مشكلة واجهتني من العج و الغبار في سيارتي اكورد 2013 ..

السلام عليكم ..



ي إخوان كلكم تدرون عن اجوائنا الحالية ، الدنيا عج و غبار ..


قبل كم يوم رحت للجبيل في الصباح ، و كانت رجعتي ع الظهر .. و صار معي اللي ما كنت أتمناه ..


من مسكت خط الرجعة إلا الخط كله عج و غبار ، لدرجة أني ما أشوف اللي قدامي ، و الهوى يلعب ب السيارة لعب :(


الحمد لله أني وصلت ب السلامة و كنت خايف كثير ع السيارة ، و زين اني حاط حماية للوجهية و مع ذلك الأنوار و الشبك مشهبين :(


و المصيبة أني لما وديت سيارتي المغسلة و فتحت الكبوت عشان ينظف الأجزاء ب الهوى لقيت بعض الأماكن التراب لاصق فيها ما اقدر أوصل له و انظفه ، لدرجة أن شبك الراديتر عليه بعض الحصى صغار متعلقين ، و مفك الكابوت صاير التراب لاصق ب الشحم :(



السيارة من ناحية أصوات غريبة بعد الطريق الحمد لله تشتغل بـ كل كفاءة ، و لكن لازم الخوف و الحرص ..



و الحل ي إخوان وش أسوي ؟ كيف أتخلص من التراب اللي داخل ؟ كيف أشيل أجزاء الرمل اللي في الأماكن الصعبة ؟ و هل يأثر ع السيارة أو لا في حال تركت التراب أو نظفته ؟

اولا الحمالله على السلامه

العج والغبار لابد منه

بس انا اشوف ان حماية الواجهه كلها نصب واحتيال ومالها داعي

لانها بعد فتره تصفر مع الشمس ولاتنفك واخر شي تضطر انك ترش

والمشكلة انها تشهب اسرع من البوية

يعني ماتستفيد شي

انا اشوف الي راعي خطوط يفصل برقع للواجهه او يحط فيري وفوقة شحم

والتغبيرة ماتنفع لانها تاكل البوية اكل

لمع الواجهه تلميع اصلي من ساكو محل العيان لاتشتري من حق الزينه الخايس وجرب

ونشاء الله تتعدل الامور

الحمد لله على السلامة

ومبروك على السيارة

اخوي روح ساكو وشتر ملمع للبودي السيارة

والغبار داخل المكينة روح اي بنشر وخذ المنفاخ ونفخ فيه الغبار احس طريقة للتخلص من الغبار واضمن لك