مشكله في الاكورد بوري و الارباق

سلام عليكم

وجهتني مشكله في الاكورد 2004

انا البووري ما يشتعل و لمبه الارباق في العداد ولعه

وعليكم السلام
كل اللي عليك تفحص كمبيوتر من اجل تحدد المشكله
اما حساسات يمين اويسار خلف الصدام الامامي
وسببها اضاءه لمبة الايرباق اذا الحساسات ماتشتغل
او
شريحة الدركسون اذا عطلانه مايشتغل البوري
مكانه خلف الطاره كما بالصوره اسفل

http://im38.gulfup.com/OJcHb.jpg

مازيد شي علي ابو عبدالله



اعطاك الحل الاكيد الله يجزاه خير

والله يالغالي عندك لمبة اليرباق ولمبة الانجن هاذي من اشهر مشاكل الاكورد عشان كذا انا ساحب عليهم لاني دوخت راسي في الداية اصلحها وترجع تولع مرة ثانية وبالتوفيق

يعطيكم العافيه
بسس مقدر اشغال بس البوري لازم الشريحه
مو مهم الارباق عندي
سعرتها بتشليح 500 ريال

متاكد انها من انها من الشريحة انا البارحة صلحته طلع من البوري واشتريت 2 ب200 ريال اصلي وسالت الهندي شنو سبب الخراب قالي لان شبك الهوندا الامامي وسيع عشان كذا يدخل الغبار وضبط انت شيك على البوري لاني اول مرة اسمع عن هالشريحة

منن الشريحه وديتهاا الفحصص قالي الشريح

هي الي توصل الكهربهاء لطاره يعني الارباق حق الطاره و البوري شغال ع شريحه

وعليكم السلام

شريحة الدركسون اذا خربت يصير البوري ومثبت السرعه ما يشتغلن .. وتولع لمبة الأيرباق

وهذا شكلها
http://thumbs3.ebaystatic.com/d/l225...GUUOkHndXg.jpg

http://thumbs2.ebaystatic.com/d/l225...n-f2yLnq3Q.jpg

وسعرها بالخارج بدون شحن تقريبا $91.09 .. لكن خذ نفس موديل وفئة سيارتك ( ستاندر - سبشل - فل كامل - 4 أو سته سلندر )
http://www.1hondaparts.com/

وشريحة الدركسون سمعت من بعض الناس انه تقدر تصلحها عند كهربائي

أنا سيارتي ستاندر ومافيها مثبت سرعه .. وخربت عندي شريحة الدركسون وصار البوري ما يشتغل وطبعا مافيها مثبت سرعه لأنها ستاندر سياحي

المهم

ركبت كتاوت ياباني للبوري وسويت تسليك وفاصل ألماني وفيوز وكل شيء سويته بنفسي عند البيت .. لكن الشغله متعبه
وشغل أنظف وأفضل من الكهربائيين

والشغله كلها كلفتني تقريبا :

كتاوت ياباني 30 ريال
أسلاك متينه ورؤوس توصيل أسلاك والخ... تقريبا 25 ريال
فيوز 10A أمبير و قاعدة فيوز 10 ريال
جرجور أسود للأسلاك مناسب للسياره ( أصغر بكثير من حق البيوت ) .. شريته من ساكو تقريبا بـ 30 ريال
شدادات للأسلاك 5 ريال

المجموع = 100 ريال

شغل اليد = 0 ريال .. لأني سويت كل شيء بنفسي و الحمد لله عندي خبره بالتسليك والكتاوت والخ...

المسأله مو مسأله بخل بالعكس .. لكن ما أحب الكهربائيين يلعبون بسيارتي وشغل مش حالك وسريع سريع وبعضهم ما يعزلون الأسلاك والخ... بشكل ممتاز

ههههههههههه

انا مولف زر عند زر فتحت السقف

دايمم اكلج اضغط الي بطاره

كييف يعني لازم الشريحه

اسسبيشل موتر

اقتباس:

---

المشاركة الأصلية كتبت بواسطة ابدداع اليابان

ههههههههههه

انا مولف زر عند زر فتحت السقف

دايمم اكلج اضغط الي بطاره

كييف يعني لازم الشريحه

اسسبيشل موتر

---

اذا البوري ومثبت السرعه ما يشتغلن ولمبة الايرباق مولعه = لازم تصلح او تغير الشريحه

قبل تشتري جديده أو مستعمله ..

