تقرير مصور : طريقة تنظيف الثروتل بدي ( منظم الهواء ) للهوندا أكورد

عرض للطباعة

13-10-2013, 07:47 AM
Accord_2005

تقرير مصور : طريقة تنظيف الثروتل بدي ( منظم الهواء ) للهوندا أكورد

_{بسم الله الرحمن الرحيم}
_{السلام عليكم ورحمة الله وبركاته}
_{كيف حالكم ... عساكم طيبين}
_{وكل عام و أنتم بخير بمناسبة عيد الأضحى المبارك .. أسأل الله أن يمدنا بالصحة والعافية و أن يتقبل منا صالح الأعمال}
_{اليوم جايب لكم عيدية :)

وهو تقرير الكل كان يبحث عنه وهو}عن تنظيف ( الثروتل بدي ) للهوندا أكورد أو بالاسم المنتشر ( منظم الهواء )

طبعاً التقرير للهوندا أكورد موديلات ( 2003 – 2007 )

أما موديلات ( 2008 – 2012 ) فهي نفس طريقة التنظيف و البرمجة ولكن تختلف بشكل بسيط في الفك و التركيب لأن فلتر الهواء يختلف بين الجيل السابع و الثامن من الأكورد

في البداية خلونا نتكلم عن فوائد تنظيف الثروتل بدي :

التنظيف يفيد في إنه يتم إزالة الزيت المتبخر من المكينة و الأتربة و الشوائب اللي قد تسبب عدم إنتظام أمبير الآر بي أم ( عداد ضغط المكينة ) أو ( عداد دوران المكينة ) أو ( عداد الابنص )
و تسبب تفتفه عند تشغيل السيارة

طيب الأن نبدأ في الأدوات المطلوبة :

http://i.imgur.com/EVsNfAo.jpg

http://i.imgur.com/ASaQ1Mt.jpg

1-بخاخ إيسي ديلكو ( بخاخ كاربريتر ) وهو المستخدم لتنظيف الثروتل بدي
2-منشفة لتنشيف الثروتل وتنظيفه
3-مفكات صواميل ( حبات ) ناسي وش الحبات المطلوبة لكن أعتقد حبة 6 أو 7 عشان نفك فيها القفيز الخاص بخرطوش الهواء
4-شطرطون عريض عشان الخراطيش الخارجة من المكينة
5-قفازات ( جلفز ) عشان لا يجي على يدينك شيء من البخاخ لأنها مواد كيميائية خطيرة ومسرطنة

(كل تعليق سيكون في أعلى الصورة )

طيب نبدأ ونقول باسم الله :

في البداية لازم نفصل البطارية

http://i.imgur.com/CGgddZr.jpg

هذا هو مكان الثروتل بدي ... طبعاً لازم تكون السيارة باردة يعني على الأقل واقفة لها 6 ساعات

http://i.imgur.com/B21PeTg.jpg

نبدأ نفصل هذي الفيشين

http://i.imgur.com/fDlVXwk.jpg

الفيش العلوي فيه له زي التيلة أو القفيز تكبسة و تفصل الفيش بالكبس و السحب ... أما الفيش السلفي فهو فصل بالكبس عادي

http://i.imgur.com/UGFHwso.jpg

بعد الفصل

http://i.imgur.com/Evay4MZ.jpg

http://i.imgur.com/wdeaD9Y.jpg

بعد ما نفصل الافياس نفكها من الخرطوش ونبعدها ... ومن هنا تفكها من الخرطوش لأنها تكون مثبتة بالخرطوش

http://i.imgur.com/ry03lhq.jpg

طيب الآن نفك القفيز حق خرطوش الهواء بحبة 6 أو 7 ... وهذا مكان القفيز .. طبعاً مو شرط إنك تفكه بالكامل .. لو حبيت ترخيه يكون أفضل من إنك تفكه

http://i.imgur.com/Yg7vdSF.jpg

بعد ما فكيت الخرطوش وظهر لي الثروتل بدي

http://i.imgur.com/4NFmcxj.jpg

طيب الآن نسحب الليات المتصلة بخرطوش الهواء و نغطي فتحاتها بالاشطرطون عشان لا يدخل لها شيء من البخاخ

