان شاء الله اليوم السفر قررت احط شامبو على الوجهية واتوكل على الله
واللي يصير عاد من ربكم مامنه مفر ماقصرتو جميعا
دعواتكم
تحياتي لكم.