السلام عليكم ورحمة الله
ناوي إن شاء الله على اكورد 2013 نص فل وسمعت إن العزل الأرضي سيء وفيه تنسيم وش نصيحتكم كلام صحيح ولا لا؟
عرض للطباعة
السلام عليكم ورحمة الله
ناوي إن شاء الله على اكورد 2013 نص فل وسمعت إن العزل الأرضي سيء وفيه تنسيم وش نصيحتكم كلام صحيح ولا لا؟
وعليكم السلام ورحمة الله وبركاته
نصيحه انتظر موديل 2014
لمعالجه مشكله التنسيم والعزل
الى الان الشركه تراسل الشركه الام ولم تتلقى الرد؟!!
اقتباس:
المشاركة الأصلية كتبت بواسطة عبدالله العلي
صحيح ان العزل الارضي سيء وفيه صوت تنسيم
لكنه أمر نسبي يختلف تقديره من شخص لشخص
أنا أشوف إنك تركب مع اي أحد أو تستأجر أكورد 2013 وتشوف بنفسك لأنه البعض مايشوفها مشكلة والبغض يراه مشكلة
اقتباس:
المشاركة الأصلية كتبت بواسطة مبارك عبدالله
إذا كان بينتظر علشان مشكلة العزل والتنسيم فلاينتظر يتوكل على الله ويشتري 2013 لانه ماراح يختلف شيء أبدا
وعذر مراسلة الشركة للشركة الأم وإنتظار الحل مجرد عذر يقنعون فيه العملاء
اقتباس:
المشاركة الأصلية كتبت بواسطة سلطان2020
وجهه نظر ونحترمها ولكن لامانع من التجربه وقيادته للسياره والحكم عليها
تحياتي:)
شوف يالغالي مالك الا تجرب تروح وكالة هوندا وتقول لهم ابي اجرب السيارة ( test drive ) طبعا بيطلع معك واحد منهم او ممكن ما يطلع معك اذا وافقوا وتجرب السيارة
او تستأجر وتحكم لكن انصحك تمشي فيها 120- 140 في خط وتجرب كل شيء فيها فراملها - طارتها الجديدة الكهربائية - عزمها ـ عزلها- النظام الصوتي والمكيف حقها تحت الشمس - ليونة وراح المراتب والجلسة فيها لمدة ساعه ع الاقل
عموما العزل الارضي ماهو قد الطموح ربما يعود للأطارات ويمكن التقليل منها مستقبلا بشراء اطارات لينة ودعستها عادية مثل تويو ، هانكوك ( طبعا راح تقل بنسبة 20 - 40 % لا تتوقع فرق كبير )
العزل الجانبي سيء خصوصا في الخطوط :d عن مليون تجربة اقولها
وكل الي في فئة الاكورد تقريبا فيهم مثل هالعيوب لكن الاكورد على انها تعيش وصناعه وسعرها المرتفع يلاحظ عليها هذا العيب
شوف وانا اخوك اذا اكثر استخدامك داخل المدينة ونادر ما يركب معاك 4 اشخاص ممكن تكون مناسبة لكن اذا دايم سيارتك مليانة اقول دور لك موتر v6 او v8 وانا انصحك بالكابرس لو حصلته لان سيارات 4 سلندر كذا ...
مريح وعزم خيالي وأرسم واوجه وقطعه وسط مو غالية ويعيش ( بحسن الاستخدام ) واغلب مشاكل القير السابقة تم تلافيها
شوف انا جربت الاكورد الجديدة لكن ما اقدر احكم عليها بشكل كامل الا بتجربة 5000 الاف كيلو على الاقل بس طاراتها صارت اخف وديكوراتها اجمل من موديل 2012 لكن
حسب كلام الي جربواها لقوا نفس مشاكلنا 2012 العزل الارضي والجانبي
وبيني وبينك اذا بتدفع 100 الف لا تحطها في اكورد 4 سلندر وتسوي مثلي
وكيلها عبدالله هاشم رافع اسعار الصيانة على سيارة 4 سلندر
السيارة تعليقها شبه رياضي معطي رساوة لكن معطي كذالك قساوة قليلا
الان المميزات :
الرساوة الجيدة والمتعة في القيادة
شكل جميل ورائع وديكورات داخلية جميلة - مواصفات السلامة كاملة متوفرة حتى باقل فئة مثل الارباقات والabs ومانع الانزلاق
سعرها عند البيع ما ينزل كثير يعني تحافظ على سعرها لكن مو مثل سيارات تويوتا
جودة المكينة وقطعها المكانيكية تعيش وتعمر طويلا
قطعها الاستهلاكية تقريبا مثل الكامري والاكورد فيها قطع ارخص من الكامري وفي قطع اغلى ( نسبة وتناسب ) مثلا فلتر الزيت السيفون الاصلي عند الوكالة بـ 19 ريال لكن فلتر المكيف بـ حوالي 300 ريال فلتر الهواء للمكينة بـ 92 ريال تغيير زيت القير في الوكالة يكلف 215 ريال تقريبا اول مره عند 60 الف كيلو وبعدها كل 40 الف كيلو بعض القطع الغير استهلاكية قد لا تتوفر في الوكالة لكن مو مشكلة ومعضلة
تصير بأكبر الوكالات ( للعلم والاحاطة )
مكيفها جيد جدا وسيارة تتحمل الحرارة ولا تتعبك في ارتفاع الحرارة
طبعا انا اتكلم عن موديل 2012
ومالك الا تجرب 2013 وتجربها في خط قصير وتسرع بها إلى 140 وتشوف
كـل سيارة لها عيوب ومميزات انت شف هل مميزاتها تعجك وتحقق رغباتك وهل سعرها كويس وتستاهل ولا لا وهل عيوب يمكن التغاضي عنها او ان عيوب بالنسبة لك ولأستخدامك غير ذات الاهمية وعلى قولتهم الحسنات تبعد السيئات
عموما اذا عزمت على الاكورد ونويت وتقدر تنظر إلى 2014 انتظر افضل لكن لا تتوقع انهم راح يحسنون العزل الارضي او الجانبي ... وابصملك