http://i.imgur.com/OrNjL7C.jpg

هذي صورتها بعد ما غطيتها

http://i.imgur.com/T600eI5.jpg

هذا خرطوش الهواء بعد ما فكيته بشكل كامل

http://i.imgur.com/Af1SpY5.jpg

هذي السيارة بدون خرطوش الهواء ... و الوضع مهيئ لعملية التنظيف بكل سهولة

http://i.imgur.com/aXwaTZ1.jpg

طيب الآن هذا هو الثروتل بدي وهذي هي بوابة الثروتل بدي ... ويظهر لكم الشوائب و الوسخ مع العلم إن منظفها العام الماضي ... فايلي له 5 أو 7 سنوات بيلاقي كوارث

http://i.imgur.com/Wkr3G7R.jpg

صورة بشكل أوضح

http://i.imgur.com/M6t9DNy.jpg

الآن طريقة التنظيف بعرضها لكم بالفديو و أنا أنظفها

http://www.youtube.com/watch?v=nGrtL97uKKE&feature=youtu.be

في الفديو يوم أقول إدعس بنزين الفائدة منها إن البوابة تنفتح عشان أنظفها

هذا الثروتل بدي بعد ما نظفته ونشفته

http://i.imgur.com/i7UNEQ6.jpg

هذي صورة المنشفة - الله يعزكم - بعد التنظيف و يظهر فيها الاوساخ و الكربون

http://i.imgur.com/7a9vM87.jpg

وهذي صورة قبل وبعد التنظيف

http://i.imgur.com/4PJcrVf.jpg

الآن نبدأ بعملية التركيب ... طبعاً على مهلك و أنت تركب و هدي أعصابك لا تستخدم كل قوتك ... وإذا جيت بتركب الخرطوش إبدأ بتركيبه في علبة الهواء و ترى رأس الخرطوش فيه سنة خارجة عشان تعرف كيف يركب في علبة الهواء و بعد ما تكربه في العلبة ركب الجزء السفلي في الثروتل بدي ... ولو تلاحظون طريقة فك خرطوش الهواء عكس طريقة التركيب ... في الفك فكينها من جهة الثروتل و في التركيب نركبه من جهة العلبة لتسهيل العملية ... بعد ما تركبه وتشد الهوز وصل الليات اللي فصلنها و حطينا عليها شطرطون .... اشبكها بشكل ممتاز

http://i.imgur.com/VwGDAIA.jpg

http://i.imgur.com/V1JwlAU.jpg

http://i.imgur.com/k4j76mA.jpg

والان بعد التوصيل وشبك الافياش

http://i.imgur.com/AQ8I8ij.jpg

http://i.imgur.com/G1whnbm.jpg

بعد ما تشبك البطارية نبدأ بالبرمجة ... البرمجة يحتاج لك يكون معك شخص آخر عشان يتابع

طبعاً البرمجة تتم بعد تنظيف الثروتل بدي أو حتى بعد تغيير البطارية أو بالأصح فصل البطارية عن السيارة

قبل ما نبدأ في البرمجة شغل السيارة لمدة دقيقتين عشان يطلع الزيت للمكينة و نزل الشبابيك عشان تتهوى لأنك راح تكون داخل السيارة و الآن تعرفون

طيب الآن طفي خلي الكبوت مفتوح وخلي واحد برا السيارة يتابع لك مروحة الرديتر

البرمجة :

في البداية بعد ما تحميها طفي جميع اللمبات في السيارة و طفي المسجل و فلتر المكيف ولا تشغل المكيف
ولا تخلي أي شيء شيء كهربائي يعمل حتى الباب قفله و خلك في السيارة .. وعشان كذا أقول لكم خلوا الشباك مفتوح عشان الحر ( على حسب اختيارك ولكن لا تفتح الشباك أثناء البرمجة )

http://i.imgur.com/ZgP0QSz.jpg

طيب الآن نبدأ بالشغل دخل المفتاح في السويتش و حطه على ON II بتظهر لك لمبات العداد

http://i.imgur.com/OurR6qP.jpg

إذا طفت لمبة المكينة تشغل السيارة ( تطفي لمبة المكينة بعد ثانيتين )

http://i.imgur.com/GVQvFtg.jpg

بعد ما تشغل تدعس بنزين إلين وتخلي عداد الضغط على 3 وتبقى مستمر وخلي خويك يتابع مروحة الرديتر

http://i.imgur.com/jUXe6r3.jpg

إذا اشتغلت مروحة الرديتر شيل رجلك عن البنزين و بعد ما توقف مروحة الرديتر إبدأ أحسب 6 دقائق ...

