عرض للطباعة
السلام عليكم ورحمة الله وبركاته
معروض علي أكورد موديل 2013
فل كامل جلد ونفقيشن أربعه سلندر
لونها ذهبي
ممشاها 10 الآف كيلو
بدي وكاله ونظيفه بعض الأكياس للحين عليها
وحاب استشيركم في اللون الذهبي هل هو جيد ولا الؤلؤي افضل .. وهل الأربعه سلندر ماتنفع ومتعبه
وبـ كم اسومها .. السعر المعقول لها كم
سيارتي السابقه أفالون لمتيد 2011
نصيحتي لك
خلك على سيارتك افضل
في العزل وفي المكينة وفي الرساوة والفخامة وفيها تبريد للمقاعد عكس الاكورد مافيها
قيمتها تقريبا من المية الى مية وخمسة
والله يوفقك
اقتباس:
المشاركة الأصلية كتبت بواسطة راعي ال ACCORD
انا بعت موتري كان ماشي 73 الف .. بعته كان بدي وكاله ولا فيه شيء بس عفته من لونه كان لونه بني غامق وداخليته بيج .. واللون الغامق ماينفع ابد
ولا الأفالون سياره ممتازه بس حلاتها لؤلؤي .. بس بغيت اغير .. وانا خايف من الأربعه سلندر
الناس تطلع من 6 لي 8 مو من 6 لي 4 سلندر !!
.
.
من الحين اقولها لك محى تنفعك الاكورد .. دور لك افلون لؤلؤي احسن لك .!#
.
.
وغلطان انك تبيع موترك الله يهديك بس .. !#
اقتباس:
المشاركة الأصلية كتبت بواسطة al.berens1
تراجعت عن الأكورد كانت معروضه علي بسعر ممتاز 100 الف .. وسعرها بالوكاله 118 ... والأفالون بعتها بـ 102 عشان لونها بني .. لو لونها لؤلؤي جابت 110 براحه
ما راح اطلع من افلون لـ افلون .. خاصه ان مافيه نظيف موديل 2012 و 2011 .. و 2013 شكلها بايخ
راح اطلع من السيدان لـ جيب
فورتشنر سته سلندر - برادو سته سلندر - افجي
صح مافيها رساوه ولا عزل ولا راحه مثل السيدان لكن مواتر تتحمل شوارعنا المخفره وتنفع للبر
لا جيت للجيوب اثنين لا تبعد عنهم
هدد وارد اليحي .
او اف جي
مع اني افضل الهدد افضل ..
رد عليك واحد شكله كاره للاكورد ههههههه كرهك فيها
الاكورد افضل من الافلون على فكره ولا يهمك موضوع السلندرات
جرب قيادة الاكورد وراح تعرف وش اقصد
يكفيك مقولة ( هوندا الماني الياباني)
هالمقوله ما انقالت من عبث
وعلى فكره صار تصويت باحد منتديات السيارات المشهوره بين الافلون 2013 و الاكورد 2013 برغم ان الافلون فئيه اعلى وماتصدق ان الي فاز بتصويت الاكورد بنسبة 56% تقريبا