الله يرحم والديكم ياإخوان الفزعة،، مشكلة غريبة

السلام عليكم ورحمة الله وبركاته
إخواني الأعزاء أعضاء محبي هوندا،،

اليوم صارت مشكلة غريبة في سيارتي (هوندا أكورد 2010) بدون أي مقدمات، رجعت من الدوام اليوم ووقفت سيارتي وفجأة وقبل ماأطفي السيارة علقت لمبات الطبلون كلها تقريباً وحاولت أحرك عصا القير مافيه أمل تتحرك من وضعية P طفيت السيارة وشغلتها ثاني مرة نفس المشكلة القير معلق ولمبات الطبلون كلها شغاله وعلامات غريبه تظهر (موضحه في الصور) ولمبة D تشتغل وتطفي!!

أرجو من اللي مرت عليه هاذي المشكلة أو أي أحد يقدر يساعدني ويفيدني الله يرحم والديكم جميعاً..

http://im41.gulfup.com/P6Fac.jpg


http://im41.gulfup.com/8Cu7x.jpg

جرب افصل اسلاك بطاريه كله وابعدهم عن بعض خله عشر دقايق ثم شبكه وشغل سياره علشان يبرمج من جديد جرب شوف وان شاء الله تنحل

فصلت أسلاك البطارية ورجعتها، ضبطت السيارة ورحت فيها مشوار وفجأة أحط السيارة بالريوس ماتقبل أبد العصى تقبل بس ماترجع، حطيتها في d ومشيت فيها السيارة معلقه على نمره وحده بس، رجعت للبيت وطفيتها وشغلتها ثاني مرة رجعت نفس المشكلة ماتقبل العصى تعشق ولمبات الطبلون تشتغل كلها!! ..

طيب تاكد من فيوزات اول شي علشان اتاكد يمكن يكون من الكهرباء سياره فيوزات كله دخل وعند مكينه بعد شوف أي واحد فيهم محترق اذا كل شي مضبوط افحص البطاريه تاكد هو كويس ولالا

افحص حساسات القير

اذا باقي مولعه اللمبات. افحص كمبيوتر مباشررره لانه رايح يلين معاك وين العطلاتوقع كمبيوتر السياره. فيه مشكله. مادري جا السياره مويه. او ركبت فـ♡ـي السياره اجهزه كهربائية وكان التوصيل سيءوكمان شيك علي حساس عصا القير. ممكن سبب المشكله

اخوي مشكلتك غريبه الصراحة ما اقدر افتيلك من عندي

بس اذا تبي تحرك القير علشان تشيلها سطحة وتفحصها

فيه فتحه في جانب عصا القير افتحها ودخل المفتاح ويتحرك معك

اقتباس:

---

المشاركة الأصلية كتبت بواسطة جاكي2

اذا باقي مولعه اللمبات. افحص كمبيوتر مباشررره لانه رايح يلين معاك وين العطلاتوقع كمبيوتر السياره. فيه مشكله. مادري جا السياره مويه. او ركبت فـ♡ـي السياره اجهزه كهربائية وكان التوصيل سيءوكمان شيك علي حساس عصا القير. ممكن سبب المشكله

---

1+

أشكر جميع الأعضاء على تفاعلهم مع موضوعي،،

تم الذهاب إلى وكالة هوندا، وبعد الكشف على السيارة أفادوني أن كمبيوتر السيارة خربان، مع العلم أن سيارتي ماتعرضت لسيول أو أمطار نهائياً وماركبت أي قطعة كهربائية إضافية للسيارة، ولم يعطوني أي سبب مقنع لتعطل الكمبيوتر، ولكن الحمد لله على كل حال وقدر الله وماشاء فعل.
للفائدة: قيمة الكمبيوتر 5144 ريال فقط قيمة القطعة بدون أجور اليد..

خذ لك كمبيوتر مستخدم. وكنت. شاك من البدايه. انه كمبيوتر السياره بِــ̯͡سّ غريبه. خرابه بدون سببسعره مستخدم. من 1000 -1500 ريال. ومكانه. جنب بطاريه السياره. يعني اجور اصلاح فك بطاريه فك الكمبيوتر من الفيش ويشبك الجديد. ويبرمج

اذا اخذت كمبيوتر. تشليح.

خذ كمبيوتر. سياره نفس. الفئة بالضبط.
يعني فل خذ حق فل
سبيشل. خذ سبيشل
ستاندر. خذ حق ستاندر
وامورك بسيطه
وشغلته بسيطه. فك بطاريه هو جنبها مباشره. فـ♡ـي صندوق بلاستيك صغير فك الفيش وركب الفيش فـ♡ـي الكمبيوتر الجديد
وممكن يحتاج برجمه

كم جلست وانت فاصل البطاريه ؟
افصل الاصابع وخلها اكثر من ربع ساعه وشوف وش يصير معك
مستحيل كامبيوتر ماعمري سمعت بهالعطل في الاكورد

لايضحكون عليك الوكاله

بالعكس. اخوي. تالمت. المشكله. موجوده ممكن. ماسمعت فيها. لكن. موجوده. وهذي اعراضها

وممكن يضرب الكمبيوتر احيانا من. شحن سياره. اخري. اكبر. او ً شحنها. بجهاز. قوه 24 والبطاريه. علي السياره
ممكن يضرب الكمبيوتر

اقتباس:

---

المشاركة الأصلية كتبت بواسطة أكورد2010

أشكر جميع الأعضاء على تفاعلهم مع موضوعي،،

تم الذهاب إلى وكالة هوندا، وبعد الكشف على السيارة أفادوني أن كمبيوتر السيارة خربان، مع العلم أن سيارتي ماتعرضت لسيول أو أمطار نهائياً وماركبت أي قطعة كهربائية إضافية للسيارة، ولم يعطوني أي سبب مقنع لتعطل الكمبيوتر، ولكن الحمد لله على كل حال وقدر الله وماشاء فعل.
للفائدة: قيمة الكمبيوتر 5144 ريال فقط قيمة القطعة بدون أجور اليد..

---

طيب حلو اهم شي القير مافيه شي انت تقول انه م دخل عليها مويه ولا شي انا ابي اسالك جلد حق مكينه اللي تحميه من مويه اذا سكرت الكبوت م تدخل مويه وانت تمشي ف المطر اذا هي متقطعه اكيد مويه تدخل وتضرب ف كمبيوتر لان جلد يكون متقطع ويدخل عليه مويه واذا هي كويسه م تدخل بس تاكد من جلد اول شي قبل لاتصلح الموتر بعدين خمس الالف ريال ليه على كمبيوتر والله حراميه شوف لك قطعه من برى وارخص طلبيه من خارج سعوديه انا عندي ك طريقه خذ موترك روح تشليح شوف لك هندي ولا سوداني لاتجيه الا هو مروق قول له ابي منك قطعه كبيموتر واذا عطاك اياه بسعر ارخص حلو قول له ابيك تركبها اول شي علشان اتاكد اذا ضبط اشريته واذا م ضبطت عطيتك ميه ريال جرب شوف علشان تتاكد بعديين اذا هو ضابط وضبط الموتر شوف سعره اغلى من وكاله لاتخذها منه بس اول شي اطلب كمبيوتر من نت تطلع لك ارخص شوف كم سعر بعدين قارن بين وكاله وتشليح واذا كلهم اغلى اطلب اللي برى خذ اللي برى ارخص وجديد اتمنى افدتك