وبعد الـ 6 دقائق تكون البرمجة تمت و بإمكانك تخرج من السيارة أو تحركها ... وبكذا نقول لك ألف مبروك تمت البرمجة

أتمنى أني وفقت في إعداد التقرير و إذا أصبت فمن الله و إذا أخطأت فمني ومن الشيطان

و أتمنى تعذروني على القصور .. و أي إستفسارات أو ملاحظات فأنا تحت أمركم

و لكم خالص التقدير و الاحترام

أخوكم : رامي ... Accord_2005
13-10-2013, 01:45 PM
majood AL-azwari

ما شاء الله

تقرير رائع الله يعطيك العافية ويعطيك خيرها ويكفيك شرها

سيارتي 2009 ولها معي 4 سنوات ونص ما سويت ذا التنظيف مدري يضر اذا ما سويته او لا
13-10-2013, 03:43 PM
khalidadnan_1

عاشت ايدك على التقرير الرائع

ولو اتغير معاها فلتر الهواء و اتنظف البخاخات و البلكات .... تطلع السياره روعه
13-10-2013, 09:57 PM
Accord_2005

اقتباس:

المشاركة الأصلية كتبت بواسطة majood AL-azwari

ما شاء الله

تقرير رائع الله يعطيك العافية ويعطيك خيرها ويكفيك شرها

سيارتي 2009 ولها معي 4 سنوات ونص ما سويت ذا التنظيف مدري يضر اذا ما سويته او لا

لا ما يضر ... أنا أول تنظيف سويته قبل سنة يعني مر على السيارة حدود 7 سنوات ولاحظت اختلاف ممتاز
13-10-2013, 09:58 PM
Accord_2005

اقتباس:

المشاركة الأصلية كتبت بواسطة khalidadnan_1

عاشت ايدك على التقرير الرائع

ولو اتغير معاها فلتر الهواء و اتنظف البخاخات و البلكات .... تطلع السياره روعه

تعيش ايامك ... تنظيف البخاخات كنت بسويه ولكن يحتاج لي ابحث فيه كويس و بنزل عن تقرير يفيدكم
15-10-2013, 03:04 AM
THE SILVER ACCORD

ما شاء الله تبارك الله
الله يعطيك العافيه على التقرير الرائع والمتعوب عليه

أحب أضيف بعض الملاحظات للفائده :
الأكورد من 2006 وفوق .. الثروتل بودي الكتروني
2005 ونازل .. الثروتل عادي

الثروتل بودي حق سيارتك عادي وليس إلكتروني

الثروتل بودي العادي تقدر تشيك على وزنيته وتشده اذا مرتخي .. لأن فيه صيخ أو سلك حديد مربوط بدعسة البنزين ومربوط بالثروتل بودي العادي

اذا كان السلك أو الصيخ ( التسميه تختلف لكن كلها شيء واحد ) مرتخي :
1) الـ RPM يكون نازل بشكل ملحوظ
2) فزّة السياره تكون أضعف

لكن لازم ما يكون مشدود بقوه وإلا راح يسبب ارتفاع بالـ RPM وما أدري اذا يسبب مشاكل أو لا
توزنه من جهة الثروتل بودي فيه صواميل تشده وترخيها
شف الفيديو هذا مفيد ومهم جدا .. شرح بالتفصيل
https://www.youtube.com/watch?v=rawvJop772E

الثروتل بودي الإلكتروني .. على ما أظن فيه حساس عند دعسة البنزين
إذا ضغطته يعطي إشاره لكمبيوتر السياره يخلي الثروتل بودي يفتح حسب دعستك
الإلكتروني .. يعتمد على البرمجه بشكل كبير

بعض الناس يقولون أن الثروتل بودي العادي أحسن وبعضهم يقول الإلكتروني أحسن

بالنسبة لتنظيف البخاخات :

انصحك تروح لوكالة ميتسوبيشي وتاخذ منهم محلول تنظيف بخاخات أصلي مصنوع في اليابان MADE IN JAPAN
سعر الحبه بـ 38 ريال

http://www.mekshat.com/pix/upload05/...wxb92tu4gi.jpg

http://www.m5zn.com/uploads/2011/4/1...hq7b4sn3pl.jpg

اذا ولعت لمبة البنزين رح لمحطة وطف السياره .. وصب المحلول ثم عب فل بنزين 95

ويفضل وليس ضروري .. أنك تمسك بها خط أو تدعس لها بالدائري شوي ..

