صرفية البنزين + عداد البنزين خربان + ريحة بنزين قوية + تنقيص الزيت >اكورد 92<

السلام عليكم





اخواني عندي مشاكل بلبنزين اولا سيارتي اكورد 1992 فل كامل بخاخات المكينة 2.2


المهم ان عندي مشكلة اللي هي عداد البنزين خربان السبب الله واعلم <<طيب كيف تعرف بنزينك خلص
اعرف اذا السيارة بدأت تقطع
في رايكم وش سبب يخلي العداد يخرب


المشكلة الثانيةة والثالثة اذا رحت اعبي بنزيت تطلع ريحة غير طبيعية لدرجة الهنود يرجعون بعيد من الريحة حقت البنزين
واذا جيت اعبي ب10 ريال بنزين 95 يجلس معاي حق مشوارين بداري لمدة نص ساعة وا يخلص البنزين ويرجع يقطع الموتر الفل بلسيارة يجلس يومين معا مشواير متوسطة

الزيت وما ادرراك مالزيت
الزيت ياناس ينقص بس موب في كل الحالات ينقص في حالة اتعديت 120 يبداء ينقص



وياريت تعططونا الحلول الطيبة

وعليكم السلام
المشكله الاولى :
سبب خراب العداد هو العواامه هذي تكون بوسط التانكي تحتاج تغيير بس بالاول افحص الفيوزات اول شي
واذا مانفع غير العوامه بواحده جديده
المشكله الثانيه :
صرفيه البنزين تحتاج تغيير بواجي وممكن البواجي سليمه على اساس المشكله الثالثه عندك نقص بالزيت
والافضل تستبدل فلتر بنزين

المشكله الثالثه :

نقص الزيت هذا دليل على ضعف الشنابر حول البساتم
بس بالاول اذا فك البواجي خل الميكانيكي يشوف اذا عليها زيت معناته ان الشنبر ضعيف ويطلع الزيت مع الاحتراق وتصرف بنزين

وعليكم السلام

أحب أضيف على كلام مبارك عبدالله

بالنسبة لريحة وصرفية البنزين :

شيك على الفيوزات + الغطاء العادي حق البنزين + الغطاء اللي يكون اعلى التانكي بالشنطه او يمكن تحت المراتب الخلفيه ينفتح اذا بغيت تغير الطرمبه او العوامه أو فلتر البنزين ... اذكر فيها ربلات كبيره وغطاء حديد يمنع تسريب وتبخر البنزين

و شيّك على ربلات البخاخات يمكن تحتاج تغيير ( فقط الربلات الصغيره ) + يمكن عندك تسريب بنزين + يمكن عندك تنسيم بالشكمان

و غيّر البواجي بأصليه من الوكاله او محل قطع غيار هوندا ونظّف فلتر الهواء ... واذا ميزانيتك كويسه غيّر فلتر البنزين ؛ وأشتر محلول تنظيف البخاخات ياباني أصلي وممتاز أنا مجربه من وكالة ميتسوبيشي بـ 38 ريال علبه صغيره تنفع للسيارات الصغيره بشكل عام

فلتر الهواء اذا كان مليان أوساخ وغبار أو شبه مسدود ... تضطر السياره تزيد كمية البنزين لتعويض نقص الهواء وطبعا هذا يؤثر على أداء السياره و صرفيه البنزين


أما بالنسبه لتنقيص الزيت :

وش نوع الزيت اللي تستخدمه وكم لزوجته 20w50 أو 10w30 ؟
وش نوع فلتر الزيت ( االسيفون ) أصلي من الوكاله أو ما تدري وش نوعه ؟

وشيّك على السياره من تحت وتأكد أن مافيه تهريب من صرة المكينه او فلتر الزيت او الخ...


جرب زيت بترومين

اقتباس:

---

المشاركة الأصلية كتبت بواسطة THE SILVER ACCORD

وعليكم السلام

أحب أضيف على كلام مبارك عبدالله

بالنسبة لريحة وصرفية البنزين :

شيك على الفيوزات + الغطاء العادي حق البنزين + الغطاء اللي يكون اعلى التانكي بالشنطه او يمكن تحت المراتب الخلفيه ينفتح اذا بغيت تغير الطرمبه او العوامه أو فلتر البنزين ... اذكر فيها ربلات كبيره وغطاء حديد يمنع تسريب وتبخر البنزين

و شيّك على ربلات البخاخات يمكن تحتاج تغيير ( فقط الربلات الصغيره ) + يمكن عندك تسريب بنزين + يمكن عندك تنسيم بالشكمان

و غيّر البواجي بأصليه من الوكاله او محل قطع غيار هوندا ونظّف فلتر الهواء ... واذا ميزانيتك كويسه غيّر فلتر البنزين ؛ وأشتر محلول تنظيف البخاخات ياباني أصلي وممتاز أنا مجربه من وكالة ميتسوبيشي بـ 38 ريال علبه صغيره تنفع للسيارات الصغيره بشكل عام

فلتر الهواء اذا كان مليان أوساخ وغبار أو شبه مسدود ... تضطر السياره تزيد كمية البنزين لتعويض نقص الهواء وطبعا هذا يؤثر على أداء السياره و صرفيه البنزين


أما بالنسبه لتنقيص الزيت :

وش نوع الزيت اللي تستخدمه وكم لزوجته 20w50 أو 10w30 ؟
وش نوع فلتر الزيت ( االسيفون ) أصلي من الوكاله أو ما تدري وش نوعه ؟

وشيّك على السياره من تحت وتأكد أن مافيه تهريب من صرة المكينه او فلتر الزيت او الخ...


جرب زيت بترومين

---

اول شي البواجي لها اسبوعين مغيرها بنفسي بنسبه لقيت زيت خفييف مره يعني فيه لزوجه في اسلاك البواجي بنسبة لزيت استخدم سوبر جيتي بعض المرات يكون في تنقيط من تحت السيارة مادري من وين بظبط السيفون حق الزيت ماعرف والله وش نوعه بنسبة لفلتر الهواء الانتيك نفسه شمس يعني خلاص في حالة تكسير ومنتهي والقربه حقت الانتيك نفس الحالة حالتها حالة كل ماربطها القاها في جهة بنسبة برضو لمنظف البخاخات اخذت علبتين من ساكو حطيت واحد والسيارة خلاص قرب البنزين حقها يطفيه حطيته ومشيت عليها 120 في الدائري ابو ثلاثة مخارج كذا ورجعت عليها وبعدها طفت السياره وحطيت بنزين بنسبة امس ملاحظ شي اني عبيت فل ورحت البيت لقيت ريحة بنزين كل معتاد ادور من كل مكان لاحظت من الغطاء حق التانكي نفسه في شي مكبوب على البودي مسكته بيدي وبعد عن السيارة اشم اللي بيدي طلع في ريحة بنزين يكون من الغطا اخوي ؟ بنسبة لشكمان الله واعلم لان عليه ذبه رياضية وغير كذا الاحظ اذا دعست على السيارة بقوة اشم ريحة بنزين داخل السيارة او كربون او شي زي كذا

up

للرفع .. ساعدونا ياشباب

النجدة قبل لا يتلعب علي