اكورد 2009 امريكي !!! تكفون ثم تكفون فيدوني انا خلاص تعبت

بسم الله الرحمن الرحيم
مواصفات السيارة ( اكورد 2009 وارد امريكا 4 سلندر سبيشال )
تكفون يا جماعة الخير الي مرت به المشكله او عنده حل لا يبخل علي
المشاكل هي كالتي
1- لبات الطبلون شغالة كلها
2- المراوح حقت الحرارة (الرديتر) ما تشتغل الى اذا شغلت المكيف
3-مسجل الوكالة ما يشتغل يطلب كود لفيت الرياض والدمام والخميس شارع شارع ما فيه احد فادني فركبت شاشة
4- وزنية الانوار الواطي ودليت المكينة الي ترفع بها وتنزل بها لكن العالي رافع ضغطي مفرفوع سما سما ماني مستفيد منه بشي

تكفون فيدوني خصوصا المراوح لان البرد جاي وقروشة اشغل المكيف عشان الحرارة ماترتفع
واللمبات الطبلون تخوووووووووف صراحة وما ني مرتاح
والنور العالي لاني كثير سفر ولا اشوف الطريق
وابي محل المكينه حقت العالي الي نفس حقت الواطي

بالنسبة للمبات هاذي من الحساسات حقت الشكمان والايرباق بعد من شريحة بالدركسون شيك عليها وانصحك بفحص الكمبيوتر
بالنسبة للكود المفروض تحصله كلم الوكالة وازعجهم ورح يعطونك المرواح سببها من الدينمو خربان غيره وراح تضبط

الله يعطيك الف عافية اخوي لكن حبيت اضيف حبتين عن سيارتي
سيارتي استخدامها في شيكاغو امريكيه ماهي من وكالة هنا رحت للوكالة رفضوني
وفيه واحد قالي المراوح يبي لها كمبيوتر وهو مسويها في تاهو كان نفس طريقتي بس كمبيوتر وبعدين توب التوب
انا ما ادري اغير الدينمو ولا اسوي كمبيوتر والمشكلة هنا كمبيوتر الوكالة رافضني

منتظر خبرات الشباب .........

1- لبات الطبلون شغالة كلها
افحص كمبيوتر خارج الوكالة لكن قبل ذلك افصل البطارية لمدة نصف ساعة و رجعها ممكن تضبط
2- المراوح حقت الحرارة (الرديتر) ما تشتغل الى اذا شغلت المكيف
ممكن عندك حساس الحرارة فيه مشكلة لكن الدينمو سليم ما دام المراوح تشتغل مع المكيف
3-مسجل الوكالة ما يشتغل يطلب كود لفيت الرياض والدمام والخميس شارع شارع ما فيه احد فادني فركبت شاشة
ممكن تحصل الكود خلف درج الراكب أو فيه ملصق بالجنب أو خلف المسجل و أنا سبق و قرأت موضوع قبل سنتين هنا ان في موقع أمريكي تحط فيه رقم الهيكل و يطلع لك الكود
4- وزنية الانوار الواطي ودليت المكينة الي ترفع بها وتنزل بها لكن العالي رافع ضغطي مفرفوع سما سما ماني مستفيد منه بشي
روح لأبو يمن يضبطونه لك و ما عندي خبرة فيه

بالتوفيق,,