لكن بالوقت الحالي أشوف مالها داعي .. لأن المشكله ساهر تلقاهم تحت الشجر ومتخبين بأماكن صعب تشوفهم .. وبالليل تحت الشجر ويطفون الأنوار

يعني شيل من راسك فكرة انك تسرع إلا اذا بتغطي اللوحه ورقم الشاصي اللي بطبلون السياره وإلا بتجيك مخالفات بالهبل ولا تنسى انك اذا ما سددتها خلال 30 يوم راح تندبل قيمة المخالفات

شف الدائره جهة اليسار

http://www.google.com.sa/url?sa=i&so...81882522708546

اذا تغطي اللوحات بس .. بدون تغطية رقم الشاصي
راح تجيك مخالفه لأن كاميرا ساهر دقيقه ويقدرون يعطونك مخالفه من خلال رقم الشاصي يعرفون الإستماره واللوحه والخ...

أما إذا تغطي اللوحات + رقم الشاصي = ما تجيك مخالفات

بس لو شافك أحد المرور السري .. الله يعينك حجز السياره و غرامه اذا ماني غلطان 5 آلاف ريال

أنا برأيي لا تسرع وريح راسك من وجع الراس .. ويكفي أنك تفرفر بالدائري على سرعه 120
15-10-2013, 12:51 PM
خبرة سيارات

شكرا على الموضوع .

تحياتي ,,,
15-10-2013, 12:54 PM
Accord_2005

اقتباس:

المشاركة الأصلية كتبت بواسطة THE SILVER ACCORD

ما شاء الله تبارك الله
الله يعطيك العافيه على التقرير الرائع والمتعوب عليه

أحب أضيف بعض الملاحظات للفائده :
الأكورد من 2006 وفوق .. الثروتل بودي الكتروني
2005 ونازل .. الثروتل عادي

الثروتل بودي حق سيارتك عادي وليس إلكتروني

الثروتل بودي العادي تقدر تشيك على وزنيته وتشده اذا مرتخي .. لأن فيه صيخ أو سلك حديد مربوط بدعسة البنزين ومربوط بالثروتل بودي العادي

اذا كان السلك أو الصيخ ( التسميه تختلف لكن كلها شيء واحد ) مرتخي :
1) الـ RPM يكون نازل بشكل ملحوظ
2) فزّة السياره تكون أضعف

لكن لازم ما يكون مشدود بقوه وإلا راح يسبب ارتفاع بالـ RPM وما أدري اذا يسبب مشاكل أو لا
توزنه من جهة الثروتل بودي فيه صواميل تشده وترخيها
شف الفيديو هذا مفيد ومهم جدا .. شرح بالتفصيل
https://www.youtube.com/watch?v=rawvJop772E

الثروتل بودي الإلكتروني .. على ما أظن فيه حساس عند دعسة البنزين
إذا ضغطته يعطي إشاره لكمبيوتر السياره يخلي الثروتل بودي يفتح حسب دعستك
الإلكتروني .. يعتمد على البرمجه بشكل كبير

بعض الناس يقولون أن الثروتل بودي العادي أحسن وبعضهم يقول الإلكتروني أحسن

بالنسبة لتنظيف البخاخات :

انصحك تروح لوكالة ميتسوبيشي وتاخذ منهم محلول تنظيف بخاخات أصلي مصنوع في اليابان MADE IN JAPAN
سعر الحبه بـ 38 ريال

http://www.mekshat.com/pix/upload05/...wxb92tu4gi.jpg

http://www.m5zn.com/uploads/2011/4/1...hq7b4sn3pl.jpg

اذا ولعت لمبة البنزين رح لمحطة وطف السياره .. وصب المحلول ثم عب فل بنزين 95

ويفضل وليس ضروري .. أنك تمسك بها خط أو تدعس لها بالدائري شوي ..

لكن بالوقت الحالي أشوف مالها داعي .. لأن المشكله ساهر تلقاهم تحت الشجر ومتخبين بأماكن صعب تشوفهم .. وبالليل تحت الشجر ويطفون الأنوار

يعني شيل من راسك فكرة انك تسرع إلا اذا بتغطي اللوحه ورقم الشاصي اللي بطبلون السياره وإلا بتجيك مخالفات بالهبل ولا تنسى انك اذا ما سددتها خلال 30 يوم راح تندبل قيمة المخالفات

شف الدائره جهة اليسار

http://www.google.com.sa/url?sa=i&so...81882522708546

اذا تغطي اللوحات بس .. بدون تغطية رقم الشاصي
راح تجيك مخالفه لأن كاميرا ساهر دقيقه ويقدرون يعطونك مخالفه من خلال رقم الشاصي يعرفون الإستماره واللوحه والخ...