رح لكهربائي سيارات يفضل يكون خبير و أسأله اذا يقدر يصلحها لك أو لا ( يفكها ويلحم أو يرهم الأسلاك المقطوعه داخلها ) لكن لا يعكس الأسلاك أو يخليها تلمس بعض ويجيب العيد

وترى عند فكها من الدركسون وعند تركيبها في الدركسون ... لها وزنيه ( ضروريه جدا جدا ) الدركسون لازم يكون مستقيم تماما بدون أي ميلان
وبالتركيب لها طريقه مهمة جدا عشان ما تنقطع الأسلاك اللي داخلها اذا لفيت الدركسون .. لكن للأسف نسيتها
واذا ما ضبطت الوزنيه بأي سياره مو بس الأكورد .. حتى لو تركب جديده بقراطيسها راح تخرب الشريحه ( تنقطع الأسلاك اللي داخلها بسبب الخطأ في الوزنيه )

لأن الشريحه هذي فيها أسلاك داخلها ملفوفه بطول معين والوزنيه تسمح للأسلاك بأنها تتحرك مع دوران الدركسون بدون أنها تنقطع

ههههههه وترى حتى أنا مضبط مكان الفاصل جنب زر وزن النور ( بسيارتي : فيه مكانين فاضي لأن سيارتي ستاندر سياحيه مافيها زر VSA )

حرام أشتري شريحه جديده بمبلغ وقدره عشان يشتغل البوري والإيرباق حق السواق وهي مافيها مثبت سرعه .. ولو ما يضبط وزنيتها العامل بتنقطع الأسلاك اللي داخلها !

ترى والله مو بخل لكن عندي مصاريف كثيره ؛ وفيه أشياء بسيارتي تحتاج للتصليح أهم بكثير من شريحة الدركسون

وتصدق ان شريحة البوري ( نكبتني وصدمني واحد بسببها ) .. قبل تخرب بشكل كامل .. كانت احيانا تشتغل واحيانا تطفى حسب حركة الدركسون

المهم في يوم من الأيام قبل شهور طويله جدا رجع علي جيب بدون ما ينتبه .. وصدمني

طبعا كنت اضغط زر البوري بالدركسون لكن ( للأسف صار ما يشتغل بسبب شريحة الدركسون ) ومن يومها كرهت الشريحه كره العمى وقررت اسوي تسليك وكتاوت وفاصل وأضمن أنه يشتغل دائما وبكل الأوقات .. لأن الغشمان كثيرين و البوري ما أقدر استغني عنه

والله أني مشغول ؛ لكن إن شاء الله بحاول أني أنزل تقرير بالصور عن الفاصل والتسليك والكتاوت ومكان التسليك و الخ... وعن طريقة تسليك الكتاوت والفيوز والتوصيل و الخ...

ميزة الطريقه هذي :
1) لك وللزمن عمليه جدا جدا وقليل جدا تتعطل .. الأشياء هذي عمرها طويل جدا
2) وحتى لو تعطلت بعد سنوات طويله من الإستخدام .. سهل جدا جدا تصليحها كلها كتاوت ياباني أصلي بـ 30 ريال أو زر ألماني بـ 15 ريال أو فيوز امريكي أصلي 10A رخيص
3) تريح راسك من شريحة الدركسون
4) كهرباء قويه للبوري

http://store2.up-00.com/Sep13/ngB86506.jpg


تقدر تخلي الفاصل الألماني اذا ضغطته يشتغل واذا سحبته يطفى البوري .. وتقدر تخليه العكس يعني اذا سحبت الفاصل يشتغل البوري واذا ضغطته يطفى

دوّرت على فاصل أو زر اذا ضغطته يشتغل وإذا تركته يطفى من نفسه .. يعني لمس .. لكن مالقيت أصلي

ليشش تقلدني انا نفسس الزر بس احممر

هہِہَہِہَہِـْْ =d واللہ حلوه =)) ـْْہِہَہِہَہِہَھ


كفيت و وفيت يالغالي بيض الله وجهكك