أما إذا تغطي اللوحات + رقم الشاصي = ما تجيك مخالفات

بس لو شافك أحد المرور السري .. الله يعينك حجز السياره و غرامه اذا ماني غلطان 5 آلاف ريال

أنا برأيي لا تسرع وريح راسك من وجع الراس .. ويكفي أنك تفرفر بالدائري على سرعه 120

حياك الله يا الغالي

وشاكر لك على المعلومات المفيدة

وبخصوص المحلول اللي من متسوبيشي أنا جربته قبل سنتين وما لاحظت أي فرق و سمعت إنه منظف للتانكي فقط و الله أعلم
16-10-2013, 12:05 AM
Gamer

طيب كل كم كيلو أنظف الثروتل لانه ماهي موجودة في كتيب السيارة

والحساسات اللي على الثروتل مو لازم أنظف ها؟
16-10-2013, 03:49 AM
Accord_2005

اقتباس:

المشاركة الأصلية كتبت بواسطة Gamer

طيب كل كم كيلو أنظف الثروتل لانه ماهي موجودة في كتيب السيارة

والحساسات اللي على الثروتل مو لازم أنظف ها؟

لا الحساسات ما تنظفها ... اماا كم كيلو فأنا ما لقيت شيء يبين ولكن بحكم التنظيف أشوف إنه كل 50 ألف كيلو تنظفه يعني لو تخلي توقيتها مع توقيت تغيير زيت الجيربوكس يكون كويس عشان لا تنساها
16-10-2013, 10:48 AM
أكــــــــــورد11

الله يوفقك
الف شكرلك على التقرير الرائع
16-10-2013, 11:53 PM
Accord_2005

اقتباس:

المشاركة الأصلية كتبت بواسطة أكــــــــــورد11

الله يوفقك
الف شكرلك على التقرير الرائع

وياك يا غالي
18-10-2013, 07:36 AM
THE SILVER ACCORD

اقتباس:

المشاركة الأصلية كتبت بواسطة Accord_2005

حياك الله يا الغالي

وشاكر لك على المعلومات المفيدة

وبخصوص المحلول اللي من متسوبيشي أنا جربته قبل سنتين وما لاحظت أي فرق و سمعت إنه منظف للتانكي فقط و الله أعلم

الله يحيك والعفو يالغالي

هل أستخدمت المحلول بطريقه صحيحه ؟

1) تصبر إلى أن تولع لمبة البنزين .
2) تروح لمحطة بنزين وتطفي السياره .
3) تصب المحلول بالتانكي .
4) تعبي فل وأنا شخصياً أفضل 95 .

يمكن سيارتك قبل سنتين كانت بخاخاتها نظيفه ولا تحتاج تنظيف .. عشان كذا ما لاحظت فرق

وترى يفضل أنك تمغط الدائري أو تمسك خط .. بس المشكله حاليا زي ما قلت لك بردي السابق ( ساهر )

لأن معروف البخاخات تبخ بنزين أقوى وأكثر بالسرعات العاليه والـ RPM العالي .. لكن بالسرعات المنخفضه والـ RPM المنخفض البخاخات تبخ بنزين أقل

و فيه محاليل تنظيف أنواع وأشكال ومن شركات مختلفه وبصناعات مختلفه امريكيه والخ... تلقاها عند ساكو ( يمكن تكون أحسن من ميتسوبيشي وأرخص منه )
http://www.aljazeeramaps.com/Service...758b03323a.jpg
محلول ميتسوبيشي FUEL SYSTEM CLEANER حسب المكتوب على علبته :

مكتوب بالأنجليزي انه ينظف البخاخات وبلوف الهواء حقت الأنتيك والبواجي و والـ Combustion cahmber .. وبالتالي يحسن من أداء وعزم السياره وتصير أصفى وأنشط وتزيل الكربون والأوساخ

صوره لتوضيح الـ Combustion chamber

http://cntincars.webs.com/photos/und...%20Chamber.jpg

لكن اعتقد أي شيء اذا زاد عن حده أنقلب ضده ... لا تبالغ بالتنظيف لأن مكتوب على علبته ينصحون بإستخدامه كل 10 أو 15 آلاف كيلو ( نصابين .. تسويق )
كل 40 ألف كيلو أو كل 50 ألف كيلو .. أشوفها مناسبه وكافيه

واذا انت ناوي تغير البواجي أو فلتر البنزين ؛ يفضل تستخدم المحلول :
1) قبل تغيير البواجي
2) قبل تغيير فلتر البنزين

محلول الميتسوبيشي صناعته يابانيه made in japan .. سعره 38 ريال للعلبه الصغيره من وكالة ميتسوبيشي

ومكتوب على العلبه :
تحتاج علبه واحده .. اذاللي تانكي بنزين سيارتك 75 لتر أو أقل
و إذا كان التانكي 75 لتر أو أكثر .. تحتاج علبتين

أنا سيارتي 2006 تانكيها 65 لتر تقريبا .. يعني علبه واحده تكفي

و ايضا البواجي وفلتر الهواء وفلتر البنزين كلها لها تأثير على العزم ؛ اذا ما عمرك غيرتها بتحس بفرق ملحوظ
19-10-2013, 12:00 PM
Accord_2005

اقتباس:

المشاركة الأصلية كتبت بواسطة THE SILVER ACCORD

الله يحيك والعفو يالغالي

هل أستخدمت المحلول بطريقه صحيحه ؟

1) تصبر إلى أن تولع لمبة البنزين .
2) تروح لمحطة بنزين وتطفي السياره .
3) تصب المحلول بالتانكي .
4) تعبي فل وأنا شخصياً أفضل 95 .

يمكن سيارتك قبل سنتين كانت بخاخاتها نظيفه ولا تحتاج تنظيف .. عشان كذا ما لاحظت فرق

وترى يفضل أنك تمغط الدائري أو تمسك خط .. بس المشكله حاليا زي ما قلت لك بردي السابق ( ساهر )

لأن معروف البخاخات تبخ بنزين أقوى وأكثر بالسرعات العاليه والـ RPM العالي .. لكن بالسرعات المنخفضه والـ RPM المنخفض البخاخات تبخ بنزين أقل

و فيه محاليل تنظيف أنواع وأشكال ومن شركات مختلفه وبصناعات مختلفه امريكيه والخ... تلقاها عند ساكو ( يمكن تكون أحسن من ميتسوبيشي وأرخص منه )
http://www.aljazeeramaps.com/Service...758b03323a.jpg
محلول ميتسوبيشي FUEL SYSTEM CLEANER حسب المكتوب على علبته :

مكتوب بالأنجليزي انه ينظف البخاخات وبلوف الهواء حقت الأنتيك والبواجي و والـ Combustion cahmber .. وبالتالي يحسن من أداء وعزم السياره وتصير أصفى وأنشط وتزيل الكربون والأوساخ

صوره لتوضيح الـ Combustion chamber

http://cntincars.webs.com/photos/und...%20Chamber.jpg

لكن اعتقد أي شيء اذا زاد عن حده أنقلب ضده ... لا تبالغ بالتنظيف لأن مكتوب على علبته ينصحون بإستخدامه كل 10 أو 15 آلاف كيلو ( نصابين .. تسويق )
كل 40 ألف كيلو أو كل 50 ألف كيلو .. أشوفها مناسبه وكافيه

واذا انت ناوي تغير البواجي أو فلتر البنزين ؛ يفضل تستخدم المحلول :
1) قبل تغيير البواجي
2) قبل تغيير فلتر البنزين

محلول الميتسوبيشي صناعته يابانيه made in japan .. سعره 38 ريال للعلبه الصغيره من وكالة ميتسوبيشي

ومكتوب على العلبه :
تحتاج علبه واحده .. اذاللي تانكي بنزين سيارتك 75 لتر أو أقل
و إذا كان التانكي 75 لتر أو أكثر .. تحتاج علبتين

أنا سيارتي 2006 تانكيها 65 لتر تقريبا .. يعني علبه واحده تكفي

و ايضا البواجي وفلتر الهواء وفلتر البنزين كلها لها تأثير على العزم ؛ اذا ما عمرك غيرتها بتحس بفرق ملحوظ

تغيير البواجي و الفلتر يحسسك بالفرق و هذا صحيح

وشاكر لك على المعلومات و الله يعطيك العافية
25-10-2013, 05:00 PM
Accord_2005

Up

---------------------